دايىن مەتالل ٶنٸمدەرٸ رەسەيدەن قىمبات باعامەن يمپورتتالۋدا. بۇل تۋرالى قر ييدم يندۋسترييالىق دامۋ كوميتەتٸ تٶراعاسىنىڭ ورىنباسارى تۇرار جولماعامبەتوۆ مەلٸم ەتتٸ, دەپ حابارلايدى قازاقپارات.
«تمد ەلدەرٸ اراسىندا تۇرعىن ٷي قۇرىلىسى قارقىنى بويىنشا قازاقستان كٶشباسشىلاردىڭ قاتارىندا. ول ٷشٸن قۇرىلىس ماتەريالدارى اۋقىمدى كٶلەمدە كەرەك بولاتىنى تٷسٸنٸكتٸ. ەلٸمٸزدەگٸ قۇرىلىس نىساندارىنا كەرەك ارماتۋرانىڭ جارتىسىن وتاندىق ٶندٸرٸستەر قامتاماسىز ەتەدٸ. قالعانىن بٸرنەشە ەلدەن, ونىڭ ٸشٸندە ەلەۋلٸ كٶلەمٸن رەسەيدەن يمپورتايمىز. وسى ورايدا ەكسپورتقا ۋاقىتشا تىيىم سالۋ قادامى ەسەبٸنەن, وتاندىق ٶندٸرٸستەردٸ شيكٸزاتپەن قامتاماسىز ەتۋ مٷمكٸندٸگٸ بار», - جولماعامبەتوۆ ورتالىق كوممۋنيكاتسييالار قىزمەتٸندە.
ونىڭ ايتۋىنشا, مەتالل قالدىقتارىنىڭ شىعارىلۋىن شەكتەي وتىرىپ, شيكٸزاتتى ٶڭدەۋ, ٸشكٸ نارىقتى قاجەتتٸ ٶنٸممەن قامتاماسىز ەتۋ ماقساتى قويىلىپ وتىر.
2021 جىلى قازاقستاننان رەسەيگە 124 ملرد تەڭگەگە 754 مىڭ توننا قارا مەتالل سىنىقتارى پەن قالدىقتارى شىعارىلدى. بٸر توننانىڭ ورتاشا باعاسى - 165 مىڭ تەڭگە. بيىل رەسەيدەن قازاقستانعا 260 ملرد تەڭگەگە شامامەن 700 مىڭ توننا قۇرىلىس ارماتۋراسى يمپورتتالدى. بٸر توننانىڭ ورتاشا باعاسى - 375 مىڭ تەڭگە. سونىمەن قاتار باعاسى تونناسىنا 1 ملن تەڭگەگە دەيٸن جەتەتٸن شۆەللەر, قۇبىر مەن باسقا دا دايىن ٶنٸم يمپورتتالادى.
«ٶزٸمٸزدٸڭ شيكٸزاتتى بارىنشا كٶبٸرەك ٶڭدەپ, ودان دايىن ٶنٸمدەردٸ شىعارۋىمىز كەرەك. وسى ورايدا ٸشكٸ نارىقتى قامتاماسىز ەتۋ مەن دايىن زاتتاردى ەكسپورتاۋعا مٷمكٸندٸك بولادى», - دەدٸ ۆەدومستۆو ٶكٸلٸ.
