Olimpiada oiyndarynyń júldegeri, QR eńbek sińirgen jattyqtyrýshysy Dáýlet Turlyhanov pen Niney One ókilderi Jelide taraǵan aýdiojazbaǵa qatysty pikir bildirdi, - dep habarlaidy "Ult aqparat" kaz.tengrinews.kz portalyna silteme jasap.
Aita keteiik, osyǵan deiin Internette Dáýlet Turlyhanov pen Erbolat Bedelhannyń atynan sóilesken adamdardyń aýdiojazbasy paida bolǵan edi. Jariialanǵan aýdiojazbada ózin Dáýlet Turlyhanov dep tanystyrǵan adam Erbolat Bedelhanǵa Ninety One toby úshin sógis aitady. "Nemene shýlatyp júrsińder, tepse temir úzetin jigitter ǵoi balalar, (...) sheteldikterge uqsaidy ǵoi túrleri, shetelge ketip qalsyn", - deidi er adam. Buǵan toptyń prodiýseri delingen adam maquldap, keliskendei bolady.
Redaktsiiamyzǵa Niney One tobynyń ókilderi habarlasyp, bul videoǵa qatysty pikirin bildirdi. "Qazir toptyń prodiýseriniń ainalsynda bolyp jatqan oqiǵanyń barlyǵy - qastyq áreketter. Ony kimniń jasap jatqanyn biz ázirshe bilmeimiz. Eń qyzyǵy Erbolat Bedelhannyń daýsyn sheber salypty, tipti bizdiń ózimiz óz qulaǵymyzǵa sene almadyq. Sońǵy ýaqytta bizdiń ainalamyzda shý shyǵyp jatqany eshkimge de jasyryn emes. Biz barlyǵyna da túsinip qaraimyz", - deidi toptyń prodiýserligimen ainalysatyn Juz Media kompaniiasynyń ókilderi.
Sondai-aq, olar top taraidy degen qaýesetti de joqqa shyǵardy. "Barlyq jetistikke eńbekpen, qajyr-qairatymyzben jettik. Qazir de qajyr-qairatymyz bar. Úndemesek, bul sahnadan ketýimizdi bildirmeidi. Biz jumys barysyndamyz, eńbektenip jatyrmyz, sebebi maqsatqa jetýimiz kerek. Sondyqtan resmi túrde aitamyz, Niney One tobyn taratý Erbolat Bedelhannyń josparynda joq. Biz bir otbasymyz. Birge bastadyq, shoý-biznestegi jolymyzdy birge jalǵastyramyz", - dep pikir bildirdi Niney One ókilderi.
Óz kezeginde Dáýlet Turlyhanov ta Instagram jelisindegi resmi paraqshasynda bul aýdiojazbadaǵy daýystyń ózine tiesili emes ekenin aitty. "Qurmetti oqyrmandar! Men Ninety One tobyna eshqandai da sógis aitqanym joq, top prodiýseri Erbolat Bedelhan ekeýmizdiń aramyzda eshqandai da əńgime bolǵan emes", - dep málimdedi Dáýlet Turlyhanov.
