DAZN ستريمينگ سەرۆيسٸنٸڭ ساراپشىلارى كريس مەننيكس پەن سەرحيو مورا ساۋل «كانەلو» الۆارەستٸڭ كەزەكتٸ جەكپە-جەگٸن تالقىلاپ, گەنناديي گولوۆكينمەن بولاتىن ٷشٸنشٸ ايقاسقا دا توقتالىپ ٶتتٸ, دەپ حابارلايدى Sports.kz سايتى.
بۇعان دەيٸن الۆارەس كەلەسٸ جەكپە-جەگٸن كٷزدە ٶتكٸزۋگە نيەت ەتٸپ وتىرعانىن ايتقان بولاتىن. ول مامىردىڭ باسىندا ايقاسقا شىعۋدى جوسپارلاعان ەدٸ, بٸراق كوروناۆيرۋس پاندەميياسىنا بايلانىستى جەكپە-جەك كەيٸنگە قالدى.
- «كانەلو» دا قازٸر بٷكٸل بوكس ەلەمٸ سەكٸلدٸ ٷزٸلٸستە. جوسپارلانعان جەكپە-جەك بولماعانىنا قاراماستان, «كانەلو» «Box Azteca» تەلەباعدارلاماسىنا بەرگەن سۇحباتىندا قىركٷيەك ايىندا رينگكە قايتا ورالۋعا نيەتتٸ ەكەنٸن مەلٸمدەدٸ. سٸز «كانەلو» قىركٷيەك ايىندا جۇدىرىقتاسۋعا دايىن بولاتىنىنا سەنەسٸز بە?
- ونىڭ كٸممەن شىعاتىنى دا بەلگٸسٸز. گولوۆكين – بەرٸنە قىزىقتى بولاتىن قارسىلاس. بٸراق GGG كەلەسٸ جەكپە-جەگٸن «كانەلومەن» ٶتكٸزگٸسٸ كەلمەۋٸ مٷمكٸن. «كانەلو» بيللي دجو سوندەرسپەن ايقاسقا شىققىسى كەلەدٸ, بۇل جاعدايدا گولوۆكينمەن بولاتىن جەكپە-جەك كەيٸنگە قالادى. مەنٸڭ ويىمشا الۆارەس دايىن, بٸراق ونىڭ كٸممەن جۇدىرىقتاساتىنىن بٸلمەيمٸن», - دەيدٸ ماننيكس.
ونىڭ ەرٸپتەسٸ مورا دا GGG-مەن ٷشٸنشٸ جەكپە-جەك جٶنٸندە سٶز قوزعادى:
— سوندەرسپەن جەكپە-جەك جاقسى ەستٸلەدٸ, بٸراق بٸز گولوۆكينمەن بولاتىن ايقاستى كٶرگٸمٸز كەلەدٸ. كەلەسٸ جىلدىڭ مامىرىن كٷتكٸمٸز كەلمەيدٸ. كٶپ كٷتتٸك ونسىز دا. گولوۆكين 38 جاستا. تريلوگييا كەلەسٸ جەكپە-جەكتە ٶتۋٸ كەرەك. بيللي دجو سوندەرسپەن بولعان جەكپە-جەكتٸڭ ماڭىزى زور, الايدا گولوۆكينمەن جەكپە-جەككە تٸكەلەي كٶشەيٸك», - دەدٸ ول.
