«AntikorLive» جوباسىندا «سىبايلاس جەمقورلىقپەن كٷرەستەگٸ باق-تىڭ ماڭىزى» تاقىرىبىندا «Egemen Qazaqstan» رگ» اق باسقارما تٶراعاسى دارحان قىدىرەلٸ جەمقورلىق دەرتٸنە قاتىستى ويىمەن بٶلٸستٸ, دەپ حابارلايدى قازاقپارات.
«جالپى بٸزدە ساياسي قىزمەتكەرلەر كٶبٸنەسە ماكياۆەلليدٸ وقىپ, ٷلگٸ تۇتادى. ال «ماكياۆەللي بيلٸككە جەتۋ ٷشٸن قانداي بولماسىن قادامعا بارۋعا بولادى» دەيدٸ. مەنٸڭشە, جەمقورلىقتىڭ بٸر كٷشٸ سوندا جاتىر. سەبەبٸ قيياناتپەن, الداپ-ارباۋمەن بيلٸككە نەمەسە ٷلكەن جەتٸستٸككە جەتۋگە بولادى دەگەندٸ وقىپ ٶسكەن جاستار, ەرينە, ونداي قادامعا بارادى. ال ەندٸ بٸزدٸڭ قوعامدا بٸلٸمگە تولى كٸتاپتىڭ كٶپ جازىلعانىن بٸلەسٸز. سونىڭ بٸرٸ ەل-فارابي بابامىزدىڭ وسىدان مىڭ جىل بۇرىن جازىلعان «قايىرىمدى قالا تۇرعىندارى» كٸتابى. سونىمەن بٸرگە جٷسٸپ بالاسۇعۇننىڭ «قۇتتى بٸلٸك» كٸتابىندا دا مەملەكەتتٸك قىزمەتكەردٸڭ, پاتشانىڭ, ۋەزٸردٸڭ قانداي بولۋى كەرەكتٸگٸ جازىلعان. اباي «قۇتتى بٸلٸكتٸ» وقىعان. سوندىقتان ونىڭ «عىلىم تاپپاي ماقتانبا» دەگەن ٶلەڭٸندە ايتىلعانىنداي جەمقورلىقتىڭ بٸر ۇشى قاناعاتسىزدىقتا, راقىمسىزدىق پەن ىنساپسىزدىقتا جاتىر», - دەدٸ دارحان قىدىرەلٸ «AntikorLive» جوباسىندا.
باسىلىم باسشىسىنىڭ ايتۋىنا قاراعاندا, اباي ار مەسەلەسٸن كٶتەرٸپ, ادام بويىنداعى ۇنامسىز قىلىقتار مەن مٸنەزدەردٸ ايىپتاعان.
«ودان بٶلەك تە ٶتە كٶپ ساياساتنامالار جازىلعان. مىسالى سالجۇق مەملەكەتٸنٸڭ ٷلكەن ۋەزٸرٸ نيزام ەل-مٷلٸكتٸڭ, ناۋايدٸڭ ەڭبەكتەرٸ بولسىن بيلٸك يەلەرٸنٸڭ پاراساتتىلىعى تۋرالى جازىلادى. ودان كەيٸنگٸ ەڭبەكتەرٸنٸڭ قاي-قايسىسىن الساق تا مۇسىلمان, شىعىس ەلەمٸندەگٸ بيلٸكتە ەدٸلەت باستى ورىندا تۇرادى. مىسالى «قۇتتى بٸلٸك» ٸلٸمٸندە ٷش كەيٸپكەر بار. ولار: اقىل, قاناعات پەن ەدٸلەت. «ەدٸلەت-شاپقات كٸمدە بار» دەيدٸ مىسالى اباي. شاپقات دەگەنٸمٸز – مەيٸرٸم. ەدٸلەتتٸلٸك سول شاپقاتتى تۋعىزادى. ابايدىڭ ودان بٶلەك «اقىل, قايرات, جٷرەكتٸ بٸردەي ۇستا» دەگەن سٶزٸ بار. «نۇرلى اقىل, ىستىق قايرات, جىلى جٷرەك» دەپ تولعايدى. جٷرەك وسى ەدٸلەتتٸلٸكتٸڭ, قايىرىمدىلىقتىڭ ۇياسى ەسەپتەلەدٸ. سوندىقتان مەملەكەتتٸك قىزمەتكەر تەك اقىلدى نەمەسە بٸلٸكتٸ ەمەس, ٷلكەن جٷرەكتٸڭ يەسٸ دە بولۋى كەرەك», - دەدٸ ول.
دارحان قىدىرەلٸ ار ٸلٸمٸن تەرەڭ يگەرگەن پاراسات يەسٸ ەشقاشان قيياناتقا, ەدٸلەتسٸزدٸككە بارمايتىنىن, بٸرەۋدٸڭ الا جٸبٸن اتتاماق تٷگٸلٸ وعان جول بەرمەيتٸنٸن اتاپ ٶتتٸ.
«جەمقورلىقتىڭ ٶزٸن نەپسٸنٸ جەڭە الماۋمەن بايلانىستىرۋعا بولادى. ادامنىڭ ٶزٸن يگەرمەۋٸ. جەمقورلىق ۇيات كاتەگوريياسى عانا ەمەس, بٸر جاعى ول ادامنىڭ ادامشىلىعىن كٶرسەتەدٸ. ياعني ول ادامنىڭ قۇنى العان زاتىمەن ٶلشەنەدٸ. بٸر جاعى ول العان ادامدى دا قورلايدى. ٶيتكەنٸ ونىڭ قۇنى – سول. شىن مەنٸندە اسىل ادام اينىماس دەيدٸ. اينىمايتىن تولىق ادامدىققا قادام باسقان كٸسٸ ەشتەڭەگە ساتىلمايدى. ونداي ادامداردىڭ قوعامداعى ورنى ەرەكشە بولادى. بٸزدە كەزٸندە تەربيەنٸ كٶزٸ وسى بولعان», - دەدٸ باسىلىم باسشىسى.
دارحان قىدىرەلٸ بۇرىن اتا-بابالارىمىز «الا جٸپتٸ اتتاما» دەپ ۇرپاعىن ٸزگٸلٸككە ٷيرەتسە, بٷگٸنگٸ زاماندا جەمقورلىق بالاباقشادان باستالاتىنىن ايتادى. سەبەبٸ قازٸر كەي ادام بالاباقشاعا بالاسىن ورنالاستىرۋ ٷشٸن «الاتىن» ادام ٸزدەيدٸ. كەيبٸرٸ بالاباقشاداعى ٶز بالاسىنا جاقسى قاراۋى ٷشٸن تەربيەشٸلەرٸنە ازىن-اۋلاق سىيلىق اپارىپ بەرٸپ تۇرادى.
«ونى پارا دەپ ەسەپتەمەيدٸ. بٸراق قىلمىستىڭ ٷلكەن-كٸشٸسٸ جوق. ۇرلىقتا دا سولاي. كٸشكەنتاي سىيلىق بەرگەن ادام ٷلكەن سىيلىق بەرۋگە دە, الۋعا دا بارادى دەگەن سٶز. مەكتەپتگٸ بالاسى ٷشٸن كەيبٸرەۋ مۇعالٸمگە قىسىم جاساپ جاتادى. وسىنىڭ بەرٸ بالانىڭ پسيحولوگيياسىن جەمقورلىققا جەتەلەيدٸ. ٶيتكەنٸ ول دا ٶزٸ قۇرالپى بالانىڭ جٶن-جوسىقسىز العىس حات الىپ, وليمپيادالارعا بارىپ جاتقانىن كٶرەدٸ. ونداي بالا ٶمٸردەگٸ قيياناتتى سەزٸنەدٸ. دەمەك «مەن دە ماقتاۋ الۋ ٷشٸن وسىلاي جاساۋىم كەرەك» دەپ ويلايدى. بٸراق پارا ارقىلى العا جەتەلەگٸسٸ كەلگەن اتا-انا بالاسىنا قييانات جاساپ جاتقانىن بٸلمەيدٸ. سەبەبٸ بۇل جەردە ادالدىق پرينتسيپٸ بۇزىلىپ وتىر», - دەدٸ دارحان قىدىرەلٸ.
