بٷگٸن مەجٸلٸستٸڭ جالپى وتىرىسىندا «قازاقستان رەسپۋبليكاسىنىڭ پارلامەنتٸ جەنە ونىڭ دەپۋتاتتارىنىڭ مەرتەبەسٸ تۋرالى» قازاقستان رەسپۋبليكاسىنىڭ كونستيتۋتسييالىق زاڭىنا تولىقتىرۋلار ەنگٸزۋ تۋرالى» كونستيتۋتسييالىق زاڭىنىڭ جوباسى ماقۇلداندى. وسىعان وراي قازاقپارات تٸلشٸسٸ پارلامەنت مەجٸلٸسٸنٸڭ دەپۋتاتى دانييا ەسپاەۆادان زاڭ جوباسىنا قاتىستى پٸكٸرٸن بٸلگەن بولاتىن.
«زاڭ جوباسىن «اق جول» پارتيياسى ۇسىندى. بٸراز جىل بۇرىن بٸز وسى قۇجاتتى ٷكٸمەتتٸڭ قاراۋىنا بەرگەن ەدٸك. سودان بەرٸ ول ەقىۇ باعالاۋىنان ٶتتٸ. بىلتىر كٷزدە مەملەكەت باسشىسى قاسىم-جومارت توقاەۆ ۇلتتىق كەڭەستٸڭ وتىرىسىندا پارلامەنتتٸڭ كٶپپارتييالى بولۋىن ايتا كەلە وپپوزيتسييا تۋرالى زاڭ جوباسىن ەزٸرلەۋ كەرەكتٸگٸن جٷكتەگەن بولاتىن. وسىعان وراي, بٸزدٸڭ پارتييا تاراپىنان ەزٸرلەنگەن وسى زاڭ جوباسىن مەجٸلٸستٸڭ قاراۋىنا ەنگٸزدٸك. بٷگٸنگٸ وتىرىستا سول زاڭ جوباسى ماقۇلدانىپ, سەناتقا جولداندى», - دەدٸ قازاقپارات تٸلشٸسٸنە دانييا ەسپاەۆا.
مەجٸلٸسمەن اتالمىش زاڭ جوباسىنا پارلامەنتتٸك وپپوزيتسييا تٷسٸنٸگٸ ەنگٸزٸلگەنٸن ەسكە سالدى.
«قازٸرگٸ تاڭدا پارلامەنت مەجٸلٸسٸندە 7 كوميتەت بار. وسى كوميتەتتەردٸڭ بٸرٸنٸڭ تٶراعالىعىن پارلامەنتتٸك وپپوزيتسيياعا بەرۋ مٸندەتتٸ بولىپ وتىر. سونىمەن قاتار كوميتەت حاتشىلىعىنىڭ ەكٸ ورنى دا پارلامەنتتٸك وپپوزيتسييا مٷشەلەرٸنە بەرٸلەدٸ. مەنٸڭ ويىمشا بۇل ايتارلىقتاي العا جاسالعان قادام. باتىس ەلدەرٸندە مەسەلەن بيۋدجەت تۋرالى زاڭ جوباسىن, بيۋدجەت بٶلٸنٸسٸن كٶبٸنەسە وپپوزيتسييالىق پارتييا قارايدى. سول سەبەپتٸ بٷگٸنگٸ ەنگٸزٸلگەن نورمانىڭ ماڭىزى ٶتە زور دەپ ەسەپتەيمٸن. جالپى بٸزدٸڭ ەلدەگٸ دەموكراتييانى نىعايتۋ باعىتىندا جاسالعان قادام دەپ ويلايمىن.بۇل – تاريحي سەت. سەبەبٸ قازاقستاندا العاش رەت پارلامەنتتٸك وپپوزيتسييا تۋرالى زاڭ جوباسى قابىلدانعالى وتىر», - دەدٸ ول.
