انگلييادا جٷرگەن داستاننان جاعىمدى حابار جەتتٸ, دەپ حابارلايدى ult.kz.
داستان سەتپاەۆ "چەلسيدٸڭ" نەگٸزگٸ قۇرامىندا العاش رەت الاڭعا شىقتى. فۋتبولشى اۋسترالييانىڭ "ۆەستەرن سيدنەي ۋوندەرەرس" كومانداسىنا قارسى جولداستىق كەزدەسۋدٸڭ 6 مينۋتىندا گول سوقتى.
رەسمي تٷردە ول كلۋبقا 12 تامىزدا, 18 جاسقا تولعان كٷنٸ قوسىلادى.
شابۋىلشى پوزيتسيياسىندا ٶنەر كٶرسەتەتٸن داستان جاس ەرەكشەلٸگٸنە قاراماستان ٶزٸنٸڭ جىلدامدىعىمەن, تەحنيكالىق شەبەرلٸگٸمەن جەنە گول سوعۋ قابٸلەتٸمەن كٶزگە تٷستٸ. ول الدىمەن «قايرات-جاستار» كومانداسىندا ويناپ, كەيٸن نەگٸزگٸ قۇرامعا شاقىرتۋ الدى. قازاقستان پرەمەر-ليگاسىنداعى العاشقى ماۋسىمدارىنىڭ ٶزٸندە-اق جانكٷيەرلەر مەن مامانداردىڭ جوعارى باعاسىنا يە بولدى.
سەتپاەۆ قازاقستاننىڭ جاسٶسپٸرٸمدەر قۇرامالارىندا سەتتٸ ٶنەر كٶرسەتٸپ, كەيٸن ۇلتتىق قۇراما ساپىنا شاقىرىلدى. ونىڭ حالىقارالىق دەڭگەيدەگٸ سەنٸمدٸ ويىنى ەۋروپالىق كلۋبتاردىڭ نازارىن اۋداردى.
2025 جىلى انگلييانىڭ ەيگٸلٸ «چەلسي» كلۋبى داستان سەتپاەۆپەن كەلٸسٸمگە كەلگەنٸن رەسمي تٷردە جارييالادى. FIFA تالاپتارىنا سەيكەس حالىقارالىق ترانسفەر كەمەلەت جاسىنا تولعاننان كەيٸن رەسٸمدەلٸپ, 2026 جىلدىڭ جازىندا قازاقستاندىق شابۋىلشى لوندوندىق كلۋبتىڭ قاتارىنا قوسىلدى. بۇل ترانسفەر قازاقستاندىق فۋتبول تاريحىنداعى ەڭ ماڭىزدى كەلٸسٸمدەردٸڭ بٸرٸ رەتٸندە باعالاندى.
