كوروناۆيرۋسقا قارسى رەۆاكتسيناتسييانىڭ الدىندا انتيدەنەگە تەست تاپسىرۋدىڭ قاجەت جوق. بۇل تۋرالى بريفينگ بارىسىندا الماتى قالاسى قوعامدىق دەنساۋلىق باسقارماسىنىڭ ورتالىق قالالىق كلينيكالىق اۋرۋحاناسى ديرەكتورىنىڭ ورىنباسارى ەلۆيرا يبراگيموۆا ايتتى, دەپ حابارلايدى قازاقپارات.
ونىڭ ايتۋىنشا, رەۆاكتسيناتسييانىڭ مەرزٸمٸ كەلگەندە انتيدەنە تالداۋىنسىز-اق, قايتا ەكپە الۋعا بولادى.
«ەگەر ادامدار تالداۋ جاساتقىسى كەلسە, وعان ەش قارسىلىق جوق. بٸراق بۇل ۆاكتسيناتسييادان باس تارتۋعا سەبەپ بولا المايدى. سوندىقتان بۇل جەردە انتيدەنەلەردٸڭ دەڭگەيٸ ماڭىزدى ەمەس. ۆاكتسينانىڭ ەكٸ كومپونەنتٸن الىپ, ۋاقىت ٶتە كەلە انتيدەنە جوق ەكەنٸن كٶرگەن ازاماتتارعا قايتا ۆاكتسينا الۋدى ۇسىنامىز», - دەدٸ سپيكەر.
