دٷنيەجٷزٸلٸك دەنساۋلىق ساقتاۋ ۇيىمىنىڭ (ددسۇ) ارنايى توبى رەسەيلٸك «سپۋتنيك V» ۆاكتسيناسىن سەرتيفيكاتتاۋ اياسىندا, پرەپارات تۋرالى دەرەكتەردٸ زەرتتەۋ ماقساتىمەن رەسەيدە جٷر. ساپار سوڭىندا ەسەپ دايىندالادى. بۇل تۋرالى تاسس اگەنتتٸگٸنە بەرگەن سۇحباتىندا ددسۇ ەۋروپالىق ٶڭٸرلٸك بيۋروسىنىڭ ديرەكتورى حانس كليۋگە مەلٸم ەتتٸ, دەپ حابارلايدى "ۇلت اقپارات".
«مەن ەۋ-باستان رەسەيلٸك بيلٸكپەن بايلانىستامىن. سەبەبٸ بٸزدٸڭ الدىمىزدا ۆاكتسينانى ماقۇلداۋ مٸندەتٸ تۇر. دەل قازٸر بٸزدٸڭ ماماندار رف-دا, ولاردىڭ ميسسيياسى 4 ماۋسىم كٷنٸ اياقتالادى. سول كەزدە ۇسىنىستار قامتىلعان ەسەپ دايىن بولادى», - دەدٸ ول.
كليۋگەنٸڭ ايتۋى بويىنشا, «سپۋتنيك V» ۆاكتسيناسىن سەرتيفيكاتتاۋعا قاتىستى «وپتيميزمگە نەگٸز بار». «ەۋروپالىق دەرٸ-دەرمەك اگەنتتٸگٸ دە, ددسۇ دا ۆاكتسينانى زەرتتەۋدە. ٶز الدىنا مۇنىڭ ٶزٸ – جاقسى بەلگٸ», - دەپ قوستى ول.
سونىمەن قاتار حانس كليۋگە حالىقتى بٸردەن بٸرنەشە ۆاكتسينامەن قامتاماسىز ەتۋ بويىنشا رەسەيلٸك بيلٸكتٸڭ جۇمىسىن جوعارى باعالادى.
«رف-دا قازٸرگٸ كەزدە بٸرنەشە ۆاكتسينا قولجەتٸمدٸ. دەگەنمەن بٸزگە حالىقتىڭ نەعۇرلىم كٶپ ۆاكتسينالانعانى كەرەك. وسىلايشا, بٸزگە ەكپە العان ازاماتتاردىڭ ٷلەسٸن ارتتىرۋ قاجەت», - دەدٸ ول.
ونىڭ ايتۋىنشا, «ۇجىمدىق يممۋنيتەت قالىپتاستىرۋ ٷشٸن حالىقتىڭ كەم دەگەندە 70% ۆاكتسينا الۋى كەرەك». «بەلگٸلٸ بٸر ناقتى ساندار جوق, دەگەنمەن ۆاكتسينالاۋ جىلدامىراق جەنە اۋقىمدىراق جٷرۋٸ تيٸس», - دەپ قوستى كليۋگە.
بۇل ورايدا ول ەۋروپاداعى جاعدايدى ٷلگٸ ەتتٸ. «قازٸرگٸ كەزدە ددسۇ-نىڭ ەۋروپالىق ٶڭٸرٸندە حالىقتىڭ 26% كەم دەگەندە ۆاكتسينانىڭ بٸر دوزاسىن الدى. بۇل – جاقسى جاڭالىق, - دەدٸ ول. – الايدا قارقىن بۇدان ەدەۋٸر جوعارى بولۋى شارت. سول كەزدە بٸز سەنٸمدٸ بولامىز. سول سەبەپتٸ بۇل جاعدايدا جىلدامدىق – بٸزدٸڭ جاقىن دوسىمىز».
ەۋروپالىق دەرٸ-دەرمەك اگەنتتٸگٸ 4 ناۋرىز كٷنٸ «سپۋتنيك V» ۆاكتسيناسىنا بٸرٸزدٸ ساراپتاما جاساۋ پروتسەدۋراسىنىڭ باستالعانى تۋرالى حابارلادى. قازٸرگٸ كەزدە رەسەيلٸك پرەپاراتتىڭ تٸركەلۋٸ اياقتالعان جوق.
«سپۋتنيك V» رەسەيلٸك ۆاكتسيناسى ورتاق حالقى 1,5 ملرد ادامنان اساتىن 60 ەلدٸڭ رەتتەگٸشتەرٸمەن تٸركەلگەن. 30-دان استام ەل اتالمىش ۆاكتسينامەن جاپپاي ۆاكتسينالاۋدى باستاپ كەتكەن. ونىڭ 91,6% دەڭگەيٸندەگٸ تيٸمدٸلٸگٸ The Lancet جەتەكشٸ مەديتسينالىق جۋرنالىنداعى جارييالانىممەن راستالعان.
