دٷنيەجٷزٸلٸك دەنساۋلىق ساقتاۋ ۇيىمى (ددسۇ) قىتايلىق Sinovac كومپانيياسى ەزٸرلەگەن كوروناۆيرۋس ۆاكتسيناسىن ماقۇلدادى. بۇل –ددسۇ ماقۇلداعان قىتايلىق ەكٸنشٸ ەكپە. بۇعان دەيٸن Sinopharm كومپانيياسىنىڭ ۆاكتسيناسى دا پايدالانۋعا ۇسىنىلعان.
حالىقارالىق ۇيىم 1 ماۋسىم كٷنگٸ مەلٸمدەمەسٸندە اتالعان ۆاكتسينا ەكپە العانداردىڭ شامامەن جارتىسىن كوروناۆيرۋستان قورعادى دەپ اتاپ ٶتكەن. ددسۇ-نىڭ ايتۋىنشا, سىناققا قاتىسقانداردىڭ اراسىندا ەگدە جاستاعىلار از بولعان. سول سەبەپتٸ ۇيىم اتالعان ۆاكتسينا 60 جاستان اسقاندارعا قانشالىقتى تيٸمدٸ بولاتىنىن ايتا المايدى.
"بٸراق سوعان قاراماستان ددسۇ جاس بويىنشا شەكتەۋ قويمايدى" دەدٸ.
ۇيىم ٶزگە ەلدەردەن جيناقتالعان دەرەككە سٷيەنە وتىرىپ, ۆاكتسينا جاسى ٷلكەن ادامداردى دا قورعاي الۋى مٷمكٸن دەپ بولجام جاسايدى.
ددسۇ ماقۇلداعان ۆاكتسينالاردى ەدەتتە كەدەي ەلدەرگە ەكپە ساتىپ ەپەرگٸسٸ كەلەتٸن دونورلار مەن بۇۇ-نىڭ ۇيىمدارى ساتىپ الادى. ماقۇلداۋ ۆاكتسينا ٶندٸرگەن كومپانييالارعا سونداي مٷمكٸندٸكتەر بەرەدٸ.
1 ماۋسىمدا قازاقستانعا اتالعان ۆاكتسينانىڭ العاشقى پارتيياسى (500 مىڭ دوزاسى) جەتكٸزٸلگەن. بۇل قازاقستاندا پايدالانىلاتىن تٶرتٸنشٸ ۆاكتسينا. ەكٸ دوزالىق ەكپە 14-28 كٷن ارالىعىندا سالىنادى. +2 +8 گرادۋس ارالىعىندا ساقتالادى.
"قىتايدا ۆاكتسينالاۋ ناۋقانىنىڭ اۋقىمدى تٷردە جالعاسىپ جاتقانىنا قاراماستان قىتاي تارابى جان-جاقتى جەنە ستراتەگييالىق ەرٸپتەستٸك پەن تاتۋ كٶرشٸ قارىم-قاتىناستى اتاپ ٶتٸپ, قازاقستانعا ٶزٸ ەزٸرلەگەن ۆاكتسيناسىن جٸبەردٸ" دەلٸنگەن قازاقستان دەنساۋلىق ساقتاۋ مينيسترلٸگٸ تاراتقان رەسمي حابارلامادا.
ددسۇ بۇعان دەيٸن باتىس كومپانييالارى ٶندٸرگەن Pfizer-BioNTech, Johnson & Johnson, Moderna جەنە AstraZeneca ۆاكتسينالارىن ماقۇلداعان.
