پرەمەر-مينيستر باقىتجان ساعىنتاەۆتىڭ تٶراعالىعىمەن ٶتكەن ٷكٸمەت وتىرىسىندا «تسيفرلىق قازاقستان» مەملەكەتتٸك باعدارلاماسىنىڭ جوباسى قارالدى, دەپ حابارلايدى "ۇلت اقپارات".
اقپارات جەنە كوممۋنيكاتسييالار مينيسترٸ دەۋرەن اباەۆ «تسيفرلىق قازاقستان» مەملەكەتتٸك باعدارلاماسى 2018–2022 جىلدارعا ارنالعانىن, جەنە ول ەلٸمٸزدٸڭ الدىڭعى قاتارلى سالالارىن تەحنولوگييالىق جاڭعىرتۋعا قوسىمشا سەرپٸن بەرەتٸنٸن, ەڭبەك ٶنٸمدٸلٸگٸنٸڭ ۇزاقمەرزٸمدٸ ەرٸ اۋقىمدى دامۋىنا جاعداي جاسايتىنىن اتاپ ٶتتٸ.
باعدارلاما ونى ٸسكە اسىرۋدىڭ بەس نەگٸزگٸ باعىتىنان تۇرادى:
— «ەكونوميكا سالالارىن تسيفرلاندىرۋ»;
— «تسيفرلىق مەملەكەتكە كٶشۋ»;
— «تسيفرلىق جٸبەك جولىن ٸسكە اسىرۋ»;
— «ادام كاپيتالىن دامىتۋ»;
— «يننوۆاتسييالىق ەكوجٷيە قۇرۋ».
وسى بەس باعىت بويىنشا 17 باستاما مەن 120 ٸس-شارا ۇيىمداستىرىلدى. 12 ماقساتتى ينديكاتور ۇسىنىلادى.
«باعدارلاما قوسىلعان قۇندى قالىپتاستىرۋ جەنە ەكونوميكاداعى شىعىنداردى قىسقارتۋ تۇرعىسىنان ايتارلىقتاي ەلەۋەتكە يە, بۇل 2025 جىلدان باستاپ جىلىنا 4,5-5% دەڭگەيٸندە ەل جٸٶ-نٸڭ ٶسۋ قارقىنىن قامتاماسىز ەتۋگە مٷمكٸندٸك بەرەدٸ, شامامەن 1,6-2,2%, ياعني, ٷشتەن بٸر بٶلٸگٸ تەك تسيفرلاندىرىلۋعا جۇمسالادى», — دەدٸ مينيستر.
الدىن الا ەسەپتەۋ بويىنشا, 2025 جىلعا قاراي ەكونوميكانى تسيفرلاندىرۋدىڭ تٸكەلەي ەسەرٸ 1,7-2,2 ترلن تەڭگەگە قوسىمشا قۇندى قۇرۋعا مٷمكٸندٸك بەرەدٸ, بۇل 2025 جىلعا قاراي جەكە ينۆەستيتسييالاردى ەسەپكە العاندا جالپى ينۆەستيتسييالار كٶلەمٸنە ينۆەستيتسييالاردىڭ قايتارىمىن 4,8-6,4 ەسەگە قامتاماسىز ەتەدٸ.
وتىرىستا مەسەلەنٸ قاراۋ اياسىندا «زەردە» ۇبح باسقارما تٶراعاسى رۋسلان ەڭسەباەۆ, ساراپشى سەرگەي پەراپەچكا سٶز سٶيلەدٸ, سونداي-اق, تاقىرىپقا قاتىستى پرەمەر-مينيستردٸڭ ورىنباسارى اسقار جۇماعاليەۆ تٷسٸنٸكتەمە بەرٸپ ٶتتٸ.
مەسەلەنٸ قاراۋ قورىتىندىسى بويىنشا ٷكٸمەت «تسيفرلىق قازاقستان» باعدارلاماسىنىڭ ۇسىنىلعان جوباسىن قولدادى.
