قر ۇلتتىق بانكٸنٸڭ تٶراعاسى دانييار اقىشەۆ حالىقارالىق ەزەربايجان بانكٸمەن بولعان مەمٸلەگە قاتىسپاعانىن مەلٸمدەدٸ.
باس بانكير ول كەزدە پرەزيدەنت ەكٸمشٸلٸگٸندە جۇمىس ٸستەگەندٸكتەن, ول مەمٸلەگە قاتىسۋى مٷمكٸن بولماعانىن ايتتى.
«باسپاسٶز مەسليحاتىندا مەن وسىعان قاتىستى مەلٸمدەمە جاساعانمىن. ول شەشٸمدٸ ۇلتتىق بانكتە سول ۋاقىتتا ٸستەگەن ادامدار قابىلدادى. مەن ناقتى كٸمدەر ەكەندٸگٸن ايتپادىم. ونىمەن تەرگەۋ ورىندارى اينالىسۋى كەرەك. بٸراق, كەلٸمبەتوۆ مىرزا مەنٸڭ بۇل مەمٸلەگە قاتىسقانىمدى تٸكەلەي ايتقان بولسا, مەن 2014 جىلدىڭ 28 تامىزىندا پرەزيدەنتتٸڭ ٶكٸمٸمەن قر پرەزيدەنتٸ ەكٸمشٸلٸگٸنٸڭ ەلەۋمەتتٸك-ەكونوميكالىق مونيتورينگ بٶلٸمٸنٸڭ مەڭگەرۋشٸسٸ رەتٸندە تاعايىندالعانىمدى اتاپ ٶتكٸم كەلەدٸ. سەيكەسٸنشە, 2014 جىلدىڭ قىركٷيەگٸندە ۇلتتىق بانكتە جۇمىس ٸستەمەگەنٸمە بايلانىستى ەشقانداي مەمٸلەگە قاتىسۋىم مٷمكٸن ەمەس. سوندىقتان, اقپارات شىندىققا جاناسپايدى. سونداي-اق, 2014 جىلدىڭ ناۋرىزىنان مەن زەينەتاقى اكتيۆتەرٸن باسقارۋمەن اينالىساتىن بٶلٸمشەنٸڭ قىزمەتٸمەن اينالىسپادىم. كەلٸمبەتوۆ مىرزا مۇنى بٸلەدٸ», - دەدٸ د.اقىشەۆ.
ول قر ۇلتتىق بانكٸ باسقارماسى بجزق ينۆەستيتسييالىق دەكلاراتسيياسىن بەكٸتكەنٸن راستادى. ونىڭ ايتۋىنشا, مۇنداعى مەلٸمەتتەر جيناقتاۋشى زەينەتاقى قورلارىنىڭ دەكلاراتسيسىنان الىنعان.
«شىنىندا دا 2014 جىلدىڭ مامىرىندا قر ۇلتتىق بانكٸنٸڭ باسقارماسى بجزق ينۆەستيتسييالىق دەكلاراتسيياسىن بەكٸتتٸ. بجزق ينۆەستيتسييالىق دەكلاراتسيياسى زەينەتاقى اكتيۆتەرٸن ينۆەستيستيتسييالاۋعا ارنالعان بٸرنەشە قۇرالداردان تۇرادى. وندا بىلاي دەپ جازىلعان: مەملەكەتتٸك قۇندى قاعازدارعا - 40 پروتسەنتتەن تٶمەن, كورپوراتيۆتٸ ەميتەنتتەردٸڭ وبليگاتسييالارى - پەلەن پروتسەنت, باسقاسى - پەلەن پروتسەنت دەپ كٶرسەتٸلگەن. بۇل دەكلاراتسييا بجزق دەكلاراتسيياسىنان الىنعان. ول ٶزگەرمەگەن. بٸز ونىڭ قابىلدانۋىنا داۋىس بەردٸك. بولدى! ناقتى شەشٸمدٸ ۇلتتىق بانكتەگٸ ينۆەستيتسييالىق كوميتەت باسشىسى, نەمەسە ارنايى دەپارتامەنت باسشىسى قابىلدايدى. بۇل سونىڭ جاۋاپكەرشٸلٸگٸ», - دەدٸ اقىشەۆ.
ايتا كەتۋ كەرەك, «استانا» حالىقارالىق قارجى ورتالىعىنىڭ باسقارۋشىسى قايرات كەلٸمبەتوۆ قر ۇلتتىق بانكٸنٸڭ تٶراعاسى دانييار اقىشەۆتىڭ جەكە كومپانييالارعا زەينەتاقى اكتيۆتەرٸن باسقارۋدى بەرۋ تۋرالى ۇسىنىسىن «قاۋٸپتٸ» دەپ اتاعان بولاتىن.
بۇل تۋرالى ول «فينانسوۆايا سۆوبودا» قوعامدىق ۇيىمىنىڭ جۋرناليستەرٸ بوتا جۇمانوۆا مەن ساياساتتانۋشى دوسىم سەتپاەۆقا سۇحبات بەرگەن بولاتىن.
ٶز سٶزٸندە كەلٸمبەتوۆ دانييار اقىشەۆتٸڭ دە ينۆەستيتسييالىق دەكلاراتسييانى ماقۇلداپ داۋىس بەرگەنٸن ايتقان بولاتىن.
