الماتىدا Pfizer ۆاكتسيناسىن الۋعا نيەت بٸلدٸرۋشٸلەر كٶپ. بۇل تۋرالى №7 ەمحانانىڭ باس دەرٸگەرٸنٸڭ ورىنباسارى نۇربول جۇمابەكوۆ بريفينگ بارىسىندا ايتتى, دەپ حابارلايدى قازاقپارات.
سپيكەردٸڭ سٶزٸنشە, الماتىدا كٷن سايىن 132 ۆاكتسيناتسييا پۋنكتٸ, ونىڭ ٸشٸندە №7 قالالىق ەمحانانىڭ ەكپە سالۋ بٶلمەسٸ جۇمىس ٸستەيدٸ.
«بٸز ۆاكتسينالاۋدىڭ جاقسى قارقىنىنا جەتتٸك. جالپى, جاسٶسپٸرٸمدەردٸڭ, جٷكتٸ ەيەلدەر مەن بالا ەمٸزەتٸن انالاردىڭ بەلسەندٸلٸگٸ قۋانتادى. ناۋقان باستالعاننان بەرٸ بٸزدٸڭ ەمحانادا 324 ادام ەكپە الدى, ونىڭ ٸشٸندە 11 جٷكتٸ ەيەل, 31 بالا ەمٸزەتٸن انا 282 جاسٶسپٸرٸم بار. بٸز «كوميرناتي» Pfizer پرەپاراتىنىڭ تيٸمدٸلٸگٸ 95%-دى قۇرايتىنىن ايتىپ وتىرمىز», - دەدٸ نۇربول جۇمابەكوۆ.
سونىمەن قاتار, ول الماتىنىڭ بوستاندىق اۋدانىنا بارلىعى Pfizer ٶندٸرگەن ۆاكتسينانىڭ 2 016 دوزاسى بٶلٸنگەنٸن, قازٸردٸڭ ٶزٸندە 1 386 ادام ەگٸلگەنٸن ايتتى.
«ەربٸر ەگۋ پۋنكتٸندە قاۋٸپسٸزدٸكتٸڭ قاتاڭ نورمالارى, اتاپ ايتقاندا تەمپەراتۋرالىق رەجيم ساقتالادى. ۆاكتسينا العان كەزدە بٸرٸنشٸ كەزەكتە پاتسيەنتتٸ تەكسەرۋ جٷزەگە اسىرىلادى, ونىڭ بارىسىندا انامنەز الىنادى. سونداي-اق, دەرٸگەرلەر ٶتكەن اۋرۋلار تۋرالى سۇرايدى.تەمپەراتۋرانى, قىسىمدى ٶلشەۋ, جۇتقىنشاقتى تەكسەرۋ تٸكەلەي جٷرگٸزٸلەدٸ. سونىمەن قاتار, دەرٸگەرلەر ۆاكتسينالانعان ادامعا نەمەسە ونىڭ اتا-اناسىنا ساۋالناما جٷرگٸزەدٸ. ال جٷكتٸ ەيەلدەردٸ ۆاكتسيناتسييالاۋ كەزٸندە مەرزٸمدەردٸ بەلگٸلەۋ قاجەت», - دەيدٸ دەرٸگەر.
سپيكەر «كوميرناتيدٸڭ» بٸر قۇتىسى 6 ادامعا ەسەپتەلگەنٸن جەنە التى ساعاتتان اسپاۋ كەرەك ەكەنٸن ەسكە سالدى.
نۇربول جۇمابەكوۆ ۆاكتسيناتسيياعا تٸركەۋ ورنى ارقىلى الدىن الا جازىلۋعا كەڭەس بەردٸ.
№7 ەمحانانىڭ باس دەرٸگەرٸنٸڭ ورىنباسارى ۆاكتسينالاۋ ناۋقانى باستالعاننان بەرٸ ۆاكتسينالانعانداردىڭ اراسىندا 1-2 كٷن ٸشٸندە ينەكتسييا ورنىندا تەمپەراتۋرانىڭ شامالى كٶتەرٸلۋٸ مەن اۋىرسىنۋدى قوسپاعاندا, ەلەۋلٸ جاناما ەسەرلەر بايقالماعانىن ايتتى.
«ينەكتسييا سالىنعان جەرگە ٷش كٷن بويى سۋ تيگٸزۋگە جەنە فيزيكالىق بەلسەندٸلٸك تانىتۋعا, ۆانناعا تٷسۋگە بولمايدى. ەگەر جايسىز سەزٸنۋ بايقالسا ٶز دەرٸگەرٸڭٸزگە نەمەسە ەكپە سالعان دەرٸگەرگە حابارلاسقان جٶن», - دەيدٸ ول.
