«ۇلتتىق عىلىمي كارديوحيرۋرگييا ورتالىعى» اق باسقارماسى تٶراعاسىنىڭ مٸندەتٸن اتقارۋشى ماحاببات بەكبوسىنوۆا كوروناۆيرۋسقا قارسى دەرٸلٸك پرەپاراتتاردى تەك دەرٸگەرلەر تاعايىنداۋى كەرەكتٸگٸن ايتتى, دەپ حابارلايدى قازاقپارات.
ونلاين رەجيمدە ٶتكەن باسپاسٶز مەسليحاتىندا ٸندەت تارالعان كەزدە كلينيكالىق حاتتامالارعا انتيكواگۋليانتتار ەنگٸزٸلگەنٸن, الايدا ەل حالقى وسى پرەپاراتتاردى دەرٸحانالاردان جاپپاي ساتىپ الۋعا تالپىنعانى ايتىلدى. «پرەپاراتتاردى ەشبٸر جٷيەسٸز تٷردە الۋدىڭ سالدارى قانداي بولادى?», - دەپ سۇرادى تٸلشٸلەر.
«دەرٸگەرلەر ەفيردە قانداي دا بٸر پرەپاراتتاردىڭ اتاۋىن جارييالاعانعا قارسىمىن. سەبەبٸ مۇنى حالىق دۇرىس قابىلدامايتىن جاعدايلار كەزدەسەدٸ. بٸزدٸڭ سۇحباتتارىمىزدى تىڭداپ الىپ, ادامدار دەرٸحاناعا بارىپ, پرەپاراتتاردى ساتىپ الادى. جالپى, دەرٸلٸك پرەپاراتتار تەك رەتسەپت بويىنشا ساتىلۋى كەرەك. ەرينە, ماۋسىم-شٸلدە ايلارىندا وبەكتيۆتٸ جاعداي بولدى, سول كەزدە ادامدار جاقىندارىنىڭ دەنساۋلىعى ٷشٸن جان-جاقتان دەرٸ ٸزدەدٸ. جاز كەزٸندە پرەپاراتتاردىڭ تاپشىلىعى سەزٸلگەن ەدٸ. دەگەنمەن, كەز كەلگەن دەرٸلٸك پرەپاراتتار تەك دەرٸگەردٸڭ رۇقساتىمەن بەرٸلگەنٸ دۇرىس», - دەدٸ م. بەكبوسىنوۆا.
ونىڭ سٶزٸنە قاراعاندا, كوروناۆيرۋستان ەمدەۋ كەزٸندە قاندى سۇيىلتاتىن پرەپاراتتاردىڭ تٷرلٸ ساناتتارى بار.
«ناۋقاس اسپيريننٸڭ ٷستٸنە انتيكواگۋليانتتاردى قابىلداعان جەنە بۇل جاعدايدا ادامدار مەديتسينالىق نۇسقاۋلاردى ەسكەرمەگەن. وسى ورايدا بٸزگە قان توقتاماۋدىڭ تٷرلٸ جاعدايىمەن پاتسيەنتتەر كەلٸپ جاتتى. ادامدار مەديتسينالىق مەكەمەگە جٷگٸنگەن كەزدە, وسىنىڭ سالدارىن تٷزەۋگە بولاتىنىن ايتقىم كەلەدٸ. ەگەر بۇل پرەپاراتتاردى ەشبٸر قاداعالاۋسىز قابىلداي بەرسە, وندا ٶلٸم جاعدايىنا دا الىپ كەلۋٸ مٷمكٸن», - دەدٸ دەرٸگەر.
