فوتو: elements.envato.com, ©REUTERS
دٷنيەجٷزٸلٸك دەنساۋلىق ساقتاۋ ۇيىمىنىڭ باسشىسى تەدروس ادحانوم گەبرەيەسۋستىڭ نەمەرەسٸ دٷنيەگە كەلدٸ, - دەپ حابارلايدى Tengrinews.kz.
بۇل اقپاراتتى ددسۇ باسشىسىنىڭ كەلٸنٸ ايدانانىڭ اتاسى جٷرسٸن ەرمان راستادى. ونىڭ ايتۋىنشا, جاڭا تۋعان سەبيگە كاي دەگەن ەسٸم بەرگەن.
"اتىن مەن ەمەس, بالانىڭ اتا-اناسى قويدى. ونى كاي دەپ اتادى", - دەدٸ جٷرسٸن ەرمان.
ول قازاقستاندىق ايدانا مەن تەدروستىڭ ۇلى اممانۋيلدٸڭ (ومان) ەكٸنشٸ بالاسى ەكەنٸ بەلگٸلٸ بولدى.
قازٸر ولار شۆەيتسارييادا تۇرادى. ايدانانىڭ اناسى جاڭا جىلدى قۇدالارىمەن ٶز ٷيٸندە قارسى الاتىندارىن, بەشبارماق دايىندايتىنىن ايتتى. ونىڭ ايتۋىنشا, جاڭا تۋعان نەمەرەسٸ تەدروسقا ۇقسايدى. بالانىڭ سالماعى - 4150 گرامم, بويى - 52 سانتيمەتر. ول 29 جەلتوقساندا دٷنيەگە كەلدٸ.
جاقىندا قازاقستاندىقتار ددسۇ باسشىسىنىڭ كەلٸنٸ بەلگٸلٸ ايتىسكەر جٷرسٸن ەرماننىڭ نەمەرەسٸ ەكەنٸن بٸلگەندە تاڭعالعان ەدٸ.
"مەنٸڭ ارداق دەگەن كٸشٸ قىزىم بار. سودان تۋعان ايدانا دەگەن جيەن قىز بار. ايدانانى ەرتەدە جاڭا زەلانديياعا وقۋعا جٸبەرٸپ, مەكتەپتە وقىتقانبىز. تٸل ٷيرەنۋ دەگەن ناۋقان باستالعان. سول ەلدٸڭ مەكتەبٸن بٸتٸرگەن سوڭ شۆەيتساريياعا بارىپ, ٶزٸ اكادەميياعا وقۋعا تٷستٸ. سونى بٸتٸرگەن سوڭ يسپانيياعا بارىپ, ماگيستراتۋراسىن وقىدى. جيەن قىز قازٸر 30-عا كەلدٸ. وسىدان تٶرت جىل بۇرىن تۇرمىسقا شىقتى. سول كەزدە الماتىدا ۇزاتۋ تويىن جاسادىق. سول شىققان كٷيەۋٸ ۆوز-دىڭ (ددسۇ-نى ايتىپ وتىر) باس ديرەكتورىنىڭ ومان دەگەن ٷلكەن بالاسى بولىپ شىقتى", - دەدٸ جٷرسٸن ەرمان.
بۇعان دەيٸن دٷنيەجٷزٸلٸك دەنساۋلىق ساقتاۋ ۇيىمىنىڭ باسشىسى تەدروس ادحانوم گەبرەيەسۋس ەلەۋمەتتٸك جەلٸدە اقىن جٷرسٸن ەرمانعا ارناپ, قازاق تٸلٸندە ۆيدەو جارييالاعان ەدٸ.
"قۇرمەتتٸ جٷرسٸن قۇدا! سٸزدەردٸ مەرەيتويىڭىزبەن قۇتتىقتايمىن. مىقتى دەنساۋلىق جەنە ۇزاق ٶمٸر تٸلەيمٸن. قۇدالىعىمىز مىڭ جىلدىق بولسىن", - دەدٸ ددسۇ باس ديرەكتورى قازاقستاننىڭ ەڭبەك سٸڭٸرگەن قايراتكەرٸنە.
