فوتو: Doridarmon.ru
قازاقستاندا دەرٸ-دەرمەكتەردٸ مٸندەتتٸ تاڭبالاۋ مەن قاداعالاۋ جٷيەسٸنٸڭ ەنگٸزٸلۋٸ فارماتسەۆتيكالىق نارىقتى اشىق ەرٸ قاۋٸپسٸز ەتۋگە جول اشتى. ەندٸ ەربٸر دەرٸ قاپتاماسىنىڭ ٶندٸرٸستەن باستاپ تۇتىنۋشىعا دەيٸنگٸ قوزعالىسى ناقتى باقىلاۋدا بولادى. بۇل تۇتىنۋشىلار ٷشٸن قاۋٸپسٸزدٸكتٸ ارتتىرىپ قانا قويماي, حالىقتىڭ قانداي دەرٸلەردٸ, قاشان جەنە قانشالىقتى مٶلشەردە ساتىپ الاتىنى جٶنٸندە تولىق تالداۋ جاساۋعا مٷمكٸندٸك بەرەدٸ, دەپ حابارلايدى Ult.kz.
جاڭا جٷيەنٸڭ ارقاسىندا بٸر جىلدىڭ ٸشٸندە 417 ميلليوننان استام دەرٸ قاپتاماسى تاڭبالانعان. بۇل — وتاندىق دەرٸ-دەرمەك نارىعىنىڭ 60%-دان استامىن قامتيدى. ونىڭ 252 ميلليونى — شەتەلدەن ەكەلٸنگەن, ال 165 ميلليونى — قازاقستاندا ٶندٸرٸلگەن پرەپاراتتار.
ساتىلىم كٶلەمٸ بويىنشا پاراتسەتامول كٶش باستاپ تۇر: ەلٸمٸزدە بٸر جىلدا شامامەن 3 ميلليون قاپتاما ساتىلعان. سونداي-اق, ناتريي حلوريدٸ, ەتيل سپيرتٸ, اتسەتيلساليتسيل قىشقىلى جەنە تسيترامون پ سىندى دەرٸلەر دە جوعارى سۇرانىسقا يە بولعان.
Tañba بٸرىڭعاي اقپاراتتىق جٷيەسٸنٸڭ دەرەكتەرٸنە سٷيەنسەك, دەرٸ-دەرمەككە دەگەن سۇرانىس اپتانىڭ ورتاسىندا ارتادى. قازاقستاندىقتار دەرٸنٸ كٶبٸنە سەيسەنبٸ مەن سەرسەنبٸدە ساتىپ الادى. ال دەمالىس كٷندەرٸ, ەسٸرەسە جەكسەنبٸدە, ساتىلىم ەڭ تٶمەن دەڭگەيگە تٷسەدٸ. بۇل تسيكل اپتانىڭ باسىنان باستاپ قايتالانىپ وتىرادى.
ايماقتار بويىنشا ەڭ كٶپ تاڭبالانعان دەرٸ-دەرمەك الماتى قالاسىندا ساتىلعان — 14,1 ميلليون قاپتاما. ودان كەيٸن قاراعاندى وبلىسى (9,2 ملن), شىمكەنت (4,9 ملن) جەنە ەلوردا (4,1 ملن) تۇر.
مامانداردىڭ ايتۋىنشا, ەربٸر دەرٸ قاپتاماسىندا ارنايى Data Matrix كودى بولادى. بۇل كود ارقىلى ٶنٸمنٸڭ تٷپنۇسقالىعى راستالىپ, جالعان نەمەسە كونترافاكتٸلٸك تاۋاردىڭ نارىققا ەنۋٸنە جول بەرٸلمەيدٸ.
