اۋداندىق مەدەنيەت سارايىنىڭ ديرەكتورى مەن ەسەپشٸسٸ سىبايلاس جەمقورلىققا قارسى قىزمەت ٶكٸلدەرٸنە پارا بەرمەك بولعان, دەپ حابارلايدى "ۇلت اقپارات".
سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەگايداروۆتىڭ ايتۋىنشا, جەمقورلىقپەن كٷرەس ساپىنداعى ماماندارعا پارا ۇسىنعان مەدەنيەت سارايىنىڭ باسشىسى 4,5 ملن تەڭگە ايىپپۇل ارقالاعان.
«لاۋازىمدى تۇلعالار سىبايلاس جەمقورلىققا قارسى قىزمەت قىزمەتكەرلەرٸنە ٶزدەرٸنٸڭ جەكە مەسەلەلەرٸن شەشۋ ٷشٸن پارا بەرۋگە تىرىساتىن جاعدايلار دا بار. 4 ناۋرىزدا قازىعۇرت اۋداندىق مەدەنيەت سارايىنىڭ ديرەكتورى قازىعۇرت اۋداندىق سوتىنىڭ ٷكٸمٸمەن 4,5 ملن تەڭگە ايىپپۇل ارقالادى. پارا ۇسىنعانداردىڭ تاعى بٸرەۋٸ - سول ۇيىمنىڭ باس ەسەپشٸسٸ. وعان 1,5 ملن تەڭگە ايىپپۇل تاعايىندالدى» - دەدٸ دانييار بەگايداروۆ.
ونىڭ سٶزٸنە قاراعاندا, تٷركٸستان وبلىسىنىڭ سارىاعاش ايماعى بويىنشا سىبايلاس جەمقورلىققا قارسى ٸس-قيمىل جٶنٸندەگٸ اۋدانارالىق باسقارماسىنىڭ قىزمەتكەرٸ 2018-2020 جىلدارعا ارنالعان بيۋدجەت قاراجاتىنىڭ يگەرٸلۋٸن, ونىڭ ٸشٸندە «ەڭبەك» اياسىندا بٶلٸنگەن قاراجاتتىڭ يگەرٸلۋٸن تەكسەرگەن. وسى ٸستە قۇزىرلى ورگان ٶكٸلدەرٸنٸڭ قامقورلىعىنا يە بولۋ ٷشٸن ديرەكتور مەن باس ەسەپشٸ 300 مىڭ تەڭگە كٶلەمٸندە پارا بەرۋگە ەرەكەتتەندٸ دەگەن كٷدٸككە ٸلٸنگەن.
