الماتى ەكٸمٸ دارحان ساتىبالدى ەۋروپالىق قايتا قۇرۋ جەنە دامۋ بانكٸنٸڭ (ەقدب) پرەزيدەنتٸ وديل رەنو-باسسومەن كەزدەستٸ. تاراپتار بٸرلەسكەن جوبالاردى جٷزەگە اسىرۋ جەنە قالا ينفراقۇرىلىمى, كٶلٸك, ەنەرگەتيكا, تسيفرلاندىرۋ سالالارىنداعى ىنتىماقتاستىقتىڭ كەلەشەگٸن تالقىلادى.
ەقدب باسشىسىنىڭ قازاقستانعا ساپارى قازاقستان رەسپۋبليكاسى پرەزيدەنتٸ جانىنداعى شەتەلدٸك ينۆەستورلار كەڭەسٸنٸڭ 38-پلەنارلىق وتىرىسى اياسىندا ٶتٸپ جاتىر.
دارحان ساتىبالدى ەقدب-نىڭ قازاقستانمەن ىنتىماقتاستىعى باستالعالى بەرٸ ەلدٸڭ دامۋىنا قوسقان ٷلەسٸن جوعارى باعالادى.
«الماتى – ەلٸمٸزدٸڭ ەڭ ٸرٸ ەكونوميكالىق ورتالىعى ەرٸ قازاقستان دامۋىنىڭ نەگٸزگٸ قوزعاۋشى كٷشتەرٸنٸڭ بٸرٸ. بٷگٸندە قالا رەسپۋبليكا ەكونوميكاسىنىڭ شامامەن تٶرتتەن بٸر بٶلٸگٸن قالىپتاستىرىپ, جەتەكشٸ ٸسكەرلٸك ەرٸ ينۆەستيتسييالىق ورتالىق مەرتەبەسٸن ساقتاپ وتىر. بٸز ٷشٸن حالىقارالىق سەرٸكتەستەرمەن قارجىلاندىرۋ باعىتىندا عانا ەمەس, سونىمەن بٸرگە ولاردىڭ زاماناۋي قالالىق شەشٸمدەردٸ ەنگٸزۋدەگٸ تەجٸريبەسٸن پايدالانۋ تۇرعىسىنان دا ىنتىماقتاستىقتى دامىتۋ ماڭىزدى», – دەدٸ الماتى ەكٸمٸ.
كەزدەسۋدٸڭ نەگٸزگٸ تاقىرىپتارىنىڭ بٸرٸ – ەقدب, قازاقستاننىڭ دامۋ بانكٸ جەنە ازييا دامۋ بانكٸ قولداۋىمەن جٷزەگە اسىرىلىپ جاتقان الماتىداعى 2-جەو-ىن جاڭعىرتۋ جوباسى بولدى.
سونىمەن قاتار تاراپتار الماتى حالىقارالىق ەۋەجايىن دامىتۋعا باعىتتالعان بٸرلەسكەن جوبالاردى, ونىڭ ٸشٸندە جاڭا جولاۋشىلار تەرمينالىن سالۋ, سونداي-اق ٷلكەن الماتى اينالما اۆتوموبيل جولى (ٷاااج) جوباسىن تالقىلادى.
كەزدەسۋدە تۇراقتى دامۋ مەسەلەسٸنە دە ەرەكشە مەن بەرٸلدٸ. الماتى ەقدب-نىڭ Green Cities باستاماسىنا قوسىلعان ورتالىق ازيياداعى العاشقى شاھار. تاراپتار قالا ينفراقۇرىلىمىن جاڭعىرتۋ, رەلستٸ كٶلٸك جٷيەسٸن دامىتۋ جەنە جاڭا ينفراقۇرىلىمدىق جوبالاردى جٷزەگە اسىرۋ ٷشٸن «جاسىل» قارجىلاندىرۋ تەتٸكتەرٸن پايدالانۋ باعىتىنداعى ىنتىماقتاستىقتى ودان ەرٸ جالعاستىرۋ جايىن قاراستىردى.
