ترامپتىڭ پرەزيدەنتتٸگٸ جانجالدان باستالدى. شىندىعىندا, بۇعان ەشكٸم تاڭ قالمايدى. سەبەبٸ ونىڭ بٸر جارىم جىلدىق سايلاۋالدى ٷگٸت-ناسيحات ناۋقانى داۋ-جانجال مەن ايتىس-تارتىسقا, شاعىمدار مەن كيكٸلجٸڭگە تولى بولاتىن. ال ونىڭ تٶرتكٷل ەلەمدٸ شۋلاتقان ۋەدەلەرٸنٸڭ ٶزٸ نەگە تۇرادى? ترامپ ٶزٸنٸڭ سول ۋەدەلەرٸنٸڭ بٸرٸن ورىندايمىن دەپ, اقش-تىڭ قۇدايى كٶرشٸسٸ مەكسيكامەن ارادا ديپلوماتييالىق جانجال تۋدىردى.
امەريكا – ەندٸ بۇرىنعى امەريكا ەمەس
يە, اقش پرەزيدەنتٸ دونالد ترامپ بيلٸكتٸ ٶز قولىنا الىسىمەن, سايلاۋالدى ۋەدەلەرٸن ورىنداۋعا كٸرٸستٸ. وسىدان بٸر جىل بۇرىن ول «مەكسيكامەن اراداعى شەكارادا دۋال تۇرعىزىپ, زاڭسىز ميگرانتتار اعىنىن توقتاتۋ كەرەك» دەپ مەلٸمدەمە جاساعاندا, ونىڭ بۇل ويىن جٷزەگە اسىراتىن كٷن تۋاتىنىنا ەشكٸم سەنبەگەن. ال ونىڭ «اقش-قا مۇسىلمانداردى كٸرگٸزبەۋ كەرەك» دەگەن سٶزٸ امەريكانىڭ ٶز ٸشٸندە عانا ەمەس, ۇلىبريتانييا مەن گەرمانييادا, باسقا ەۋروپالىق ەلدەردە نارازىلىق تۋدىرعان. بٸراق بٷگٸندە پرەزيدەنت ترامپتىڭ ايى وڭىنان تۋىپ, ايتقانى بولىپ تۇر.
ٶتكەن جۇما كٷنٸ دونالد ترامپ ميگراتسييالىق ساياسات تۋرالى جارلىققا قول قويدى. بۇل جارلىققا سەيكەس, سيرييالىق بوسقىنداردى قابىلداۋعا تىيىم سالىنىپ, ال باسقا ەلدەردەن كەلەتٸن بوسقىنداردى اقش اۋماعىنا كٸرگٸزۋ 120 كٷنگە دەيٸن توقتاتىلدى.
دونالد ترامپ وسىلايشا «راديكالدى مۇسىلمان تەرروريستەرٸن» ەل اۋماعىنا كٸرگٸزبەۋگە نيەتتٸ ەكەنٸن جارييالادى.
اقش-تىڭ بوسقىندارعا قۇشاق جايىپ وتىرماعانى ونسىز دا بەلگٸلٸ ەدٸ. بىلتىر, ياعني باراك وباما پرەزيدەنتتٸگٸنٸڭ سوڭعى جىلىندا اقش 10 000-داي سيرييالىق بوسقىندى قابىلداعان بولاتىن. سالىستىرۋ ٷشٸن ايتالىق, حالقىنىڭ سانى ەلدەقايدا از كانادا بىلتىر 35 000 سيرييالىقتى پانالاتتى.
سونىمەن, ترامپتىڭ بۇل جارلىعى سيرييالىق بوسقىنداردىڭ امەريكاعا كەلۋ ٷمٸتٸن بٸرجولا كەستٸ.
جالپى, 2017 جىلى اقش 50 مىڭداي بوسقىندى قابىلداۋى تيٸس, بٸراق ترامپ بۇل باعدارلامانى ورىنداۋدى تٶرت ايعا شەگەرٸپ وتىر. بۇعان قوسا, اق ٷي دٸني سەنٸم-نانىمى بويىنشا قۋدالانعان بوسقىنداردى قابىلدايتىنىن اشىق ايتتى. بٸراق ولاردىڭ مۇسىلمان ەمەستەر ەكەنٸ انىق سيياقتى. سەبەبٸ جەرگٸلٸكتٸ حريستياندىق تەلەارناعا بەرگەن سۇحباتىندا اق ٷي باسشىسى «سيرييالىق حريستياندارعا كٶمەك قولىن سوزۋ كەرەكتٸگٸن» ايتقان.
بۇعان قوسا, اقش-قا جەتٸ مەملەكەتتٸڭ – سۋدان, يەمەن, ليۆييا, سومالي, يراك, يران جەنە سيرييا ازاماتتارىنا 90 كٷنگە دەيٸن اقش اۋماعىنا كٸرۋٸنە ۋاقىتشا شەكتەۋ قويىلدى.
اق ٷيدەن تاراتىلعان مەلٸمدەمەدە پرەزيدەنتتٸڭ بۇل جارلىعى ەڭ ەۋەلٸ اقش-تىڭ ۇلتتىق مٷددەسٸن كٶزدەيتٸنٸ اشىق ايتىلعان.
دونالد ترامپتىڭ ٶزٸ: «بۇل تىيىم بارلىق مۇسىلماندارعا قارسى باعىتتالماعان» دەسە دە, اتالعان ەلدەردٸڭ تۇرعىن حالقىنىڭ كٶپشٸلٸگٸ مۇسىلمان ەكەنٸ بەلگٸلٸ. سوندىقتان ونىڭ «مۇسىلمانداردى اقش اۋماعىنا كٸرگٸزبەۋ كەرەك» دەگەن ۇرانىن جٷزەگە اسىرۋعا كٸرٸسكەنٸ تٷسٸنٸكتٸ.
سونىمەن قاتار, اقش-قا ۆيزا الۋعا ٶتٸنٸش بٸلدٸرگەندەر ەندٸ مٸندەتتٸ تٷردە ەڭگٸمەلەۋ سىناعىنان ٶتەتٸن بولادى. اقش-قا ساپارلاتىپ كەلگەن باسقا مەملەكەتتەر ازاماتتارىن باقىلاۋدى وڭايلاتۋ ٷشٸن بيومەتريكالىق جٷيەنٸ ەنگٸزۋدٸ تەزدەتۋگە پەرمەن ەتٸلدٸ.
جارلىق كٷشٸنە ەنٸسٸمەن, اتالعان مەملەكەتتەردٸڭ ازاماتتارىنا ۇشاققا بيلەت ساتۋ بٸردەن توقتاتىلعان. تٸپتٸ امەريكالىق ۆيزاسى بار ازاماتتاردىڭ ٶزٸن شەكارادان جٸبەرمەي جاتقانى تۋرالى حابارلار تٷسٸپ جاتىر. ترامپتىڭ جارلىعى «جاسىل كارتاسى» بار, ياعني تۇرعىلىقتى تۇرۋعا رۇقساتى بار ازاماتتاردىڭ ٶزٸن ەلدەن شىعارۋعا تٷرتكٸ بولۋدا. جەر-جەردەگٸ ەۋە كومپانييالارى اقش-قا بەت العان يراكتىق, يراندىق, ياعني, اتالمىش جەتٸ مەملەكەتتٸڭ ازاماتتارىن جولدان توقتاتىپ, تراپتان تٷسٸرٸپ الىپ قالىپ جاتىر.
اقش پرەزيدەنتٸ قابىلداعان بۇل شەشٸمدەردٸڭ سالدارى قانداي بولارى بەلگٸسٸز. ەسٸرەسە, موراتوريي جارييالانعان مەملەكەتتەردٸڭ ەشقايسىسى قارىمتا «جاۋاپ» قايتارعان جوق. تەك يراك پارلامەنتٸ ەل باسشىلىعىن ۆاشيگتونعا قارسى ەرەكەت ەتۋگە ٷندەگەن ەدٸ. بٸراق وسى اپتادا يراك مەملەكەتٸ اقش پرەزيدەنتٸنٸڭ بۇل شەشٸمٸنە قارسى ەشقانداي ەرەكەت جاسامايتىنىن مەلٸمدەدٸ. يراك پرەمەر-مينيسترٸ حايدەر ەل-ابادي «دايش» ەكسترەميستٸك ۇيىمىمەن كٷرەستە ۆاشينگتونمەن تٸزە قوسىپ بٸرگە قيمىلداۋدى جٶن كٶرەتٸنٸن ايتقان. ول: «بٸز تٷرلٸ شەشٸمدەر قاراستىرىپ جاتىرمىز, بٸراق ۇلتتىق مٷددەگە قايشى ەرەكەت ەتۋدەن ساق بولۋىمىز كەرەك», – دەدٸ.
بۇل جارلىق امەريكالىق قۇقىق قورعاۋشىلارى مەن ساراپشىلاردىڭ قىنجىلىسىن تۋعىزدى. تٸپتٸ, پرەزيدەنت جارلىعىنىڭ زاڭسىز ەكەنٸن جارييالاپ, ونى سوتقا بەرگەندەر بار.
«مەكسيكا دۋالدىڭ قاجەتتٸگٸنە سەنبەيدٸ»
دونالد ترامپ سايلاۋالدى ناۋقانى كەزٸندە مەكسيكالىقتاردى «ەسٸرتكٸ تاسىمالداۋشىلار», «زورلىق جاساۋشىلار» دەپ اتاعانى ەسٸمٸزدە. بٸراق كەيٸن ول سٶزٸنە اباي بولۋعا ٷيرەنە باستادى, بىلتىر كٷزدە مەكسيكا پرەزيدەنتٸمەن كەزدەسكەن كەزدە مەكسيكالىقتاردى «ەڭبەكقور, تاماشا حالىق» دەپ تامسانعانى بار.
ەيتسە دە, 25 قاڭتاردا دونالد ترامپ اقش پەن مەكسيكا اراسىندا دۋال سوعۋ تۋرالى جارلىققا قول قويدى. بۇل از بولعانداي, ول بۇل قابىرعا قۇرىلىسىنىڭ بار شىعىنىن مەكسيكا ٶز موينىنا الۋى تيٸس دەپ سانايدى. جاڭادان سايلانعان پرەزيدەنت مەكسيكامەن ارادا تۇرعىزىلاتىن دۋالعا امەريكالىق سالىق تٶلەۋشٸلەردٸڭ اقشاسى جۇمسالمايدى دەپ ۋەدە ەتكەن بولاتىن.
بۇل جارلىققا قول قويعان كٷندٸ ترامپ «ٶتە ماڭىزدى كٷن» دەپ اتادى. «بۇل – بٸزدٸڭ ۇلتتىق قاۋٸپسٸزدٸگٸمٸز ٷشٸن اتاۋلى كٷن. باسقاسىن بىلاي قويعاندا, بٸز دۋال تۇرعىزامىز», – دەدٸ ول.
ترامپتىڭ ويىنشا, دۋال وڭتٷستٸك امەريكادان كەلەتٸن زاڭسىز ميگرانتتار مەن ەسٸرتكٸ تاسىمالىنا توسقاۋىل بولادى. بۇعان قوسا, شەكارانى كٷزەتۋ ٷشٸن قوسىمشا ون مىڭ جۇمىس ورنى اشىلاتىنى بەلگٸلٸ بولدى.
ABC تەلەارناسىنا بەرگەن سۇحباتى بارىسىندا دونالد ترامپ: «مەكسيكا دۋالدىڭ قۇرىلىسىن 100 پايىز موينىنا الادى», – دەدٸ نىق سەنٸممەن.
اقش بيلٸگٸ 1991 جىلدان بەرٸ مەكسيكامەن ارادا مەتالدان قۇراستىرىلعان قابىرعا تۇرعىزا باستاعان, بٸراق بۇل قابىرعا شەكارانىڭ ٷشتەن بٸرٸن عانا بويلاپ جاتىر.
«ترامپ دۋالى» اتالعان جوبا بويىنشا, ەكٸ ەلدٸڭ اراسىنا تۇرعىزىلاتىن جاڭا قابىرعانىڭ ۇزىندىعى ورتا ەسەپپەن 3200 شاقىرىمعا جەتەدٸ. ال ونىڭ قۇرىلىسىنا شامامەن 12 ميلليارد دوللار كەرەك. بٸراق ساراپشىلاردىڭ ەسەبٸنە جٷگٸنسەك, بۇل دۋالدى تۇرعىزۋ شىعىنى 25 ميلليارد دوللاردان اسۋى عاجاپ ەمەس.
اقش پرەزيدەنتٸنٸڭ جارلىعى جارييا بولىسىمەن, مەكسيكا پرەزيدەنتٸ ەنريكە پەنيا نەتو ۆاشينگتونعا جوسپارلانعان رەسمي ساپارىنان باس تارتتى.
مەكسيكا باسشىلىعى بۇل دۋالدى سالۋعا قارجى بٶلمەيتٸنٸن ايتۋمەن كەلەدٸ. مەكسيكا پرەزيدەنتٸ «مەكسيكا دۋالدىڭ قاجەتتٸلٸگٸنە سەنبەيدٸ», – دەدٸ. ول ٶز حالقىنا مەكسيكا بۇل دۋالدىڭ قۇرىلىسىنا بٸر پەسو جۇمسامايتىنىن ايتىپ, ۋەدە بەرگەن.
ال دونالد ترامپ «تۆيتتەردەگٸ» پاراقشاسىندا: «ەگەر مەكسيكا ٶتە قاجەتتٸ قابىرعانى تۇرعىزۋعا قارجى جۇمساعىسى كەلمەسە, وندا الداعى كەزدەسۋدٸ كەيٸنگە قالدىرعان جٶن», – دەپ جازدى.
بۇدان سوڭ اق ٷي باسشىلىعى مەكسيكادان كەلەتٸن تاۋارلارعا يمپورتتىق سالىقتى ۇلعايتۋدى جوسپارلاپ وتىرعانىن مەلٸمدەدٸ. اقش پرەزيدەنتٸ بۇل مەسەلەنٸ كونگرەسس مٷشەلەرٸمەن اقىلداسىپ, سالىقتان تٷسەتٸن اقشانى دۋال قۇرىلىسىنا جۇمساۋ تۋرالى ويىن ورتاعا سالعان. وسىلايشا, ترامپ «بەرسە – قولىنان, بەرمەسە – جولىنان» دەپ, تٸزەگە باسۋدان تايسالمايدى.
اق ٷيدٸڭ باسپاسٶز حاتشىسى شون سپايسەردٸڭ ايتۋىنشا, 20 پايىزدىق يمپورتتىق سالىق امەريكا قازىناسىنا جىلىنا 10 ميلليارد دوللار تٷسٸم ەكەلەدٸ. ال قازٸرگٸ تاڭدا «مەكسيكادان تاسىمالداناتىن تاۋارلارعا ەش سالىق سالىنبايدى», – دەدٸ ول.
بٸراق كەيبٸر امەريكالىق سەناتورلاردىڭ ايتۋىنشا, مەكسيكالىق تاۋارلارعا يمپورتتىق سالىق ەنگٸزۋ تٷپتٸڭ تٷبٸندە امەريكالىق تۇتىنۋشىلارعا زاردابىن تيگٸزەدٸ. سەبەبٸ مەكسيكا ٶز تاراپىنان قارىمتا رەتٸندە امەريكالىق تاۋارلارعا سالىق ەنگٸزۋٸ مٷمكٸن.
بۇعان دەيٸن مەكسيكا پرەزيدەنتٸ ەنريكە پەنيا نەتو سوڭعى ون جىلدا اقش-قا زاڭسىز ميگرانتتار سانى بٸرشاما ازايعانىن مەلٸمدەگەن بولاتىن. ال ەلەۋمەتتانۋشىلار سوڭعى ەكٸ-ٷش جىلدا اقش اۋماعىنا كەلگەن مەكسيكا ازاماتتارىنان گٶرٸ بۇل ەلدٸ تاستاپ شىققان مەكسيكالىقتار سانى كٶپ ەكەنٸن حابارلايدى.
وسى اپتادا بەرليننٸڭ بۋرگوميسترٸ ميحاەل ميۋللەر دونالد ترامپتى دۋال تۇرعىزۋدان باس تارتۋعا شاقىردى. بۋرگوميستر «مۇنداي شەشٸم ميلليونداعان ادامنىڭ تاعدىرىن ويران ەتۋٸ مٷمكٸن» دەپ مەلٸمدەگەن. «بٸز, بەرليندٸكتەر, تۇتاس كونتينەنتتٸ ەكٸگە بٶلۋدٸڭ قانداي زارداپ ەكەلەرٸن ٶتە جاقسى بٸلەمٸز» دەگەن بۋرگوميستر تاريحتاعى بەرلين قابىرعاسىن ەسكە سالدى. بٸراق اقش پرەزيدەنتٸ مۇنداي ەسكەرتۋلەرگە قۇلاق اساتىن ىڭعاي تانىتپايدى.
اقش كونگرەسٸ مەكسيكامەن ارادا سالىناتىن قابىرعانىڭ قۇرىلىسىن قارجىلاندىرۋدى ەلٸ ماقۇلداعان جوق. ەگەر بۇل جوبا ٸسكە اساتىن بولسا, «ترامپ دۋالى» ەلٸ تالاي داۋعا سەبەپ بولارى انىق.
«رەسەيمەن قارىم-قاتىناسىمىز تاماشا بولادى»
ترامپتىڭ سايلاۋالدى ۋەدەلەرٸنٸڭ بٸرٸ – رەسەيمەن قارىم-قاتىناستى جاقسارتۋ بولاتىن. ايتسا ايتقانداي, بىلتىر قاراشا ايىنداعى سايلاۋدان سوڭ بٸر اپتادان كەيٸن دونالد ترامپ رەسەي پرەزيدەنتٸ ۆلاديمير پۋتينمەن تەلەفون ارقىلى سٶيلەسكەن. 28 قاڭتاردا ەكٸ پرەزيدەنت تاعى دا تەلەفون ارقىلى ەڭگٸمەلەستٸ. رەسمي دەرەككٶزدەر ولاردىڭ «دايش» تەرروريستٸك ۇيىمىمەن كٷرەس جايىن جەنە سيرييا تاعدىرىن تالقىلاعانىن ايتادى. بٸر ساعاتتىق ەڭگٸمە بارىسىندا بۇدان باسقا حالىقارالىق مەسەلەلەر مەن ەكٸجاقتى بايلانىس سٶز بولعانى تٷسٸنٸكتٸ. وسىدان سوڭ اقش پەن رەسەي پرەزيدەنتتەرٸ الداعى ٷش-تٶرت ايدا كەزدەسۋٸ مٷمكٸن ەكەنٸ جايلى سىبىس تارادى. ەكٸ پرەزيدەنت بٸر-بٸرٸمەن جٷزدەس تە, تانىس تا ەمەس ەكەندٸكتەرٸن ايتقانىمەن, بۇعان دەيٸن بٸر-بٸرٸنە سىرتتاي ماقتاۋ ايتىپ, قولداۋ بٸلدٸرٸپ جٷرگەنٸ جاسىرىن ەمەس. ترامپ جاقىندا عانا رەسەيگە قاراتا: «بٸزدٸڭ قارىم-قاتىناسىمىز تاماشا بولادى دەپ ٷمٸتتەنەمٸن» دەگەن بولاتىن.
پۋتينمەن سٶيلەسەردٸڭ الدىندا ترامپ انگەلا مەركەلمەن تەلەفون ارقىلى حابارلاسقان. گەرمانييا كانتسلەرٸمەن سۇحبات 45 مينۋتقا سوزىلعان كٶرٸنەدٸ.
كەشەگٸ اپتادا ۇلىبريتانييا پرەمەر-مينيسترٸ تەرەزا مەيمەن كەزدەسكەن اقش پرەزيدەنتٸ: «رەسەيگە قارسى قابىلدانعان سانكتسييالاردىڭ كٷشٸن جويۋعا ەلٸ ەرتە», – دەدٸ. ۆاشينگتونعا ارنايى ساپارمەن بارعان مەي حانىم اق ٷي باسشىسىن رەسەيگە قارسى ەكونوميكالىق قۇرساۋدى بوساتپاۋعا ٷگٸتتەگەن كٶرٸنەدٸ.
ترامپتىڭ تاعى قانداي ۋەدەسٸ بار?
ترامپ ٶزٸنە دەيٸنگٸ پرەزيدەنتتٸڭ كەزٸندە قابىلدانعان زاڭداردىڭ 70 پايىزىنىڭ كٷشٸن جويۋعا ۋەدە بەرگەن. ونىڭ ٸشٸندە, حالىقارالىق كەلٸسٸم-شارتتار مەن «Obamacare» دەپ اتالىپ كەتكەن دەنساۋلىق ساقتاۋ سالاسىنىڭ رەفورماسى بار.
پرەزيدەنتتٸگٸنٸڭ العاشقى كٷندەرٸنٸڭ ٶزٸندە دونالد ترامپ ترانس-تىنىق مۇحيتى سەرٸكتەستٸگٸ تۋرالى كەلٸسٸمنٸڭ جەنە مەديتسينالىق ساقتاندىرۋدى قامتاماسىز ەتۋ تۋرالى باعدارلامانىڭ كٷشٸن جوياتىن جارلىققا قول قويدى.
سونداي-اق وباما مۇرىندىق بولعان كليماتتىق ٶزگەرٸستەردٸڭ سالدارىن جويۋعا جەنە جاسىل ەنەرگەتيكانى دامىتۋعا قاتىستى قۇجاتتاردىڭ دا كٷرەسٸنگە تاستالاتىنى بەلگٸلٸ بولدى. وسىلايشا, دونالد ترامپ ٶزٸنە دەيٸنگٸ پرەزيدەنت وبامانىڭ سەگٸز جىلدىق جۇمىسىن جوققا شىعارىپ جاتىر.
وسى كٷندەرٸ ترامپ اقش, كانادا جەنە مەكسيكا اراسىندا 1994 جىلى جاسالعان سولتٷستٸك امەريكا ەركٸن ساۋدا تۋرالى كەلٸسٸمدٸ قايتا قاراۋعا بايلانىستى كەلٸسسٶزدەردٸ باستاپ كەتتٸ. «ەڭ ەۋەلٸ اقش!» دەپ ۇرانداتقان اق ٷي باسشىسى بۇل كەلٸسٸمنەن باس تارتۋى مٷمكٸن ەكەنٸن جاسىرمايدى.
ونىڭ تاعى بٸر ۋەدەسٸ ناتو-مەن قارىم-قاتىناستى قايتا قاراۋعا قاتىستى بولاتىن. ەزٸرگە ترامپ بۇل مەسەلە بويىنشا ناقتى ۇستانىمىن جارييالاعان جوق. ۇلىبريتانييا پرەمەر-مينيسترٸمەن كەزدەسۋ بارىسىندا ناتو-مەن ەرٸپتەستٸكتٸڭ ودان ەرٸ جالعاساتىنىن عانا ايتتى. مەي حانىم بولسا, «اقش پرەزيدەنتٸ ناتو-نى 100 پايىز قولدايدى» دەپ مەلٸمدەدٸ.
تاعى بٸر ماڭىزدى مەسەلە – ترامپ اقش-تىڭ يادرولىق قۋاتىن ارتتىرا تٷسۋ كەرەك دەپ سانايدى. قازٸرگٸ تاڭدا اقش پەن رەسەيدٸڭ يادرولىق قۋاتى جەر بەتٸندەگٸ يادرولىق ارسەنالدىڭ 90 پايىزىن قۇرايتىنى مەلٸم. بۇل ەكٸ ەلدٸڭ يەلٸگٸندەگٸ يادرولىق قارۋ بٸرٸن-بٸرٸ بٸرنەشە مەرتە جويۋعا جەتەدٸ. سوعان قاراماستان, دونالد ترامپ ەسكەري شىعىنداردى ۇلعايتۋعا, يادرولىق ارسەنالدى ودان ەرٸ ارتتىرۋعا بەيٸل. ول «تۆيتتەردەگٸ» پاراقشاسىندا: «اقش ٶزٸنٸڭ يادرولىق قابٸلەتٸن كٷشەيتٸپ, ودان ەرٸ ارتتىرا تٷسۋ كەرەك. بارشا ەلەم بۇل قارۋعا دەگەن كٶزقاراسىن ٶزگەرتكەنشە سولاي بولۋى تيٸس» دەپ جازعان ەدٸ. بۇل دا وبامانىڭ ۇستانعان ساياساتىنا قايشى. اق ٷيدٸڭ قازٸرگٸ باسشىسى بولسا, يادرولىق قارۋدى تەرروريستٸك ۇيىمدارعا قارسى قولدانۋ مٷمكٸندٸگٸن جوققا شىعارمايدى. وسىندايدا, حيللاري كلينتوننىڭ دونالد ترامپ تۋرالى: «وعان يادرولىق چەموداندى ۇستاتۋعا بولمايدى» دەگەن سٶزٸ ەسكە تٷسەدٸ ەرٸكسٸز…
گٷلبيعاش ومار, "تٷركٸستان" گازەتٸ
