"Jerdi jalǵa berý týraly moratoriidi sozý - halyqtyń jeńisi. Bul týraly búgin Jer máseleleri jónindegi komissiianyń otyrysynda Dáýren Babamuratov málim etti", - dep habarlaidy Ult.kz tilshisi.
«Qalyptasqan jaǵdaida eń utymdy sheshim osy bolsa kerek. Sondyqtan bul – halyqtyń jeńisi, eldiń jeńisi. Buryn kóterilip júrgen basty máseleler osy edi. Úsh aidyń ishinde biz eki taraptyń da kózqarasyn tyńdadyq», - dep atap ótti Dáýren Babamuratov.
Sonymen qatar, D.Babamuratov komissiia jumysy aiaqtalǵannan soń, halyq arasynda talqylanyp, oi eleginen ótken negizgi sheshimderdiń oryndalýyn qadaǵalaityn arnaiy komissiia qurýdy usyndy.
«Al endi, osy úshin aidyń ishinde komissiiada táýir usynystar aityldy. Ol usynystardyń taǵdyry ne bolady? Osy usynystardyń utymdy bolýyn, durys júiege asýyn, ary qarai durys óńdelýin, jóndelýin kim qadaǵalaidy, kim baqylaidy? Bizdiń osyndai minberden taǵy sóileýge múmkindigimiz bola ma? Osy suraqtar men úshin óte mańyzdy. Endi, sózsiz maratorii jariialaǵannan keiin komissiia jumysynyń toqtaityny aidan anyq. Ol durys ta shyǵar. Biraq ta baqylaityn jumys, osy komissiianyń sheshimderin baqylaityn, iske asyratyn, qarap otyratyn qosymsha bir organnyń nemese taǵy bir komissiianyń quramy qajet ekeni sózsiz. Men maratoriidi qoldaimyn», - dedi D.Babamuratov.
Ult portaly
