قر اقپارات جەنە كوممۋنيكاتسييالار مينيسترٸ دەۋرەن اباەۆ قوعامدا بٸرشاما شۋ تۋعىزعان ۆلكسم-نٸڭ 100 جىلدىعىن اتاپ ٶتۋ شاراسىنا قاتىستى ٶزٸنٸڭ پٸكٸرٸن بٸلدٸردٸ, دەپ حابارلايدى قازاقپارات.
«سٸز ايتىپ وتىرعان شارانى (جٷرٸزۋشٸگە قاراتا - اۆت.) مٷشەلٸك جارنانىڭ جيىنىمەن جەنە (بەلكٸم - اباەۆ) دەمەۋشٸلٸك اقشامەن قازاقستاننىڭ كوممۋنيستٸك پارتيياسى ۇيىمداستىرعان. مەملەكەتتٸك بيۋدجەتتەن بٸر تيىن دا شىققان جوق», - دەدٸ دەۋرەن اباەۆ «حابار» ارناسىنداعى «اشىق ديالوگ» باعدارلاماسىندا.
مينيستر ٶز سٶزٸندە سونىمەن بٸرگە, كومسومول كٷنٸن اتاپ ٶتۋ الاش اۆتونوميياسىنىڭ 100 جىلدىعىن كٶلەڭكەسٸندە قالدىردى دەگەن پٸكٸرگە قاتىستى ويىن ايتتى.
«بۇل - تولىعىمەن شىندىققا سەيكەس كەلمەيدٸ. بٸر جاعىنان بٸرنەشە جٷز ادام تەاتردىڭ بٸرٸندە شارا ٶتكٸزەدٸ دە, ەكٸنشٸ جاعىنان جىل بويى ەلٸمٸزدٸڭ بارلىق ايماقتارىندا الاشتىڭ 100 جىلدىعىنا ارنالعان شارالاردىڭ تولىققاندى كەشەنٸ ۇيىمداستىرىلادى», - دەدٸ مينيستر.
دەۋرەن اباەۆ ٶز سٶزٸ دەلەلدٸ بولا تٷسۋ ٷشٸن بٸرنەشە مىسال كەلتٸردٸ. «بٸرٸنشٸدەن, الاش قوزعالىسىنىڭ 100 جىلدىعىنا وراي 12 سەرييالىق «تار زامان» سەريالى تٷسٸرٸلدٸ. ول «Qazaqstan» ۇلتتىق ارناسىندا كٶرسەتٸلدٸ.
سونىمەن بٸرگە, كينوتەاترلاردا ونىڭ تولىقمەتراجدى نۇسقاسى بەرٸلدٸ. دەل سول سەكٸلدٸ بٸرنەشە فيلمنٸڭ تٷسٸرٸلگەنٸن اتاپ ٶتۋ كەرەك. ونىڭ ٸشٸندە «الاش تۋى استىندا» اتتى دەرەكتٸ فيلمدٸ دە ايتا كەتۋگە بولادى. مەملەكەت قارجىسىنىڭ ەسەبٸنەن سەمەي قالاسىندا ەليحان بٶكەيحاننىڭ ەسكەرتكٸشٸ ورناتىلدى. «الاش ارىستارى» مۋزەيٸنٸڭ ەكسپوزيتسييالارى جاڭارتىلدى. تٸپتٸ الاش قوزعالىسى تۋرالى بٸرقاتار كٸتاپ شىقتى. باق-تا بٸرشاما ماتەريال جارييالاندى», - دەدٸ مينيستر.
دەۋرەن اباەۆ سونىمەن بٸرگە, ٶتكەن جىلدىڭ قىركٷيەك ايىندا الاشوردانىڭ 100 جىلدىعىنا ارنالعان ٸرٸ حالىقارالىق عىلىمي-پراكتيكالىق كونفەرەنتسييا ٶتكەنٸن ەسكە سالدى. «ەستەرٸڭٸزدە بولسا, ول شاراعا قازاقستان رەسپۋبليكاسىنىڭ مەملەكەتتٸك حاتشىسى گٷلشارا ەبدٸحالىقوۆا قاتىسىپ, مەملەكەت باسشىسىنىڭ قۇتتىقتاۋ سٶزٸن وقىپ بەرگەن بولاتىن», - دەدٸ دەۋرەن اباەۆ.
مينيستر سونىمەن بٸرگە, كومسومول كٷنٸن اتاپ ٶتۋ شاراسىندا «رۋحاني جاڭعىرۋ» باعدارلاماسىنىڭ لوگوتيپٸ ٸلٸنٸپ تۇرعانىنا قاتىستى پٸكٸرٸن ايتتى.
«مەن بۇل رەتتە قوعامدىق دامۋ مينيسترٸ دارحان كالەتاەۆتىڭ پٸكٸرٸمەن تولىق كەلٸسەمٸن. بٸزدە تٷيمەدەي نەرسەنٸ تٷيەدەي ەتەتٸن داعدىمىز بايقالىپ قالىپ جاتىر. بۇنىمەن كٷرەسۋ كەرەك. مۇنداي اسىرا سٸلتەۋدەن مەملەكەت تە, قوعام دا ۇتپايتىنىن تٷسٸنۋ كەرەك. مەن تاعى دا قايتالايمىن: ۆلكسم-نٸڭ 100 جىلدىعىن اتاپ ٶتۋ - مەملەكەتتٸڭ يدەولوگييالىق ساياساتىمەن ورتاق تٷگٸ جوق. بۇل بۇرىنعى كومسومولداردىڭ قاتىسۋىمەن ٶتكەن جەكە شارا بولاتىن. ونى ەسكٸ دوستاردىڭ نەمەسە تٷلەكتەردٸڭ كەزدەسۋٸمەن عانا سالىستىرۋعا بولادى. ودان ارتىق ەمەس», - دەيدٸ ول.
دەۋرەن اباەۆ ٶز سٶزٸندە اشىعىن ايتقاندا كومسومول قازاقستان ٷشٸن ٶتكەن كٷندە قالعانىن اتاپ ٶتتٸ.
«بٸراق, ول ٶتكەن زاماندا قازاقستاندىقتاردىڭ تولىعىمەن بۋىنى ٶمٸر سٷرگەن. بٸز بۇنى جوققا شىعارا المايمىز. كومسومول ارقىلى ٶتكەن ادامداردىڭ بٸزدٸڭ ەلگە سٸڭٸرگەن ەڭبەگٸن دە جاسىرا المايمىز. قازٸر بۇل شارانى سىناپ جاتقانداردىڭ كٶبٸنٸڭ ٶزٸ دە كومسومول بولعان. ال بۇل شارا - ساياسي جيىن نەمەسە كوممۋنيزمگە دەگەن نوستالگييا ەمەس, بۇل - جاستىق شاقتارىن ەسكە العان ادامداردىڭ كەزدەسۋٸ», - دەدٸ دەۋرەن اباەۆ.
