دەرٸباەۆتار وتباسىلىق انسامبلٸنٸڭ نەگٸزٸن قالاۋشى يبراگيم دەرٸباەۆ 65 جاسىندا دٷنيەدەن وزعانى حابارلاندى. تەۋەلسٸزدٸكتٸڭ العاشقى جىلدارى قۇرىلعان دەرٸباەۆتار انسامبلٸ اۋمالى-تٶكپەلٸ زاماندا حالىقتىڭ جانىنا مەدەۋ بولىپ, توي-دۋماندا قازاق ەندەرٸنە جاڭا لەپ ەكەلگەن ەدٸ. Ult.kz يبراگيم دەرٸباەۆتىڭ باق بەتتەرٸنە بەرگەن سۇحباتتارىنا ٷڭٸلدٸ.
بالالىق شاعى تۋرالى
انام اقباستاۋدا مەكتەپ ديرەكتورى بولاتىن. سودان جازدا مەكتەپتەگٸ بٷكٸل اسپاپتاردى ٷيگە ەكەپ قوياتىن. بايان, اككوردەون, گيتارا, ماندالين بولاتىن, بەرٸن تارتىپ كٶرەتٸنمٸن. 7-سىنىپ وقىپ جٷرگەندە ۆوكالدى اسپاپتار انسامبلٸنە قابىلداندىم, سول كەزدە باس گيتارا - بٸر, سولو گيتارا - بٸر, بارابان بار, ورگان بولاتىنىن بٸلدٸم. رەپەتيتسييا كەزٸندە انانى بٸر تٷرتەمٸز, مىنانى بٸر تٷرتٸپ, سٶيتٸپ جٷرٸپ ٷيرەندٸك.
بالا كەزٸمٸز 60-70 جىلدارعا تۋرا كەلدٸ. اۋىلدا تۇرمىستىق جاعداي ونشا بولمادى. بٸراق بايان ەپەرسە دەپ ارماندايتىنمىن. سىنىپتاستارىم ۆەلوسيپەد ارمانداسا, مەن باياندى ارماندايتىنمىن. بايان 120 سوم تۇرادى, وعان ەكە-شەشەمنٸڭ ەپەرۋگە جاعدايى جوق. اۋىلدىڭ تٶمەن جاعىندا اعابەك دەگەن اعام بولاتىن مەدەنيەت ينستيتۋتىندا وقيتىن. سول كٸسٸ ٷيٸندە بولماعاندا اپامىزدان بايانىن سۇراپ الىپ, سول كٸسٸلەردٸڭ ەسٸگٸنٸن الدىندا ويناپ ٷيرەنەتٸنمٸن. قازٸر 8 اسپاپتا وينايمىن.
ەيەلٸمەن تانىستىعى تۋرالى
قىلشىلداپ تۇرعان جاس كەزٸم. Cول جىلدارى بٸرنەشە ۆوكالدى-اسپاپتى انسامبلدەر قۇرۋعا ۇيىتقى بولعانىممەن, بٸرٸنەن كەيٸن بٸرٸ سەتسٸزدٸكتەرگە ۇلاسىپ, تاراپ تىندى. «جىعىلعان كٷرەسكە تويماسى» بەلگٸلٸ. جاستىق جٸگەرٸمدٸ جاسىتپاي تاعى دا تەۋەكەلگە بەل بۋىپ, شىمكەنت قالاسىنداعى فوسفورشىلار مەدەنيەت ٷيٸ اياسىندا «راۋان» اتتى ۆوكالدى-اسپاپتى انسامبلدٸڭ نەگٸزٸن قالادىم. جاڭا انسامبلگە تالانتتى ەنشٸ قىز-جٸگٸتتەردٸ ٸزدەستٸرٸپ جاتقانىمىزدى جان-جاقتان ەستٸگەندەردٸڭ تالايى باقتارىن سىناپ كٶردٸ. سونىڭ بٸرٸ جۇمىس ٸزدەپ كەلٸپ جۇبايىما اينالعان ەلييا ەدٸ.
قازاقتىڭ قاراپايىم قىزى ەلييا مەنٸ جٸبەكتەي مٸنەزٸمەن, تۇراقتىلىعىمەن, ەسەم داۋىسىمەن بٸردەن باۋراپ الدى. جاستىقتىڭ جالىنىمەن ٶلٸپ-ٶشٸپ ٶرتەنٸپ كەتە جازداپ عاشىق بولدىم. «سوفييا روتارۋدىڭ كٷيەۋٸ انسامبلدٸڭ جەتەكشٸسٸ عوي. ماعان تۇرمىسقا شىقساڭ روتارۋعا ۇقساپ قۇداي قوسقان جارىڭمەن بٸر انسامبلدە ەن شىرقاپ جٷرەسٸڭ»,- دەپ قالجىڭداپ, سەزٸمٸمدٸ بٸلدٸرٸپ جٷردٸم. ٶمٸر بولعان سوڭ ٶنەردٸ دامىتۋدا ەر الۋان قيىنشىلىقتاردىڭ كەزدەسەتٸنٸ زاڭدى. «راۋان» انسامبلٸنٸڭ قۇرامىنداعى قىز-جٸگٸتتەردٸڭ كٶبٸسٸ سوعان تٶزٸمدٸلٸك تانىتپاي ۋاقىت ٶتە كەلە جان-جاققا شاشىراپ كەتتٸ. سونداي سىن ساعاتتا جانىمدا ەلييا عانا تۇراقتاپ قالدى. وعان «ٶمٸردٸڭ قيىنشىلىقتارىن دا, قۋانىشتارىن دا بٸرگە كٶرەيٸك» دەپ سٶز سالدىم. اعاسىنا جولىعىپ, ەكەۋمٸز ٶمٸرلٸك سەرٸك بولۋعا سٶز بايلاسقانىمىزدى ايتقاندا «قازاقتىڭ سالتىمەن قىزدى ۇزاتايىق» دەدٸ. ونى كٷتەتٸن مەن بە, قىز ۇزاتۋ سالتى ۇزاق مەرزٸمگە سوزىلىپ كەتەتٸندٸكتەن ايلاعا كٶشتٸم. سٶيتٸپ سول كەزەڭدەردە جٸگٸتتەردٸڭ مەرەكەسٸ سانالاتىن 23 اقپان كٷنٸ (سوۆەت ارميياسى كٷنٸ) سٷيگەن قىزىمدى الىپ قاشتىم. «وڭتٷستٸك قازاقستان» گازەتٸندەگٸ جۋرناليست ٶسكەنباي ەمزەەۆ اعامىزدىڭ «ۆولگاسىمەن» اۋىلعا كەلٸنشەك ەكەلدٸك, دۋمانداتىپ بەتاشار توي جاسادىق. اۋىلداعى قۇرداستارىمنىڭ اراسىندا العاشقى بولىپ وتاۋ تٸكتٸم. بۇل 1980 جىلى كسرو تاريحىنداعى وليمپيادا ويىندارى ٶتكەن ەرەكشە جىل ەدٸ.
دەرٸباەۆتار انسامبلٸ مەن بالالارى تۋرالى
قانشا انسامل قۇرسام دا, ەنشٸلەر مەن مۋزىكانتتار تاراپ كەتٸپ جاتتى. قىزدار تۇرمىسقا شىعىپ كەتەدٸ, جٸگٸتتەر ەسكەرگە كەتەدٸ. سٶيتٸپ جٷرگەندە ٶز وتباسىممەن انسامبل قۇرۋدى شەشتٸم. ول كەزدە رەسەيدە "گرۋپپا ستاسا نامينا" دەگەن توپ بولاتىن. "يبراگيم" توبى دەيٸن دەسەم, حالىق قابىلدامايتىن سيياقتى كٶرٸندٸ. سول كەزدەرٸ شىمكەنتتە وتباسىلىق انساملدەر كونكۋرسى بولاتىن. سوعان دەرٸباەۆتار انسامبلٸ دەپ بٸر جىلداي دايىندالىپ جٷرٸپ, قاتىسىپ, جەڭٸمپاز اتاندىق. وسىلايشا, ەيەلٸم ەلييا ەكەۋمٸز انساملدٸ باستاپ كەتتٸك. باسىندا ٸنٸلەرٸم دە توپ مٷشەسٸ بولاتىن.
ٷلكەن ۇلىم سەكەن اتا-ەجەسٸنٸڭ بالاسى بولىپ ٶستٸ. ودان كەيٸن مەرۋەرت پەن گٷلدەن دٷنيەگە كەلدٸ. بٸراز جىلدان سوڭ اييا قىزىمىز جارىق دٷنيە ەسٸگٸن اشتى.
ۇجىمداعى جۇمىس تۋرالى
بٸز تەك وتباسى عانا ەمەس, ٷلكەن شىعارماشىلىق ۇجىمبىز. بٸزدٸڭ بٸر ماقساتتا ەڭبەك ەتٸپ, اۋىزبٸرشٸلٸگٸمٸزدٸڭ اجىراماۋى وسى ۇجىمدىق تەرتٸپتە جاتىر. اي سايىن وتباسىمدى, ۇجىمىمدى جيناپ جينالىس ٶتكٸزٸپ تۇرامىن. كٸمنٸڭ قانداي ويى بار, شىعارماشىلىق يدەياسى بار. بارلىعىن ورتاعا سالىپ, تالقىلاپ وتىرامىز. مەن بالالارىمنان سىرتتا ماعان جەتەكشٸ رەتٸندە قاراۋىن تالاپ ەتٸپ, قاتاڭىراق بولسام, ٷيدە بارىنشا مەيٸرٸمدٸ بولۋعا تىرىسامىن.
