داستان ورازبەكوۆ "وردا" توبىنىڭ تارايتىنىن مەلٸمدەدٸ: قوشتاسۋ تۋرى قايدا ٶتەدٸ?

فوتو: اشىق دەرەككٶز

ەنشٸ داستان ورازبەكوۆ 2025 جىلدىڭ اقپان ايىندا "وردا" توبىنىڭ قوشتاسۋ كونتسەرتٸ ٶتەتٸنٸن حابارلادى, دەپ جازادى Ult.kz.

Revue news باعدارلاماسىندا سٶيلەگەن سٶزٸندە ەنشٸ توپتىڭ تارايتىن ۋاقىتى جەتكەنٸن ايتتى. ونىڭ ايتۋىنشا, "وردا" توبى اقپان ايىندا قازاقستاننىڭ بٸرنەشە ٶڭٸرٸنە گاسترولدٸك ساپارمەن شىعادى, ال الماتىدا توپتىڭ 25 جىلدىعىنا ارنالعان قوشتاسۋ كونتسەرتٸ ٶتەدٸ. بۇل ساپار توپتىڭ سوڭعى تۋرى بولاتىنىن ايتتى.

توپ تاراعاننان كەيٸن ورازبەكوۆ جەكە شىعارماشىلىعىن جالعاستىرۋدى جوسپارلاپ وتىر. ەنشٸنٸڭ ايتۋىنشا, توپتىڭ ٶزگە مٷشەلەرٸ دە ٶنەردەن الىستامايدى.