پارلامەنت سەناتىنىڭ جالپى وتىرىسىندا دەپۋتات نۇرتٶرە جٷسٸپ مەديتسينا سالاسى ماماندارىن دايارلاۋداعى پروبلەمالاردى كٶتەردٸ, دەپ حابارلايدى "ۇلت اقپارات".
«قازٸرگٸ تاڭدا قازاقستاندا 230 مىڭ مەديتسينا قىزمەتكەرٸ بار, ونىڭ ٸشٸندە 70 مىڭ دەرٸگەر, 160 مىڭنان استام ورتا مەديتسينا پەرسونالى جۇمىس ٸستەيدٸ. ەلەم ٶزگەردٸ: جاڭا تەحنولوگييا تەز دامىپ جاتىر, سوعان سەيكەس قوعامنىڭ دا سۇرانىس تالابى ارتىپ وتىر. مىڭداعان بٸلٸكتٸ دەرٸگەر حالقىمىزدىڭ دەنساۋلىعىن كٸرپٸك قاقپاي كٷزەتٸپ تۇرعانىن دا ايتۋىمىز كەرەك. بٸراق وسى زامانعى اپپاراتۋراسى بار ەڭ جاقسى ماتەريالدىق-تەحنيكالىق بازا دەگەنٸڭٸز كەسٸبي ماماندارسىز, ادام فاكتورىنسىز قۇر ەشەيٸن تەمٸر عانا بولىپ قالماق. ٸس جٷزٸندە ونىمەن جۇمىس ٸستەيتٸن مىقتى مامان تابىلا بەرمەيدٸ. كٷندەلٸكتٸ ٶمٸردە ناۋقاس ادامدى ەمدەۋدەن بۇرىن دياگنوزدى دەل قويۋ مەسەلەسٸنٸڭ ٶتكٸر تۇرعاندىعىن كٶرٸپ جٷرمٸز. دياگنوز دۇرىس قويىلماعاندىقتان ونىڭ ارتى قانشاما قايعىلى جاعدايعا دۋشار ەتۋدە», - دەدٸ سەناتور قر ٷكٸمەت باسشىسىنىڭ ورىنباسارى بەردٸبەك ساپارباەۆتىڭ اتىنا جولداعان دەپۋتاتتىق ساۋالىندا.
ونىڭ ايتۋىنشا, جىل سايىن مەديتسينا سالاسىنا جوعارى وقۋ ورىندارىن بٸتٸرگەن جٷزدەگەن جاس مامان كەلەدٸ. سولاردىڭ كٶبٸسٸنٸڭ قاجەتتٸ بٸلٸمٸ مەن داعدىسى, دەرٸگەرلٸك ماشىعى ناشار.
«ولاردىڭ كٶبٸسٸ دەربەس جۇمىس ٸستەۋگە ەزٸر بولماي شىعادى, وپەراتسييا ستولىندا بٸر سەت تۇرىپ كٶرمەگەن, وزىق تەحنيكامەن جۇمىس ٸستەۋدٸ بٸلمەيتٸن تەجٸريبەسٸز ماماننان نە كٷتۋگە بولادى? تٸپتٸ ينەنٸڭ ٶزٸن دۇرىس شانشي المايتىندار كەزدەسەدٸ. سەبەپسٸز سالدار بولمايدى.تيٸستٸ سالاعا ماماندانباعان جوعارى وقۋ ورىندارىندا دەرٸگەرلەردٸ دايارلاۋ ٸسٸنە جول بەرٸپ وتىرمىز. ەلدەگٸ بٸرقاتار پەداگوگيكالىق, جەكەمەنشٸك ۋنيۆەرسيتەتتەر دەرٸگەر كادرلارىن وقىتۋعا كٶشتٸ. باسقا سالادا ەكسپەريمەنت جاساۋعا بولاتىن شىعار, بٸراق دەل مەديتسينا سالاسىندا مۇنداي ەكسپەريمەنت جاساۋعا بولمايدى. دەرٸگەرلەردٸ تەك قانا وسى سالاعا باعدارلانعان, تەرەڭ تاريحى مەن زاماناۋي مٷمكٸندٸگٸ زور, بۇرىننان قالىپتاسقان ۋنيۆەرسيتەتتەردە عانا وقىتۋ قاجەت دەپ ەسەپتەيمٸن», - دەدٸ ن. جٷسٸپ.
وسى ورايدا دەپۋتات پروفيلدٸ ەمەس جوعارى وقۋ ورىندارىنىڭ جانىنان مەديتسينا فاكۋلتەتتەرٸن اشۋدىڭ قانداي قاجەتتٸگٸ بار ەكەندٸگٸن سۇرادى.
«مۇنداي فاكۋلتەتتەردٸڭ كلينيكالىق, قارجىلىق, ۇيىمداستىرۋشىلىق مٷمكٸندٸكتەرٸ قانشالىقتى? «كادر تاپشىلىعىن جويامىز» دەپ جٷرٸپ, بٸلٸكسٸز كادرلار قاپتاپ كەتسە, كٷنٸ ەرتەڭ كٸم جاۋاپ بەرەدٸ?», - دەدٸ سەناتور.
