اقش-تىڭ دجوردجييا شتاتىندا داۋىستاردى قايتا تولىق ساناپ شىققاننان كەيٸن ول جاقتا دەموكرات دجو بايدەننٸڭ جەڭٸسكە جەتكەنٸ راستالدى. شتاتتىڭ مەملەكەتتٸك حاتشىسى برەد راففەنسپەرگەر شتات "بايدەننٸڭ جەڭٸسكە جەتكەنٸنە كۋەلٸك بەرەدٸ" دەدٸ.
“اۋديت قورىتىندىسىنىڭ سايلاۋ ٶتكەن تٷنٸ تاراتىلعان اقپاراتتان ايىرماشىلىعى ٶتە از” دەدٸ 19 قاراشادا راففەنسپەرگەر جەرگٸلٸكتٸ WSB-TV ارناسىنا بەرگەن سۇحباتىندا.
دجوردجييا شتاتىندا الدىن الا مەلٸمەت بايدەننٸڭ ترامپتان ٶتە از ايىرماشىلىقپەن (14 مىڭ داۋىس) الدا كەلە جاتقانىن كٶرسەتكەندٸكتەن, شتات زاڭى بويىنشا مۇنداي جاعدايدا شامامەن 5 ميلليون بيۋللەتەن قولمەن سانالاۋى تيٸس.
7 قاراشادا بايدەن سايلاۋشىلار القاسىنىڭ 270-تەن استام داۋىسىن العاننان كەيٸن اقپارات قۇرالدارى ونى سايلاۋ جەڭٸمپازى رەتٸندە اتاي باستاعان.
دجوردجييا شتاتىندا جەڭٸپ, سايلاۋشىلار القاسىنىڭ 16 داۋىسىن العان بايدەن 306 داۋىسپەن ترامپتى (232 داۋىس) جەڭٸپ وتىر.
دجوردجييادا العا وزۋ - دەموكراتتار ٷشٸن ٸرٸ جەڭٸس. مۇندا بيلل كلينتون كەزەڭٸنەن بەرٸ دەموكراتتاردىڭ بٸردە-بٸر كانديداتى جەڭبەگەن.
ساراپشىلاردىڭ ايتۋىنشا, بۇل جەڭٸس 5 قاڭتاردا ٶتەتٸن سەنات سايلاۋىنىڭ ەكٸنشٸ تۋرى كەزٸندە دەموكراتتارعا سەرپٸن بەرۋٸ تيٸس. وسىعان دەيٸن دجوردجيياداعى سەنات سايلاۋىندا كانديداتتاردىڭ ەشقايسىسى 50 پايىزدان ارتىق داۋىس جيناي الماعان ەدٸ. قازٸر دەموكراتتار سەناتتاعى 48 ورىنعا يە. قالعان ەكٸ ورىنعا كٸم وتىراتىنىن 5 قاڭتار كٷنگٸ سايلاۋ انىقتايدى.
