دەنساۋلىق ساقتاۋ مينيسترلٸگٸ COVID-19-بەن بايلانىستى ٷستەماقى الىپ تاستاۋ ەرتە قابىلدانعان شارا دەپ ساناماي ما? بۇل سۇراققا قر دەنساۋلىق ساقتاۋ مينيسترٸ الەكسەي تسوي جاۋاپ بەردٸ, دەپ حابارلايدى قازاقپارات.
«سٸز COVID-19-بەن بايلانىستى ٷستەمە تٶلەمدەردٸ الىپ تاستاۋ ەرتە قابىلدانعان شارا دەپ سانامايسىز با? ٶيتكەنٸ ستاتسيوناردا ەم الىپ جاتقانداردىڭ سانى ەلٸ ازايا قويعان جوق قوي» - دەپ سۇرادى جۋرناليست وكق ٶتكەن باسپاسٶز مەسليحاتىندا.
«قوسىمشا تٶلەمدەر تۋرالى شەشٸم ينفەكتسييانىڭ باستاپقى كەزەڭٸندە مٷلدەم تٷسٸنٸكسٸز بولعان كەزدە قابىلداندى. نەگٸزٸنەن بۇل ەلدەگٸ تٶتەنشە جاعداي جارييالانعان كەزدە قابىلداندى. بۇل كەزەڭ بىلتىر ٶتتٸ. بٸراق بۇعان قاراماستان, مەملەكەت تٶلەم مەرزٸمٸن ۇزارتىپ وتىردى. بٸزدە سول كەزدە جەكە قورعانىس قۇرالدارى جەتٸسپەدٸ, دەرٸ-دەرمەكتەر تاپشى بولدى, جاڭا جابدىقتارمەن, اۋرۋحانالارمەن, اۋانى تازارتۋ جٷيەلەرٸمەن پروبلەمالار بولدى. وسىنىڭ بەرٸن بٸز سالدىق. ٶڭٸرلەردە جەدەل جەردەم قىزمەتٸن جابدىقتاپ, دەرٸ-دەرمەكتەرگە قاجەتتٸلٸكتٸ تولىق قامتاماسىز ەتتٸ. ەڭ باستىسى – بٸز بارلىق مەديتسينا قىزمەتكەرلەرٸن ۆاكتسينالادىق. ولاردىڭ 99%-ى ۆاكتسينالانعان. ياعني, قازٸر ولار قورعالعان. مەديتسينا قىزمەتكەرلەرٸنٸڭ قانداي دا بٸر قورعانىس مٷمكٸندٸگٸ بار. ول كەزدە ەشقانداي مٷمكٸندٸك بولمادى جەنە ۆاكتسينا بولمادى. بۇل تەڭدەسٸ جوق قولداۋ. بٸراق مەملەكەت باسشىسى مەملەكەتتٸڭ مٷمكٸندٸكتەرٸ تٷپسٸز ەمەس ەكەنٸن جەنە ىنتالاندىرۋدىڭ ٶزگە دە تەسٸلدەرٸ قاجەت ەكەنٸن اتاپ ٶتتٸ», - دەپ تٷسٸندٸردٸ مينيستر.
ول, سونداي-اق, دەرٸگەرلەردٸڭ جالاقىسى پاندەمييا ٶرشٸپ تۇرعان كەزدەگٸدەي بولماعانىمەن, قازٸرگٸ مٶلشەرٸ تۇراقتى اقتالاتىنىن اتادى.
«اگرەسسيۆتٸ جاعدايدا جۇمىس ٸستەيتٸن بارلىق مەديتسينا قىزمەتكەرلەرٸ قوسىمشا اقى الادى. ولاردىڭ ايلىعى سالادا بٸزدٸڭ ەرٸپتەستەرٸمٸزگە قاراعاندا جوعارى بولادى. بەلگٸلٸ بٸر كوەففيتسيەنتتەر بولادى. بٸزدە قالىپتاسقان تەسٸلدەر بار. مەسەلەن, بولاشاقتا مەديتسينا قىزمەتكەرلەرٸنٸڭ جالاقىسى 2,5 ەسەگە ارتادى. دەرٸگەرلەردٸڭ جالاقىسىنىڭ جالپى دەڭگەيٸ ورتاشا ەسەپپەن 500 مىڭعا جەتەدٸ. بۇل كەزەڭ-كەزەڭٸمەن جٷرگٸزٸلەدٸ جەنە جىل سايىن بٸز جالاقىنى 30%-دان كٶتەرەمٸز», - دەدٸ الەكسەي تسوي.
ۆەدومستۆو باسشىسى دەرٸگەرلەردٸڭ جالاقىسىن ۋاقتىلى يندەكستەۋ ۇسىنىلاتىنىن اتادى.
«ياعني, قاۋٸپتٸ ايماقتاردا جۇمىس ٸستەيتٸن دەرٸگەرلەر بٸزدە وسى سالادا جۇمىس ٸستەيتٸن دەرٸگەرلەردٸڭ ورتاشا جالاقىسىنان جوعارى بولادى. بۇل تۇراقتى شارا. بٸز قازٸر بٸر جىل بۇرىنعىدان گٶرٸ ۆيرۋسپەن كٷرەسكە دايىنبىز, جاڭا كادرلاردى دايىندادىق», - دەدٸ دەنساۋلىق ساقتاۋ مينيسترٸ.
