قر جاساندى ينتەللەكت جەنە تسيفرلىق دامۋ مينيسترلٸگٸ eGov جٷيەسٸ بۇزىلىپ, قازاقستاننىڭ 15 ميلليون ازاماتىنىڭ دەرەكتەرٸ تارادى دەگەن اقپاراتتىڭ شىندىققا سەيكەس كەلمەيتٸنٸن مەلٸمدەدٸ, دەپ حابارلايدى ult.kz.
مينيسترلٸك ۋەكٸلەتتٸ ورگاندارمەن بٸرلەسٸپ تەحنيكالىق تەكسەرۋ جٷرگٸزگەن. نەتيجەسٸندە eGov اقپاراتتىق جٷيەلەرٸنٸڭ بۇزىلعانى انىقتالماعان.
سونىمەن قاتار ماماندار darknet-تە ساتىلىمعا شىعارىلعان فايلدارعا تالداۋ جاساعان. ولاردىڭ مەلٸمەتٸنشە, بۇل فايلدار ەرتٷرلٸ بەلگٸسٸز قۇجاتتار مەن سۋرەتتەردٸڭ جيىنتىعى بولىپ شىققان جەنە eGov جٷيەسٸنەن الىنعان دەرەكتەر بازاسىنىڭ كٶشٸرمەسٸ ەمەس.
مينيسترلٸك بۇعان بٸرنەشە فاكتٸنٸڭ دەلەل بولاتىنىن اتاپ ٶتتٸ. مەسەلەن, darknet-تە جارييالانعان دەرەكتەر ماسسيۆٸنٸڭ كٶلەمٸ مەن مازمۇنى بٸر-بٸرٸنە سەيكەس كەلمەيدٸ.
سونداي-اق eGov جٷيەلەرٸندە حابارلاندىرۋدا ايتىلعانداي, ازاماتتاردىڭ پاسپورتتارىنىڭ سكان-كٶشٸرمەلەرٸ ساقتالاتىن بازا جوق. تسيفرلىق قۇجاتتار باسقا تەسٸلمەن قالىپتاستىرىلىپ, ساقتالادى.
وسىعان بايلانىستى مينيسترلٸك eGov جٷيەسٸ بۇزىلماعانىن جەنە 15 ميلليون قازاقستاندىقتىڭ دەرەكتەرٸ جٷيەدەن الىنباعانىن رەسمي تٷردە مەلٸمدەدٸ.
ۆەدومستۆو بۇقارالىق اقپارات قۇرالدارى مەن اقپاراتتىق رەسۋرستاردى مۇنداي مەلٸمەتتەردٸ تاراتپاس بۇرىن مۇقييات تەكسەرۋگە شاقىردى. مينيسترلٸك اتاپ ٶتكەندەي, darknet-تەگٸ انونيمدٸ حابارلاندىرۋدىڭ ٶزٸ اقپاراتتىق جٷيەنٸڭ بۇزىلعانىن نەمەسە دەرەكتەردٸڭ تاراعانىن دەلەلدەمەيدٸ.
