وليمپيادا ويىندارىنىڭ جٷلدەگەرٸ, قر ەڭبەك سٸڭٸرگەن جاتتىقتىرۋشىسى دەۋلەت تۇرلىحانوۆ پەن Niney One ٶكٸلدەرٸ جەلٸدە تاراعان اۋديوجازباعا قاتىستى پٸكٸر بٸلدٸردٸ, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
ايتا كەتەيٸك, وسىعان دەيٸن ينتەرنەتتە دەۋلەت تۇرلىحانوۆ پەن ەربولات بەدەلحاننىڭ اتىنان سٶيلەسكەن ادامداردىڭ اۋديوجازباسى پايدا بولعان ەدٸ. جارييالانعان اۋديوجازبادا ٶزٸن دەۋلەت تۇرلىحانوۆ دەپ تانىستىرعان ادام ەربولات بەدەلحانعا Ninety One توبى ٷشٸن سٶگٸس ايتادى. "نەمەنە شۋلاتىپ جٷرسٸڭدەر, تەپسە تەمٸر ٷزەتٸن جٸگٸتتەر عوي بالالار, (...) شەتەلدٸكتەرگە ۇقسايدى عوي تٷرلەرٸ, شەتەلگە كەتٸپ قالسىن", - دەيدٸ ەر ادام. بۇعان توپتىڭ پروديۋسەرٸ دەلٸنگەن ادام ماقۇلداپ, كەلٸسكەندەي بولادى.
رەداكتسييامىزعا Niney One توبىنىڭ ٶكٸلدەرٸ حابارلاسىپ, بۇل ۆيدەوعا قاتىستى پٸكٸرٸن بٸلدٸردٸ. "قازٸر توپتىڭ پروديۋسەرٸنٸڭ اينالسىندا بولىپ جاتقان وقيعانىڭ بارلىعى - قاستىق ەرەكەتتەر. ونى كٸمنٸڭ جاساپ جاتقانىن بٸز ەزٸرشە بٸلمەيمٸز. ەڭ قىزىعى ەربولات بەدەلحاننىڭ داۋسىن شەبەر سالىپتى, تٸپتٸ بٸزدٸڭ ٶزٸمٸز ٶز قۇلاعىمىزعا سەنە المادىق. سوڭعى ۋاقىتتا بٸزدٸڭ اينالامىزدا شۋ شىعىپ جاتقانى ەشكٸمگە دە جاسىرىن ەمەس. بٸز بارلىعىنا دا تٷسٸنٸپ قارايمىز", - دەيدٸ توپتىڭ پروديۋسەرلٸگٸمەن اينالىساتىن Juz Media كومپانيياسىنىڭ ٶكٸلدەرٸ.
سونداي-اق, ولار توپ تارايدى دەگەن قاۋەسەتتٸ دە جوققا شىعاردى. "بارلىق جەتٸستٸككە ەڭبەكپەن, قاجىر-قايراتىمىزبەن جەتتٸك. قازٸر دە قاجىر-قايراتىمىز بار. ٷندەمەسەك, بۇل ساحنادان كەتۋٸمٸزدٸ بٸلدٸرمەيدٸ. بٸز جۇمىس بارىسىندامىز, ەڭبەكتەنٸپ جاتىرمىز, سەبەبٸ ماقساتقا جەتۋٸمٸز كەرەك. سوندىقتان رەسمي تٷردە ايتامىز, Niney One توبىن تاراتۋ ەربولات بەدەلحاننىڭ جوسپارىندا جوق. بٸز بٸر وتباسىمىز. بٸرگە باستادىق, شوۋ-بيزنەستەگٸ جولىمىزدى بٸرگە جالعاستىرامىز", - دەپ پٸكٸر بٸلدٸردٸ Niney One ٶكٸلدەرٸ.
ٶز كەزەگٸندە دەۋلەت تۇرلىحانوۆ تا Instagram جەلٸسٸندەگٸ رەسمي پاراقشاسىندا بۇل اۋديوجازباداعى داۋىستىڭ ٶزٸنە تيەسٸلٸ ەمەس ەكەنٸن ايتتى. "قۇرمەتتٸ وقىرماندار! مەن Ninety One توبىنا ەشقانداي دا سٶگٸس ايتقانىم جوق, توپ پروديۋسەرٸ ەربولات بەدەلحان ەكەۋمٸزدٸڭ ارامىزدا ەشقانداي دا əڭگٸمە بولعان ەمەس", - دەپ مەلٸمدەدٸ دەۋلەت تۇرلىحانوۆ.
