دانيال احمەتوۆ شىعىستاعى احۋال جايىندا ٷكٸمەتكە ەسەپ بەردٸ

وبلىس ەكٸمٸنٸڭ ايتۋىنشا, بيىل شىعىستا تٷسكەن جاۋىن-شاشىن كٶلەمٸ تٶمەن بولعانىمەن, جەر توڭى ٶتكەن جىلمەن سالىستىرعاندا 2 ەسە قالىڭ ەكەن. سونىمەن قاتار, ول وسى جىلى ٶزەندەردە قاتقان مۇزدىڭ قالىڭدىعى كەي جەردە 1 مەتردەن اساتىنىن جەتكٸزدٸ.

«ناۋرىزدىڭ 1-ٸنەن 25-ٸنە دەيٸنگٸ ارالىقتا جاۋعان جاڭبىر قالىپتى نورمادان 3 ەسە ارتىق بولدى. قازٸرگٸ تاڭدا وبلىستا 481 ٷيدٸ سۋ باسۋ فاكتٸسٸ تٸركەلدٸ. بٷگٸندە 175 ٷيدە ەلٸ سۋ بار. 628 ٷي مەن 110 ساياجايدىڭ اۋلاسىنا سۋ كٸردٸ. وسىعان قاتىستى جوعارى دەڭگەيلٸ دايىندىق رەجيمٸ ٶسكەمەن جەنە سەمەي قالاسىندا, جارما, زىريان, كٷرشٸم, قاتونقاراعاي, ۇلان اۋداندارىندا ەنگٸزٸلدٸ. وبلىستىڭ ٷش اۋدانىندا اياگٶز, گلۋبوكوە, شەمونايحادا تابيعي سيپاتتاعى تٶتەنشە جاعداي جارييالاندى», - دەدٸ وبلىس ەكٸمٸ ٷكٸمەت وتىرىسىندا.

سونىمەن قاتار دانيال احمەتوۆ سۋ تاسقىنى سالدارىنان اياگٶزدە 14 ٷي قيراپ, 19 ٷيدٸڭ جاعدايى اپاتتى دەپ تانىلعانىن مەلٸمدەدٸ. ونىڭ ايتۋىنشا, قازٸرگٸ تاڭدا ٶڭٸردەگٸ جاعداي تۇراقتى.

«286 ادام ٷيٸنە ورالدى. تەك قانا 12 ادام قازٸرگٸ كەزدە ۋاقىتشا ينتەرنەتتا تۇرىپ جاتىر. ٶتكەن 2 اپتانىڭ ٸشٸندە 32 ٷي ساتىپ الدىق. 14 ٷيگە ازاماتتار كٸردٸ. 2-3 كٷننٸڭ ٸشٸندە قالعان 18 ٷيگە كٸسٸلەر كٸرەدٸ. بٷگٸن مەن سول جاققا تاعى دا بارامىن. قۇرىلىسشىلارمەن بٸرگە بارلىق 140 ٷيدٸڭ جٶندەۋ جۇمىستارىنا باقىلاۋ جاساپ, ونى بٸر ايدىڭ ٸشٸندە جٷزەگە اسىرامىز. قازٸرگٸ تاڭدا بٸز وسى اۋدانعا 259 ملن تەڭگە بٶلدٸك. بارلىق جٶندەيتٸن ٷيدٸڭ جوبالىق-سمەتالىق قۇجاتتاماسى دايىن», - دەدٸ ول.

كەيٸن وبلىس ەكٸمٸ گلۋبوكوە اۋدانى مەن پروگرەسس, بەلوۋسوۆ اۋىلدارىنداعى جاعداي تۇراقتى باقىلاۋعا الىنعانىن اتاپ ٶتتٸ.

«ادامداردى قاۋٸپسٸز جەرگە كٶشٸرۋ بويىنشا تيٸستٸ شارالار قابىلداندى. جالپى 172 ٷيگە سۋ كٸرگەن. 567 ادام سۋ باسۋ قاۋپٸ بار ايماقتان قاۋٸپسٸز جەرگە كٶشٸرٸلدٸ. ولاردىڭ ٸشٸندە 53 ادام ٷش مەكتەپ ينتەرناتقا ورنالاستىرىلدى. ٷش مەرزٸمدٸ تاماق جەنە باسقا دا مەسەلەلەر شەشٸلگەن. قالعان تۇرعىندار ٶز تۋىستارىنىڭ ٷيٸنە ۋاقىتشا كٶشٸپ باردى. قازٸر ارنايى كوميسسييا قۇرىلىپ, زارداپ شەككەن ٷيلەردٸ ارالاپ جٷر. بٸز كوميسسييا شەشٸمٸن باسشىلىققا الىپ, شىعىندى ٶتەيمٸز. قايىرىمدىلىق قورىنا 50 ملن تەڭگە بەردٸك», - دەدٸ دانيال احمەتوۆ.

كەيٸن ول سۋ باسقان شەمونايحا اۋدانىنداعى جاعدايعا توقتالدى.

«شەمونايحا اۋدانىندا ٶزٸم بولدىم. قازٸرگٸ تاڭدا وندا جاۋىن سۋى تاۋداعى قار سۋىمەن ارالاسىپ, وبا ٶزەنٸنٸڭ دەڭگەيٸ 1,5 مەترگە كٶتەرٸلدٸ. ول جاعداي مەن سول جەردە بولعان كەزدە بولدى. سالدارىنان ٶزەن مۇزى قوزعالىپ, سەڭ جٷردٸ. ايتا كەتۋ كەرەك, ٶزەن مۇزىن دەر كەزٸندە جارماعاندا اپات سالدارى مۇنان دا بٸرشاما قيىن بولار ەدٸ. سوندىقتان بۇل جۇمىس جالعاسىپ جاتىر. اۋداندا 42 ٷيگە سۋ كٸرگەن. قازٸر بارلىق كٸسٸ ٷيلەرٸنە ورالدى. تيٸستٸ كوميسسييا جۇمىس ٸستەپ جاتىر. ارنايى قور اشۋ بويىنشا شارالار قابىلداندى. بٷگٸن وسى اۋدانعا تاعى دا 50 ملن تەڭگە بٶلەمٸز. بارلىق مەسەلە باقىلاۋدا», - دەدٸ وبلىس ەكٸمٸ.

سٶز سوڭىندا دانيال احمەتوۆ وبلىستاعى جاعداي تەۋلٸك بويى باقىلاۋعا الىنعانىن, جەدەل شارالار قابىلدانىپ اتاپ ٶتتٸ.