مەن ەدٸلدٸكتٸ جاقتايمىن. سوندىقتان مەملەكەتتٸك بٸلٸم گرانتىن تىيىم سالىنعان زاتتاردى پايدالانعان تالاپكەر ەمەس, تەست تاپسىرمالارىن تەك ٶز بٸلٸمٸنە سەنٸپ ورىنداعان تەستٸلەنۋشٸ ۇتىپ العانىن قالايمىن. سولتٷستٸك قازاقستان وبلىسى عابيت مٷسٸرەپوۆ اۋدانى توقسان بي ورتا مەكتەبٸنٸڭ تٷلەگٸ دەۋرەن تەڭەسوۆ وسىلاي دەيدٸ. تالاپكەر ۇلتتىق بٸرىڭعاي تەستٸلەۋدە 109 بالل جينادى, دەپ حابارلايدى "ۇلت اقپارات" بٸلٸم جەنە عىلىم مينيسترلٸگٸنە سٸلتەمە جاساپ.
«مەن ٶتكەن جىلعى تٷلەكتەردەن «ۇبت-دا كٶشٸرٸپ جازۋ ەبدەن مٷمكٸن جەنە قالىپتى جاعداي», «مەن شپارگالكا پايدالاندىم», «تىيىم سالىنعان زاتتاردى پايدالاندىم, دەگەنمەن ەشكٸم بايقامادى» دەگەن ەڭگٸمەلەردٸ جيٸ ەستيتٸنمٸن. ٶكٸنٸشكە قاراي, كٶپتەگەن تٷلەك كٶشٸرٸپ جازۋ جەنە تىيىم سالىنعان زاتتاردى پايدالانۋعا قاتىستى وڭ كٶزقاراستا. مەنٸڭ ويىمشا, تەستٸلەنۋشٸلەر كٶبٸنە شپارگالكانى ٶزٸنە سەنٸمسٸز بولعان سوڭ پايدالانادى نەمەسە ماتەريالدى تولىق مەڭگەرۋگە تىرىسپايدى. شىنى كەرەك, ۇبت-عا دايىندالۋ ٷشٸن ۋاقىت جەتكٸلٸكتٸ, سونداي-اق ۇلتتىق تەستٸلەۋ ورتالىعىنىڭ سايتىندا بايقاۋ سىناقتارى قولجەتٸمدٸ بولدى. تەستٸلەنۋشٸلەردٸڭ بارلىعى دەرلٸك ەرەجە بۇزۋشىلىقتىڭ سالدارلارى قانداي بولاتىنىن جاقسى تٷسٸنەدٸ. دەي تۇرعانمەن, كەيبٸرەۋلەر بۇل ەرەكەتتەرٸن ەرٸ قاراي جالعاستىرىپ جاتىر», – دەيدٸ دەۋرەن تەڭەسوۆ.
دەۋرەن تەستٸلەۋگە كٸرگٸزۋ بارىسىندا تىيىم سالىنعان زاتتار انىقتالعان جاعدايدا نەتيجەلەردٸ جويۋ جەنە تالاپكەردٸ ۇبت تاپسىرۋ مٷمكٸندٸگٸنەن بٸر جىلعا ايىرۋ ەدٸل شەشٸم دەپ سانايدى.
«بيىل كالكۋلياتوردى قولدانۋعا رۇقسات ەتٸلدٸ, بۇل - تالاپكەر ٷشٸن ٶتە جاقسى مٷمكٸندٸك. تەست تاپسىرۋدى جوسپارلاپ وتىرعان تٷلەكتەرگە ايتارىم: ەمتيحاندا شپارگالكا نەمەسە قوسىمشا ەدەبيەتتٸ پايدالانۋ مٷمكٸن ەمەس. بارلىق اۋديتورييادا بەينەكامەرا ورناتىلعان جەنە ونلاين-ترانسلياتسييا جٷرگٸزٸلەدٸ. نەتيجەسٸندە تەستٸلەنۋشٸلەر ناقتى ۋاقىت رەجيمٸندە باقىلانىپ, بەينەجازبا 25 تامىزعا دەيٸن تالدانىپ, زەردەلەنەدٸ. مەنٸڭ ويىمشا, تالاپكەرلەر تەستٸلەۋ بارىسىندا جاڭا ەرەجەلەردٸ ساقتاپ, تالاپتاردى بارىنشا ورىنداۋ قاجەت ەكەنٸن تٷسٸنگەن سيياقتى», – دەيدٸ تٷلەك.
بيىلدان باستاپ ۇبت-عا كٸرگٸزۋ جەنە ەمتيحان كەزٸندە تەستٸلەنۋشٸدەن ۇيالى بايلانىس قۇرالدارى, انىقتامالىق ماتەريالدار, «شپارگالكا» جەنە باسقا دا اقپارات الماسۋ قۇرالدارى انىقتالعان جاعدايدا تالاپكەردٸڭ نەتيجەسٸ جويىلادى, سونداي-اق ول بٸر جىل بويى ۇبت-نى تاپسىرۋ مٷمكٸندٸگٸنەن ايىرىلادى.
«ادام بالاسى تەك ٶز كٷشٸنە عانا سەنۋٸ كەرەك. وسىندايدا اباي اتامىزدىڭ ٶنەگەلٸ سٶزدەرٸ تٸلگە ورالادى: «ٶزٸڭە سەن, ٶزٸڭدٸ الىپ شىعار, ەڭبەگٸڭ مەن اقىلىڭ ەكٸ جاقتاپ». سوندىقتان ەڭ الدىمەن ٶزٸمٸزگە سەنٸمدٸ, ادال بولۋىمىز كەرەك», - دەپ دەۋرەن تەڭەسوۆ ويىن قورىتىندىلادى.
