ەلەم بويىنشا كوروناۆيرۋس جۇقتىرعاندار سانى سوڭعى اپتادا 2,4 ميلليون ادامعا ارتتى. بۇل – پاندەمييا باستالعالى ەڭ جوعارى كٶرسەتكٸش, دەپ حابارلايدى "ۇلت اقپارات" ددسۇ دەرەكتەرٸنە سٸلتەمە جاساپ.
ۇيىم اتاپ ٶتكەندەي, COVID-19 ۆيرۋسىنا شالدىعۋشىلار سانى جەدەل قارقىنمەن ٶسۋدە, ال ٸندەتتەن بولعان جاڭا ٶلٸم جاعدايلارىنىڭ سانى سالىستىرمالى تٷردە تۇراقتى بولىپ وتىر. سوڭعى جەتٸ كٷندە ينفەكتسييادان 36 مىڭنان استام ادام قايتىس بولدى, بۇل شامامەن ٶتكەن اپتاداعى كٶرسەتكٸشپەن سەيكەس كەلەدٸ.
«18 قازانداعى جاعداي بويىنشا 40 ميلليوننان استام ادام اۋرۋ جۇقتىرعانى تۋرالى جەنە قايتىس بولعاندار سانى 1,1 ميلليونعا جەتكەنٸ جايلى حابارلاما كەلٸپ تٷستٸ», - دەپ كٶرسەتٸلگەن ددسۇ مەلٸمەتٸندە.
ەڭ اۋىر ەپيدەميولوگييالىق احۋال سولتٷستٸك جەنە وڭتٷستٸك امەريكادا بايقالادى. مۇندا 12-18 قازان ارالىعىندا 798 مىڭ ادام كوروناۆيرۋسقا شالدىققان, ال ينفەكتسييا جۇقتىرعانداردىڭ جالپى سانى 18,8 ميلليون پاتسيەنتتەن استى. بٸر اپتادا 16 مىڭنان استام ادامنىڭ قايتىس بولعاندىعى تٸركەلگەن. 18 قازانداعى جاعداي بويىنشا ٸندەتتەن كٶز جۇمعانداردىڭ جالپى سانى 608 مىڭنان استام.
ەۋروپادا ٶتكەن اپتامەن سالىستىرعاندا اۋرۋعا شالدىعۋدىڭ 25 پايىزدىق ٶسٸمٸ تٸركەلدٸ. ۆيرۋس جۇقتىرعاندار سانى 927 مىڭنان اسىپ, جالپى 8 ميلليوننان استام ادامعا جەتتٸ. بٸر اپتا ٸشٸندە 8 مىڭنان استام ادام قايتىس بولدى, ال ٶلٸم جاعدايلارىنىڭ جالپى سانى 256 مىڭنان استى.
