Foto: Doridarmon.ru
Qazaqstanda dári-dármekterdi mindetti tańbalaý men qadaǵalaý júiesiniń engizilýi farmatsevtikalyq naryqty ashyq ári qaýipsiz etýge jol ashty. Endi árbir dári qaptamasynyń óndiristen bastap tutynýshyǵa deiingi qozǵalysy naqty baqylaýda bolady. Bul tutynýshylar úshin qaýipsizdikti arttyryp qana qoimai, halyqtyń qandai dárilerdi, qashan jáne qanshalyqty mólsherde satyp alatyny jóninde tolyq taldaý jasaýǵa múmkindik beredi, dep habarlaidy Ult.kz.
Jańa júieniń arqasynda bir jyldyń ishinde 417 millionnan astam dári qaptamasy tańbalanǵan. Bul — otandyq dári-dármek naryǵynyń 60%-dan astamyn qamtidy. Onyń 252 milliony — shetelden ákelingen, al 165 milliony — Qazaqstanda óndirilgen preparattar.
Satylym kólemi boiynsha paratsetamol kósh bastap tur: elimizde bir jylda shamamen 3 million qaptama satylǵan. Sondai-aq, natrii hloridi, etil spirti, atsetilsalitsil qyshqyly jáne Tsitramon P syndy dáriler de joǵary suranysqa ie bolǵan.
Tañba biryńǵai aqparattyq júiesiniń derekterine súiensek, dári-dármekke degen suranys aptanyń ortasynda artady. Qazaqstandyqtar dárini kóbine seisenbi men sársenbide satyp alady. Al demalys kúnderi, ásirese jeksenbide, satylym eń tómen deńgeige túsedi. Bul tsikl aptanyń basynan bastap qaitalanyp otyrady.
Aimaqtar boiynsha eń kóp tańbalanǵan dári-dármek Almaty qalasynda satylǵan — 14,1 million qaptama. Odan keiin Qaraǵandy oblysy (9,2 mln), Shymkent (4,9 mln) jáne elorda (4,1 mln) tur.
Mamandardyń aitýynsha, árbir dári qaptamasynda arnaiy Data Matrix kody bolady. Bul kod arqyly ónimniń túpnusqalyǵy rastalyp, jalǵan nemese kontrafaktilik taýardyń naryqqa enýine jol berilmeidi.
