سىبايلاس جەمقورلىققا قارسى ٸس-قيمىل اگەنتتٸگٸنٸڭ Facebook-تەگٸ تٸكەلەي ەفيرٸندە رەسپۋبليكالىق ارنايى مونيتورينگ توبى تٶراعاسىنىڭ ورىنباسارى, قازاقستان بالالار ٷيٸنٸڭ تٷلەكتەرٸ قاۋىمداستىعىنىڭ پرەزيدەنتٸ رافاەل گاسانوۆ مونيتورينگ توبى بەتپە-بەت كەلگەن پروبلەمالار تۋرالى ايتىپ بەردٸ, دەپ حابارلايدى قازاقپارات.
«پروبلەما بار. كەيدە ۇزاق ۋاقىت بويى شەشٸلمەگەن تٷيٸندٸ مەسەلە وسىنداي قيىن جاعدايدا رەتتەلٸپ كەتەدٸ. قازٸر بٸزدٸڭ ارنايى مونيتورينگ توبىنىڭ مٷشەلەرٸنٸڭ كٷشٸ دەرٸ-دەرمەككە, ونىڭ جەتكٸزٸلۋٸنە, قىمباتتاتىپ ساتىلۋى مەسەلەلەرٸن شەشۋگە باعىتتالعان. مەسەلەنٸڭ كٶپتٸگٸ سونشالىق, ولار تۋرالى ايتقىم دا كەلمەيدٸ. بٸرٸنشٸ جاعداي - دەرٸ-دەرمەكتٸڭ دەرٸحانالارعا جەتكٸزٸلمەۋٸنە بايلانىستى. دەرٸحانالارعا باردىق, بەرٸن تەكسەردٸك. سودان كەيٸن ەكٸنشٸ قادامعا بارىپ, قويمالاردى قارادىق. ادامدارمەن سٶيلەسە بٸلۋ كەرەك, اقپاراتتىق الماسۋ جٷرگٸزٸلۋٸ تيٸس. ەرٸپتەستەرٸمٸزبەن وسى تاقىرىپتا ۇزاق ەڭگٸمەلەستٸك. دەرٸ-دەرمەكتٸ ساتىپ الۋ تۋرالى ٶتٸنٸشتەر «سك-فارماتسيياعا» تٷسٸپ جاتقان. باسقا مەسەلە: بۇل ٶتٸنٸمدەر بويىنشا جۇمىس قالاي جٷرگٸزٸلگەن? نەلٸكتەن ٶتٸنٸمدٸ «سك-فارماتسييا» العان دا, ٷش ايدان كەيٸن عانا مەسەلە پىسىقتالعان? دەرٸحاناعا دەرٸ-دەرمەك الۋعا كەلگەن ادامدى ٶتٸنٸشتٸڭ قاشان بەرٸلگەنٸ قىزىقتىرمايدى. ول ٷشٸن ەڭ باستىسى - دەرٸ-دەرمەك الۋ. كەي فارماتسەۆتيكالىق دەرٸحانالار ازاماتتاردىڭ بۇل ويىمەن كەلٸسپەدٸ. تٸپتٸ كەي جاعدايدا بٸز كەلگەندە ولار دەرٸحانالارعا كٸرگٸزبەدٸ دە. بەرٸ بٸزدٸ جانجال شىعارعىسى كەلەتٸندەر رەتٸندە كٶردٸ. الايدا بۇل - ٸس جٷزٸندە ولاي ەمەس. قازٸر الماتىدا دەرٸ-دەرمەكتٸ تۇراقتاندىرۋ قورىن قۇرۋ ٷشٸن 5 ميلليارد تەڭگە قاجەت. سوندىقتان تاپشىلىق ازداپ سەزٸلمەيدٸ», - دەدٸ رافاەل گاسانوۆ.
ەڭگٸمە بارىسىندا ول شەت قالماعان ۆولونتەرلەرگە العىسىن ايتتى.
«گرانت العانىمەن, كٶمەككە قۇلاق اسپاعان مەديتسينالىق ۋنيۆەرسيتەتتەر بار. ولاردى وسى گرانتتاردان ايىرۋ كەرەك دەپ ويلايمىز. مەن تٸپتٸ س.د. اسفەنديياروۆ اتىنداعى قازاق ۇلتتىق مەديتسينالىق ۋنيۆەرسيتەتٸنٸڭ رەكتورىن دا بٸلمەيمٸن. بٸراق مەن وسى ۋنيۆەرسيتەتتٸڭ ستۋدەنتتەرٸن جاقسى بٸلەمٸن. ولار كٶمەكتەسۋگە ەرٸكتٸ رەتٸندە كەلدٸ. كەيبٸرەۋٸ - بٸزدٸڭ باقىلاۋ توبىمىزدىڭ مٷشەلەرٸ. ولار بارىنشا تىرىسىپ جاتىر. بٸز الماتى ەكٸمٸنٸڭ ورىنباسارلارىنان وسى ەرٸكتٸلەردٸ مٷمكٸندٸگٸنشە قورعاۋدى سۇرادىق, ٶيتكەنٸ ولار دەرٸگەرلەر مەن پوليتسەيلەرمەن بٸر مايداندا جٷر», - دەدٸ سپيكەر.
