پارلامەنت سەناتىنىڭ دەپۋتاتى داريعا نازارباەۆا جۋرناليستەردٸڭ ٸس-شاراعا قاتىسۋ تەرتٸبٸن قاتاڭداتاتىن ٷكٸمەت جوسپارىنا بايلانىستى پٸكٸرٸن بٸلدٸردٸ. نازارباەۆا جۋرناليستكە اككرەديتاتسييا بەرۋ تەرتٸبٸ تۋرالى بۇيرىققا ەنگٸزٸلمەك ٶزگەرٸستەر جوباسىمەن ەلٸ تانىسىپ ٷلگەرمەگەنٸن, بٸراق ونى قاراپ شىعاتىنىن ايتتى, دەپ حابارلايدى "ۇلت اقپارات".
"الدىن الا بايبالام سالۋدىڭ كەرەگٸ جوق" دەدٸ ول باق ٶكٸلدەرٸنە. جۋرناليستەر ٷكٸمەت بىلتىر باق تۋرالى زاڭعا "باسپاسٶز قۇرالدارىنىڭ جاعدايىن قيىنداتاتىن" ٶزگەرٸستەر ەنگٸزگەننەن كەيٸن الاڭداۋشىلىققا نەگٸز بارىن ايتتى. داريعا نازارباەۆا سەلقوستىق تانىتتىڭدار دەپ جۋرناليستەردٸڭ ٶزٸن كٸنەلادى.
- قازٸرگٸ زاماندا جۋرناليستەردٸڭ اۋزىن جابۋعا بولمايدى. قازٸر ينتەرنەت ارقىلى سٶزٸن اشىق ايتۋعا بٸرتالاي مٷمكٸنشٸلٸكتەر بار. ەرينە, جۋرناليستەر ەلدٸڭ مٷددەسٸن قورعاپ, ولاردىڭ پٸكٸرٸن ٷكٸمەتكە دە, قوعامعا دا جەتكٸزەدٸ. ال ەندٸ [باق تۋرالى] زاڭدى ايتىپ جاتىرسىزدار, كەزٸندە زاڭدى تالقىلاعاندا جۋرناليستەر بٸزدٸڭ جۇمىس توپتارىنا كەلٸپ ٶز پٸكٸرٸن ايتقان جوق, تىم-تىرىس قالدى. ال ەندٸ قازٸر جۋرناليستەرگە ٶتە مىقتى قوعام كەرەك... قۇقىقتارىڭدى قورعاۋ ٷشٸن كٷرەسۋدٸ ٷيرەنٸڭدەرشٸ, ٸس بٸتكەننەن كەيٸن ويبايلاماي, - دەدٸ نازارباەۆا.
ول جۋرناليستەردٸڭ جۇمىسىنا قاتىستى ٷكٸمەت بۇيرىعىنا ٶزگەرٸستەر ەنگٸزۋ مەسەلەسٸنە الداعى اپتادا قايتا ورالاتىنىن ايتتى.
جۋرناليستەردٸ ٸس-شارالارعا قاتىستىرۋ ەرەجەسٸن قاتاڭداتۋدى كٶزدەيتٸن ٷكٸمەت بۇيرىعىنىڭ جوباسى نورماتيۆتٸك قۇقىقتىق اكتٸلەردٸڭ ەلەكتروندىق بازاسىندا 13 اقپاندا جارييالاندى. جوبادا "جيىن, وتىرىستار مەن باسقا دا ٸس-شارالار ٶتەتٸن عيماراتتا جۋرناليستەردٸ ورنالاستىرۋ مٷمكٸندٸگٸ بولماعان جاعدايدا مەكەمە جۋرناليستٸ تٸركەۋدەن باس تارتۋى مٷمكٸن" دەگەن باپ بار. جۋرناليست تٸركەۋ تۋرالى ٶتٸنٸشٸنە اككرەديتاتسييا بەرۋشٸ مەكەمەنٸڭ ٸشكٸ تەرتٸبٸن جەنە مودەراتور بەلگٸلەگەن رەگلامەنتتٸ ساقتاۋعا جازباشا كەلٸسٸمٸن جەنە جۋرناليست پەن باق اراسىنداعى كەلٸسٸم-شارتتىق قارىم-قاتىناستىڭ بارىن راستايتىن قۇجات كٶشٸرمەسٸن قوسىپ ۇسىنۋى تيٸس دەلٸنگەن. جۋرناليستٸ تٸركەۋدەن باس تارتۋعا نەگٸز بولاتىن سەبەپتەر كٶبەيگەن.
قازاقستاندىق كەي جۋرناليستەر ٷكٸمەتتٸڭ بۇل جوباسىنا الاڭداۋشىلىق بٸلدٸردٸ. قازاقستان جۋرناليستەرٸ وداعىنىڭ جەتەكشٸسٸ سەيٸتقازى ماتاەۆ جوبانى تالاپتارى اقىلعا سيمايتىن ەرٸ ازاماتتىق جۋرناليستيكانى جويۋعا نەگٸز بولاتىن قۇجات دەپ سىنادى.
