الماتىلىق كەسٸپكەر, مەسليحات دەپۋتاتى قايرات قۇدايبەرگەن اعاش تٷبٸنەن تابىلعان بالانىڭ جاعدايىن بٸلۋگە اۋرۋحاناعا بارىپ, دەرٸگەرلەرمەن كەزدەستٸ, دەپ حابارلايدى قازاقپارات تٸلشٸسٸ.
بەلگٸلٸ بيزنەسمەن بۇل تۋرالى فەيسبۋكتەگٸ پاراقشاسىندا جازدى.
«بٷگٸن تاڭەرتەڭ ساعات 9-دا قالالىق بالالار شۇعىل مەديتسينالىق جەردەم ورتالىعىنا بارىپ, بەلگٸسٸز بٸرەۋلەر كٶلٸكپەن سوعىپ, تال تٷبٸنە تاستاپ كەتكەن 4 جاستاعى دٸنمۇحاممەدتٸڭ جاعدايىن بٸلدٸم. اتا-اناسىمەن كەزدەستٸم. اۋرۋحانانىڭ باس دەرٸگەرٸ اباي زٸكٸريياۇلى قۇسايىنوۆ تولىق اقپارات ايتتى. دٸنمۇحامەدتٸڭ ٶمٸرٸ ٷشٸن بٸلٸكتٸ دەرٸگەرلەر بارىن سالۋدا. كەشە بالا ٷشٸنشٸ دەرەجەدەگٸ كومادا بولعان, قازٸر ەكٸنشٸ دەرەجەگە شىقتى. الدا ەڭ قيىن 3,5,7-تەۋلٸكتەر كەلە جاتىر. سوققىدان بالانىڭ ساماي سٷيەگٸ ٸشكە كٸرٸپ كەتكەن. دەرٸگەرلەر ۇيىعان قان مەن سٷيەك جارىقشاقتارىن تازالادى. بٸراق سوققىدان سوڭ بالانىڭ ميى ٸسٸنە باستادى. بۇل - ەڭ ٷلكەن قاۋٸپ. دەرٸگەرلەر بارىن سالىپ جاتىر. قاجەتتٸ دەرٸلەر جەتكٸلٸكتٸ. بٸراق جاعداي ٶتە اۋىر...», - دەدٸ ول.
ايتا كەتۋ كەرەك, جانتٷرشٸگەرلٸك وقيعا كەشە شىعىس اينالما جولىنا جاقىن بريانسكايا كٶشەسٸندە بولعان. 4 جاستاعى بالانى كٶلٸك قاعىپ, اعاش تٷبٸنە قالدىرىپ كەتكەن.
اتا-اناسى بٸرنەشە مينۋت ٶتكەن سوڭ عانا بالانى جٷزدەگەن مەتر قاشىقتان تاۋىپ العان.
الماتى پوليتسيياسى بالانى سوققانداردى ٸزدەستٸرٸپ جاتىر. قازٸر بۇل ٸسپەن مەدەۋ اۋداندىق ٸٸب جانىنداعى پوليتسييا بٶلٸمٸ اينالىسۋدا.
