قازاقستاندا كەلەسٸ جىلعى جاستار جىلىنا ارنالعان ارنايى جول كارتاسى ەزٸرلەنٸپ, شارالاردى اتاپ ٶتۋدٸڭ باعىتتارى ايقىندالدى. جول كارتاسىنىڭ ناقتى وسى باعىتتارى تۋرالى استانادا ٶتٸپ جاتقان «نۇر وتان» پارتيياسى باستاۋىش ۇيىمدارىنىڭ رەسپۋبليكالىق فورۋمىندا قوعامدىق دامۋ مينيسترٸ دارحان كەلەتاەۆ مەلٸم ەتتٸ, دەپ حابارلايدى قازاقپارات تٸلشٸسٸ.
«قازٸرگٸ تاڭدا اتالمىش باستامانى جٷزەگە اسىرۋ بويىنشا جول كارتاسى ەزٸرلەنٸپ قويدى. جاستار جىلى بٸز ٷشٸن ٶتە ماڭىزدى ەرٸ باسىمدىققا يە ەكەنٸن ەرەكشە اتاپ ٶتۋ كەرەك. ناقتى مٸندەتتەر دە بەلگٸلەندٸ. ياعني, بٸز اۋقىمدى ەرٸ سىرتتاي سەن-سالتاناتتى شارالاردان باس تارتىپ, جاستار جىلىن - بارلىق مەملەكەتتٸك باعدارلامالار بويىنشا تۋرا قاعيدات نەگٸزٸندە جاستار ينديكاتورىن ەنگٸزگٸمٸز كەلەدٸ. بۇل نەگٸزگٸ مٸندەت - ٷكٸمەت ٸسكە اسىرىپ جاتقان بارلىق مەملەكەتتٸك باعلارلاما بويىنشا بٸر جىلدىڭ ٸشٸندە جاستار ينديكتورىن انىقتاۋ كەرەك», - دەدٸ دارحان كەلەتاەۆ.
مينيستردٸڭ ايتۋىنشا, جول كارتاسى اياسىندا جۇمىستىڭ نەگٸزگٸ باعىتتارى دا ايقىندالىپ قويعان.
«كەلەسٸ جىلى ٸسكە اسىرعىمىز كەلەتٸن 11 باعىتتى ايقىنداپ الدىق. بٸرٸنشٸسٸ - جاستار ينفراقۇرىلىمىن دامىتۋ, سودان كەيٸنگٸ رەتتە بٸلٸم, جۇمىسپەن قامتۋ, دەنساۋلىق, قوجەتٸمدٸ باسپانا, كەسٸپكەرلٸكتٸ دامىتۋ, قارجىلىق ساۋاتتىلىقتى ارتتىرۋ, قۇقىقتىق مەدەنيەت, جەمقورلىققا تٶزٸمسٸزدٸكتٸ ارتتىرۋ, پاتريوتيزمدٸ كٷشەيتۋ, دارىندى جاستاردى قولداۋ, جاستاردان قۇرىلعان ٷكٸمەتتٸك ەمەس ۇيىمداردى دامىتۋ جەنە مەملەكەتتٸك جاستار ساياساتىن اقپاراتتتىق تۇرعىدا قامتاماسىز ەتۋ جۇمىستارىنا ماڭىز بەرٸلەدٸ. مٸنە, بٸز ايقىنداپ العان 11 باعىت - وسى», - دەدٸ دارحان كەلەتاەۆ.
ەسكە سالا كەتسەك, ەلورداداعى كونگرەسس-ورتالىقتا «نۇر وتان» پارتيياسى باستاۋىش ۇيىمدارىنىڭ رەسپۋبليكالىق فورۋمى ٶتٸپ جاتىر.
