"جەردٸ جالعا بەرۋ تۋرالى موراتورييدٸ سوزۋ - حالىقتىڭ جەڭٸسٸ. بۇل تۋرالى بٷگٸن جەر مەسەلەلەرٸ جٶنٸندەگٸ كوميسسييانىڭ وتىرىسىندا دەۋرەن بابامۇراتوۆ مەلٸم ەتتٸ", - دەپ حابارلايدى ۇلت.كز تٸلشٸسٸ.
«قالىپتاسقان جاعدايدا ەڭ ۇتىمدى شەشٸم وسى بولسا كەرەك. سوندىقتان بۇل – حالىقتىڭ جەڭٸسٸ, ەلدٸڭ جەڭٸسٸ. بۇرىن كٶتەرٸلٸپ جٷرگەن باستى مەسەلەلەر وسى ەدٸ. ٷش ايدىڭ ٸشٸندە بٸز ەكٸ تاراپتىڭ دا كٶزقاراسىن تىڭدادىق», - دەپ اتاپ ٶتتٸ دەۋرەن بابامۇراتوۆ.
سونىمەن قاتار, د.بابامۇراتوۆ كوميسسييا جۇمىسى اياقتالعاننان سوڭ, حالىق اراسىندا تالقىلانىپ, وي ەلەگٸنەن ٶتكەن نەگٸزگٸ شەشٸمدەردٸڭ ورىندالۋىن قاداعالايتىن ارنايى كوميسسييا قۇرۋدى ۇسىندى.
«ال ەندٸ, وسى ٷشٸن ايدىڭ ٸشٸندە كوميسسييادا تەۋٸر ۇسىنىستار ايتىلدى. ول ۇسىنىستاردىڭ تاعدىرى نە بولادى? وسى ۇسىنىستاردىڭ ۇتىمدى بولۋىن, دۇرىس جٷيەگە اسۋىن, ارى قاراي دۇرىس ٶڭدەلۋٸن, جٶندەلۋٸن كٸم قاداعالايدى, كٸم باقىلايدى? بٸزدٸڭ وسىنداي مٸنبەردەن تاعى سٶيلەۋگە مٷمكٸندٸگٸمٸز بولا ما? وسى سۇراقتار مەن ٷشٸن ٶتە ماڭىزدى. ەندٸ, سٶزسٸز ماراتوريي جارييالاعاننان كەيٸن كوميسسييا جۇمىسىنىڭ توقتايتىنى ايدان انىق. ول دۇرىس تا شىعار. بٸراق تا باقىلايتىن جۇمىس, وسى كوميسسييانىڭ شەشٸمدەرٸن باقىلايتىن, ٸسكە اسىراتىن, قاراپ وتىراتىن قوسىمشا بٸر ورگاننىڭ نەمەسە تاعى بٸر كوميسسييانىڭ قۇرامى قاجەت ەكەنٸ سٶزسٸز. مەن ماراتورييدٸ قولدايمىن», - دەدٸ د.بابامۇراتوۆ.
ۇلت پورتالى
