اقپارات جەنە قوعامدىق دامۋ مينيسترٸ دەۋرەن اباەۆ بۇۇ ارنايى بايانداماشىسى كلەمان نيالەتسوسسي ۆۋلدٸڭ بەيبٸت جينالىستار تۋرالى زاڭ جوباسىنا جاساعان ەسكەرتپەسٸنە قاتىستى پٸكٸر بٸلدٸردٸ, دەپ حابارلايدى قازاقپارات.
«باياندامامەن تانىستىم. كەڭەستٸڭ بٸرقاتارى پارلامەنت سەناتىنىڭ قابىرعاسىندا ەسەپكە الىناتىنىنا سەنٸمدٸمٸن. سٶزسٸز, ارنايى باياندامانىڭ ەربٸر بٶلٸگٸ بويىنشا جاۋاپ بەرەمٸز. تٷسٸندٸرۋ جۇمىسىن جٷرگٸزەمٸز. مەسەلەن, ۆۋل مىرزا ماسكا كييۋگە (ميتينگ كەزٸندە) قويىلعان تىيىمعا قارسى شىعىپ جاتىر. الايدا كەيبٸر پوزيتسييا بويىنشا سٶز تالاستىرۋعا دا بولادى. بۇۇ ارنايى بايانداماشىسىنىڭ مەسەلەن, اقش-قا قارسى وسىنداي سىن ايتتى ما, ايتپادى ما بٸلمەيمٸن. ول ەلدەگٸ 15 شتاتتا دا دەل وسىنداي تىيىم بار. اۋسترييادا مۇنداي ەرەجەنٸ بۇزعانى ٷشٸن 6 ايعا دەيٸن قامايدى. يسپانييادا بەتٸن جاۋىپ, جيىنعا شىققاندارعا 30 مىڭ ەۋرو ايىپپۇل سالىنادى. مۇنداي تىيىم گەرمانييا, شۆەتسييا, دانييا مەن شۆەيتسارييانىڭ كەيبٸر كانتونىندا دا بار», - دەدٸ دەۋرەن اباەۆ «اشىق ديالوگ» باعدارلاماسىندا.
مينيستر پاندەمييانى ەسەپكە الا وتىرىپ, ەرتٷرلٸ جاعدايدى ەسكەرۋ كەرەكتٸگٸن, الايدا حالىقارالىق تەجٸريبەنٸ دە ەستەن شىعارماۋ قاجەتتٸگٸن اتاپ ٶتتٸ.
«جاسٶسپٸرٸمدەر ميتينگٸ ۇيىمداستىرا المايتىنى تۋرالى ەسكەرتۋ جاسالدى. گرەتا تۋنبەرگ مەكتەپتەن قالۋعا ازاماتتىق سيپات نەگٸز بولا الاتىنىن بٷكٸل ەلەمدٸك قاۋىمداستىققا دەلەلدەگەنٸن, ەرينە, تٷسٸنەمٸن. الايدا, بٸز بۇل رەتتە, الىپ بارا جاتقان پروبلەمانى كٶرٸپ تۇرعان جوقپىز. بٸز جاسٶسپٸرٸمدەرگە ميتينگٸگە قاتىسۋعا رۇقسات بەرەمٸز. سەبەبٸ بٸز قاجەتتٸ كونفەنتسييالاردىڭ بەرٸنە قول قويىپ, سونىڭ اياسىندا وسىنداي قۇقىق بەرۋٸمٸز كەرەك. سونىمەن قاتار مەملەكەت ولاردىڭ قاۋٸپسٸزدٸگٸن دە ٶز موينىنا الادى», - دەدٸ مينيستر.
دەۋرەن اباەۆ بۇل رەتتە مەملەكەتتٸڭ دەستٷرٸ دە ەسەپكە الىنۋى تيٸس ەكەنٸن جەتكٸزدٸ.
«جالپى بٸز بۇل پٸكٸرگە ٷلكەن قىزىعۋشىلىقپەن قارايمىز. قاشان دا قاراۋعا, تالقىلاۋعا دايىنبىز. زاڭ جوباسىنىڭ حالىقارالىق قاۋىمداستىقتىڭ جٸتٸ نازارىنا ٸلٸنٸپ وتىرعانى جاقسى», - دەدٸ ۆەدومستۆو باسشىسى.
ايتا كەتسەك بۇۇ ارنايى بايانداماشىسى كلەمان نيالەتسوسسي ۆۋل قازاقستاننىڭ بەيبٸت جينالىستار تۋرالى زاڭ جوباسىنا قاتىستى سىني پٸكٸر بٸلدٸرٸپ, ونىڭ كەي بٶلٸگٸنە كەلٸسپەيتٸنٸن مەلٸم ەتكەن ەدٸ.
