مەملەكەتتٸك ورگانداردىڭ باسپاسٶز قىزمەتتەرٸنٸڭ جۇمىسىندا كەمشٸلٸكتەر بار. بۇل تۋرالى بٷگٸن «Jas qalam» فورۋمىنىڭ اشىلۋىندا قر پارلامەنتٸ سەناتىنىڭ دەپۋتاتى, قر تۇڭعىش پرەزيدەنتٸ قورىنىڭ ديرەكتورى داريعا نازارباەۆا ايتتى, دەپ حابارلايدى قازاقپارات تٸلشٸسٸ.
«ەربٸر مينيسترلٸكتٸڭ, ەكٸمدٸكتٸڭ جانىندا باسپاسٶز قىزمەتتٸ بار. بٸراق, ٶكٸنٸشكە وراي كەسٸبي داعدىلارى جەتكٸلٸكسٸز نەمەسە ۋاقىتتارى جەتە بەرمەيدٸ. بۇل جۇمىستارعا قازٸر ٷش دەنە باعا قويۋعا بولادى, ونداي پروبلەما بار. تەلەديدار الدىندا وتىرعان قاراپايىم كٶرەرمەن مينيستر دەۆالۆاتسييا, ينفلياتسييا, نارىقتاعى قۇبىلمالىلىق, تارگەتتەۋ جايىندا ايتىپ جاتسا نە تٷسٸنە الادى? مۇنىڭ بارلىعى دا شەتەلدٸك سەندٸ ەدەمٸ سٶزدەرٸ», - دەدٸ فورۋم اياسىندا باق ٶكٸلدەرٸنە سۇحبات بەرگەن سەناتور.
ونىڭ ايتۋىنشا, مۇنداي كەسٸبي تٸل شاعىن اۋديتورييامەن جۇمىس ٸستەگەن كەزدە قاجەت.
«بٸراق, دەرٸگەر, مۇعالٸم, زەينەتكەر, مەكتەپ وقۋشىسى, ستۋدەنت بار كەڭ اۋديتورييامەن باسقا تٸلدە سٶيلەسكەن جٶن», - دەدٸ داريعا نازارباەۆا.
سونىمەن قاتار ول پارلامەنتكە كەلەتٸن كەيبٸر شەنەۋنٸكتەردٸڭ زاڭدى قاراپايىم تٸلمەن تٷسٸنٸكتٸ جەتكٸزە المايتىندىعىن دا باسا ايتتى.
بۇعان دەيٸن حابارلاعانىمىزداي, داريعا نازارباەۆا قازٸرگٸ تاڭدا جۋرناليستيكا كٶپ قىزىعۋشىلىق تانىتىلاتىن ماماندىقتاردىڭ بٸرٸ ەكەندٸگٸن ايتقان بولاتىن.
سونداي-اق ول بٷگٸنگٸ جۋرناليستەر شەنەۋنٸكتەردٸڭ «قۇس تٸلٸن» جالپى بۇقاراعا جەتكٸزە بٸلۋلەرٸ كەرەكتٸگٸن اتاپ ٶتتٸ.
ايتا كەتەيٸك, قازاقستاندىق جۋرناليستيكانى دامىتۋعا جاس جۋرناليستەردٸڭ كەسٸبي بٸلٸكتٸلٸگٸن ارتتىرۋعا باعىتتالعان كەڭ اۋقىمدى «Jas qalam» جوباسىنا 100-دەن استام جۋرناليست قاتىسۋدا. ولاردىڭ قاتارىندا جۋرناليستەرمەن قاتار جۋرناليستيكا فاكۋلتەتٸنٸڭ ستۋدەنتتەرٸ, سونداي-اق بۇقارالىق اقپارات قۇرالدارىنا قىزىعۋشىلىق تانىتاتىن جاستار دا بار.
