ٸشكٸ ٸستەر مينيسترلٸگٸ «دوپينگ» جەدەل الدىن الۋ ٸس-شاراسىن ٶتكٸزدٸ, دەپ حابارلايدى "ۇلت اقپارات".
بۇل شارانىڭ نەگٸزگٸ مٸندەتٸ – ەسٸرتكٸ, پسيحوتروپتىق نەمەسە ۋلى زاتتارمەن جۇمىس ٸستەۋ ەرەجەلەرٸن, فارماتسەۆتيكالىق قىزمەت ەرەجەلەرٸن جەنە ەسٸرتكٸ اينالىمى سالاسىنداعى ٷي-جايلارعا قويىلاتىن تالاپتاردىڭ ساقتالۋىن انىقتاۋ. رەيد بارىسىندا پوليتسييا قىزمەتكەرلەرٸ ٶز قىزمەتٸندە ەسٸرتكٸ, پسيحوتروپتىق زاتتار مەن پرەكۋرسورلاردى پايدالاناتىن كەسٸپورىندار مەن ۇيىمداردى تەكسەردٸ.
ەسٸرتكٸ قىلمىسىنا قارسى ٸس-قيمىل دەپارتامەنتٸنٸڭ اقپاراتى بويىنشا, 5 كٷن ٸشٸندە ەلٸمٸزدە 78 ەكٸمشٸلٸك قۇقىقبۇزۋشىلىق انىقتالعان. ولاردىڭ 44-ٸ دەرٸحانالاردا دەرٸ-دەرمەكتٸ رەتسەپتٸسٸز جٸبەرۋمەن بايلانىستى بولىپ وتىر. قۇرامىندا ەسٸرتكٸ جەنە پسيحوتروپتىق زاتتار بار مەديتسينالىق پرەپاراتتاردىڭ 6 مىڭعا جۋىق تابلەتكاسى مەن امپۋلاسى تەركٸلەنگەن.
«مىسالى اقتٶبە وبلىسىنداعى بٸر مەديتسينالىق مەكەمەنٸ تەكسەرۋ بارىسىندا زاڭسىز ساقتالعان 90 امپۋلا مورفين مەن 2500 امپۋلا فەنتانيل تەركٸلەندٸ. كٸنەلٸ لاۋازىمدى ادامدارعا قاتىستى قىلمىستىق ٸس قوزعالدى.
بۇدان باسقا وپەراتسييا كەزەڭٸندە ەسٸرتكٸنٸڭ زاڭسىز اينالىمى سالاسىندا 51 قىلمىس, ونىڭ ٸشٸندە 27 ٶتكٸزۋ فاكتٸسٸ, 23 ەسٸرتكٸنٸ اسا ٸرٸ مٶلشەردە ساقتاۋ جەنە 1 كونتراباندا فاكتٸسٸ انىقتالدى. مەسەلەن, ەلوردالىق ەسٸرتكٸمەن كٷرەس پوليتسەيلەرٸ بۇرىن سوتتى بولعان 39 جاستاعى جەرگٸلٸكتٸ تۇرعىندى ۇستادى. ودان 20 كەلٸگە جۋىق ورالعان جەنە ساتۋعا دايىن گاشيش تەركٸلەنگەن. «قارا نارىقتا» ونىڭ باعاسى 30 ملن تەڭگەنٸ قۇرايتىن ەدٸ», - دەپ حابارلايدى مينيسترلٸكتەن.
وسىعا ۇقساس تاعى بٸر فاكتٸنٸ قوستاناي وبلىسىنىڭ ەسٸرتكٸگە قارسى كٷرەس پوليتسەيلەرٸ انىقتاعان. جەتٸقارا قالاسىنىڭ تۇرعىنى ٶز ٷيٸنٸڭ ەدەنٸنٸڭ استىندا 500 گر شاماسىندا گەروين ساقتاعان. تٸنتۋ بارىسىندا پولتسەيلەر ەسٸرتكٸدەن باسقا, تارازى مەن قوماقتى سومانى تەركٸلەدٸ. ايتا كەتەيٸك, گەرويننٸڭ اسا ٸرٸ مٶلشەرٸ 1 گراممدى قۇرايدى. ال ونى ساقتاعانى ٷشٸن ٷش جىلدان جەتٸ جىلعا دەيٸن باس بوستاندىعىنان ايىرۋ جازاسى قاراستىرىلعان.
انىقتالعان بارلىق فاكتٸ بويىنشا قىلمىستىق ٸستەر قوزعالدى.
