Golden Boy Promotions پرەزيدەنتٸ وسكار دە لا حوييا Boxingscene پورتالىنا سۇحبات بەرٸپ, ورتا سالماقتاعى WBC جەنە WBA تۇجىرىمى بويىنشا ەلەم چەمپيونى, مەكسيكالىق ساۋل الۆارەستٸڭ (50-1-2,34كو) قازاقستاندىق بوكسشى گەنناديي گولوۆكينمەن (38-1-1,34كو) بولۋى مٷمكٸن ٷشٸنشٸ جەكپە-جەگٸ تۋرالى ايتتى, دەپ حابارلايدى قازاقپارات تٸلشٸسٸ.
«بٸز ٷشٸنشٸ جەكپە-جەكتٸ ۇيىمداستىرۋ جاعىن ويلاستىرامىز. مەن جاڭا عانا لەففلەرمەن (گولوۆكيننٸڭ پروموۋتەرٸ - اۆت.) جەنە سۋلەيمانمەن (WBC پرەزيدەنتٸ) سٶيلەستٸم, بٸز الۆارەستىڭ كەلەسٸ جوسپارىن تالقىلادىق. بٸز الۆارەس جەنە بوكس سپورتى ٷشٸن تيٸمدٸ جۇمىستار ٸستەيمٸز, باسقاسى ماڭىزدى ەمەس. ەڭ ماڭىزدىسى - جانكٷيەرلەر ەڭ تارتىستى جەكپە-جەكتٸ كٶرۋٸ كەرەك», - دەدٸ دە لا حوييا.
پروموۋتەر الۆارەستٸڭ وسى جىلى 15 جەلتوقسانىندا رينگكە ورالاتىنىن, قارسىلاستىڭ ەزٸرگە بەلگٸسٸز ەكەنٸن جەتكٸزدٸ.
سونداي-اق, وسكار دە لا حوييا ٷشٸنشٸ جەكپە-جەك تۋرالى بىلاي دەدٸ:
«ەكٸنشٸ جەكپە-جەك ٶتە تارتىستى بولدى. ال ٷشٸنشٸ جەكپە-جەك بولۋى ەبدەن مٷمكٸن, جانكٷيەرلەر بۇل ايقاستى كٶرگٸسٸ كەلەدٸ. باستىسى - الۆارەس جەڭٸسكە جەتتٸ, مەن ەندٸ ونىمەن سٶيلەسەمٸن. جالپى, ٷشٸنشٸ جەكپە-جەكتٸڭ بولۋ-بولماۋىن الۆارەس شەشەدٸ».
ەسكە سالا كەتەيٸك, گولوۆكين - «كانەلو» رەماتچى 16 قىركٷيەك كٷنٸ امەريكا قۇراما شتاتتارىنىڭ لاس ۆەگاس قالاسىنداعى T-Mobile Arena-دا ٶتتٸ. نەتيجەسٸندە, وتانداسىمىز تٶرەشٸلەر شەشٸمٸمەن (113-115, 114-114, 113-115) جەڭٸلٸپ, چەمپيوندىق بەلبەۋلەرٸنەن ايرىلدى.
