دٷنيەجٷزٸلٸك دەنساۋلىق ساقتاۋ ۇيىمى (ددسۇ) 13 تامىزدا ەلەمدەگٸ قىزىلشا دەرتٸ جايلى جارتى جىلدىق ەسەبٸن جارييالادى. ۇيىم دەرەگٸنشە, بۇل دەرت ەسٸرەسە قازاقستان, انگولا, كامەرۋن, چاد, نيگەرييا, فيليپپين, وڭتٷستٸك سۋدان جەنە تايلاندتا ٶرشٸپ تۇر.
ددسۇ-نىڭ حابارلاۋىنشا, 2019 جىلدىڭ العاشقى جارتىسىندا ٶتكەن جىلعى وسىنداي كەزەڭمەن سالىستىرعاندا قىزىلشامەن اۋىرعان ادام سانى ٷش ەسە كٶبەيٸپ, 2006 جىلدان بەرٸ بولماعان رەكوردتىق كٶرسەتكٸشكە جەتكەن. حالىقارالىق ۇيىمنىڭ ەسەبٸ بويىنشا, ٶتكەن التى ايدا ەلەمدە قىزىلشامەن اۋىرعاندار سانى 364 مىڭنان اسقان. ددسۇ ٶكٸلدەرٸ ەلٸ ەسەپ بەرمەگەن ەلدەر بار بولعاندىقتان, بۇل ەلەم بويىنشا قىزىلشا دەرتٸ جايلى تولىق مەلٸمەت ەمەس دەيدٸ.
2018 جىلى ەلەمدە قىزىلشا دەرتٸنە شالدىققان 353 مىڭ ادام تٸركەلگەن.
ددسۇ ەسەبٸندە افريكا قۇرىلىعىندا قىزىلشامەن اۋىرعان ادام سانى ون ەسە كٶبەيٸپ, ٶتە كٷردەلٸ جاعداي قالىپتاسىپ وتىرعانى ايتىلعان. ەۋروپادا قىزىلشا دەرتٸمەن اۋىرعاندار سانى ٶتكەن جىلعىمەن سالىستىرعاندا ەكٸ ەسە كٶبەيگەن.
ددسۇ-نىڭ بيىل سەۋٸردە جارييالاعان ەسەبٸ بويىنشا, 2019 جىلدىڭ العاشقى ٷش ايىندا قىزىلشامەن اۋىرعان 3414 ادام تٸركەلگەن قازاقستان وسى دەرت كٶرسەتكٸشٸ بويىنشا ەلەمدە بەسٸنشٸ ورىندا تۇرعان.
قىزىلشا - ۆيرۋسپەن تارايتىن جۇقپالى اۋرۋ. ونى جۇقتىرعان ادامنىڭ قىزۋى كٶتەرٸلٸپ, تىنىس الۋى قيىندايدى, كٶزٸ قىزارىپ, دەنەسٸ قىزارا بٶرتٸپ كەتەدٸ. دٷنيەجٷزٸلٸك دەنساۋلىق ساقتاۋ ۇيىمى دەرتتٸڭ ٶرشۋٸنە ارنايى ۆاكتسينا ەگۋدەن باس تارتۋ سەبەپ بولۋى مٷمكٸن دەپ ەسكەرتەدٸ.
