قر پرەمەر-مينيسترٸنٸڭ ورىنباسارى بەردٸبەك ساپارباەۆ باسقارعان ٷكٸمەتتٸك جۇمىس توبىنىڭ مٷشەسٸ قر اقپارات جەنە قوعامدىق دامۋ ۆيتسە-مينيسترٸ دانييار ەسين سىر ٶڭٸرٸنٸڭ جاستارىمەن كەزدەستٸ, دەپ حابارلايدى "ۇلت اقپارات".
ب.ساپارباەۆتىڭ تاپسىرماسىنا سەيكەس, جٷزدەسۋدە جاستار جىلىن اتاپ ٶتۋدٸڭ ٷكٸمەت بەكٸتكەن جول كارتاسىنا ەنگەن باعدارلامالار مەن تاپسىرمالاردىڭ ورىندالۋ بارىسى تالقىلاندى. سونداي-اق ۆيتسە-مينيستر جۇمىس ساپارى بارىسىندا ەلەۋمەتتٸك تاپسىرىس ارقىلى وبلىستا بٸرٸنشٸ رەت جٷزەگە اسىرىلىپ جاتقان «Kyzylorda business hub» جوباسىنا قاتىسۋشىلاردىڭ جوبا جاساۋ سەتٸنە كۋە بولدى. «Kyzylorda business hub» - جاستاردىڭ ستارتاپ جوبالارىن ينۆەستور الدىندا قورعاۋعا ٷيرەتۋگە, بيزنەسكە باۋلۋعا باعىتتالعان.
ماقساتى - جاستاردىڭ يدەيالارىن بيزنەسكە اينالدىرۋ ارقىلى تابىس تابۋعا, ينۆەستورلارمەن ساۋاتتى قارىم-قاتىناس ورناتۋعا, ٶز جوباسىنىڭ مٷمكٸندٸگٸن جارييا ەتە الاتىنداي جاعدايعا جەتكٸزٸپ, ٶزٸن جەنە جوباسىن ينۆەستورلارعا ٶتكٸزە الاتىنداي جاۋاپكەرشٸلٸككە ٷيرەتۋ.
د.ەسين جاستار ستارتاپتارىنىڭ باعىتتارىمەن تانىسىپ, ٶز تاراپىنان ۇسىنىستارىن بٸلدٸردٸ. جاس ستارتاپەرلەرمەن كەزدەسۋ بارىسىندا بۇعان دەيٸن Boeing 757 بازاسىندا جاڭا ۇشاقتىڭ تەحنيكالىق جەنە ديزاينەرلٸك كەلبەتٸن جاساقتاعان ەۆگەنيي دەميدەنكو كەلەسٸ جوباسىن تانىستىردى. ەۆگەنيي ۆيتسە-مينيسترگە YouTube بەينەحوستينگٸنە ۇقسايتىن, بٸراق مٷمكٸندٸگٸ ودان جوعارى بولاتىن قازاقستاندىق نۇسقانىڭ جوباسىن ٸسكە قوسۋ بويىنشا جۇمىستار جٷرگٸزٸپ, ينۆەستور ٸزدەستٸرٸپ جاتقانىن باياندادى. بۇدان بٶلەك, اقپارات جەنە قوعامدىق دامۋ مينيسترٸنٸڭ ورىنباسارى جاستار جىلى اياسىندا بارلىق كوممۋنيكاتسييامەن جابدىقتالعان قىزىلوردا جاستارى ٷشٸن جاساقتالعان وبلىستىق جاستار ورتالىعىمەن تانىستى. د. ەسين 4 مىڭ شارشى مەتر اۋماقتى قۇرايتىن زاماناۋي ورتالىق جۇمىسىمەن تانىسا وتىرىپ, ايماقتا جاستار ٷشٸن قابىلدانعان شارالارعا وڭ باعا بەردٸ. ورتالىق جۇمىسىن قايتا جاساقتاۋ جاستار جىلىندا جاستارعا جاسالعان ٷلكەن قولداۋ ەكەندٸگٸن اتاپ ٶتتٸ. جاسالعان قولداۋدى تيٸمدٸ ەرٸ ماقساتتى پايدالانىپ, جاستاردى جەتٸستٸككە جەتۋگە شاقىردى. جاستار ورتالىعىندا جاستار ٷشٸن ٶز-ٶزٸنە قىزمەت كٶرسەتۋ, كەڭەس بەرۋ, كٸتاپحانا, مەديتسينا قىزمەتكەرٸ, پسيحولوگ, انتي-كافە, 330 ورىندىق كٶپفۋنكتسييالى زال, كوۆوركينگ جەنە فيتنەس زالدارمەن قاتار, ارنايى IT-park جۇمىسى ۇيىمداستىرىلعان. ورتالىق تٷنگٸ مەزگٸلدە دە جۇمىس ٸستەيدٸ.
سونىمەن قاتار ۆي-مينيستر سول جاعالاۋدا ورنالاسقان رۋحاني جاڭعىرۋ ورتالىعىنىڭ قىزمەتٸمەن تانىستى. قالالىق مۋزەي ورنالاسقان جاڭا عيماراتتاعى رۋحاني جاڭعىرۋ ورتالىعىنىڭ جۇمىسىنا وڭ باعا بەرٸلدٸ.
وبلىسقا ساپار جالاعاش اۋدانىندا ٶتكەن كەزدەسۋمەن قورىتىندىلاندى. اۋداندا جاستار جىلى اياسىندا قايتا ۇيىمداستىرىلعان جاستار ورتالىعىمەن تانىسىپ, جاستارمەن كەزدەستٸ. ۇسىنىس-پٸكٸرلەرٸن تىڭدادى. جاستار ورتالىعىن قايتا جاڭعىرتۋ ارقىلى اۋدان جاستارى باس قوساتىن ورىننىڭ پايدا بولعانىنا, ولاردىڭ ۋاقىتىن تيٸمدٸ ۇيىمداستىرۋعا ىقپال ەتكەندٸگٸنە كٶز جەتكٸزدٸ.
اۋدان ەكٸمدٸگٸ جاستار جىلىنا وراي بيۋدجەتتەن 5 ملن تەڭگە بٶلٸپ, جاستارعا ارنالعان ورتالىقتى زاماناۋي ٷلگٸدە جاڭعىرتىپ بەرگەن. كەلەشەك ۇرپاقپەن كەزدەسۋ بارىسىندا جاستار جىلىنىڭ جول كارتاسى اياسىندا جٷزەگە اسىرىلعان جەنە بٷگٸندە بارلىق ٶڭٸرلەردە ناقتى جۇمىس جاسايتىن, تۇراقتى ەلەۋمەتتٸك باعدارلانعان بيزنەس جوبالاردى ٸسكە قوسۋدى, اۋىل جاستارىنىڭ ەكونوميكالىق جەنە ەلەۋمەتتٸك ليفتٸلەرگە قول جەتكٸزۋٸن ارتتىرۋدى ماقسات تۇتقان «زەرەن-2019» جاستارعا بٸلٸم بەرۋ رەسپۋبليكالىق جازعى لاگەرٸنٸڭ ماقساتتى جٷزەگە اسىرىلعانىنا كٶز جەتكٸزدٸ. سەبەبٸ, لاگەرگە قاتىسۋشى بٸر عانا جالاعاش اۋدانىنىڭ جاستارى جالپى العاندا 3,5 ملن تەڭگەگە سەرتيفيكاتتاردىڭ يەسٸ اتانعان. قورعاعان جوبالارىن اۋدان جاستارى كٶكتەمگٸ مەزگٸلدەن باستاپ جٷزەگە اسىرۋعا دايىن ەكەندٸكتەرٸن بٸلدٸردٸ. دانييار ەسين سونىمەن قاتار, اۋداندا بٸرقاتار تۇرعىندارمەن كەزدەسٸپ, مەملەكەت باسشىسى ق. توقاەۆتىڭ جولداۋدا جٷكتەگەن مٸندەتتەرٸن ورىنداۋ بارىسىمەن تانىستىردى.
