جىلدىق ينفلياتسييانىڭ نىسانالى دەلٸزٸ 4-6 پايىز شەگٸندە ساقتالادى. بۇل تۋرالى قر پارلامەنتٸ مەجٸلٸسٸنٸڭ جالپى وتىرىسىندا قر ۇلتتىق ەكونوميكا مينيسترٸ رۋسلان دەلەنوۆ مەلٸم ەتتٸ, دەپ حابارلايدى قازاقپارات.
«2019 جىلعا ارنالعان رەسپۋبليكالىق بيۋدجەتتٸ ناقتىلاۋ كەزٸندە ەلدٸڭ ەلەۋمەتتٸك-ەكونوميكالىق دامۋ بولجامىنىڭ نەگٸزگٸ كٶرسەتكٸشتەرٸ ساقتالدى. بۇل جالپى ٸشكٸ ٶنٸمنٸڭ 3,8 پايىز دەڭگەيٸندە ٶسۋٸ, 89 ملن توننا كٶلەمٸندە مۇناي ٶندٸرۋ ەسكەرٸلگەن. مۇنايدىڭ ەلەمدٸك باعاسى جوعارى قۇبىلمالىلىقتى كٶرسەتٸپ وتىر. وسىنى ەسكەرە وتىرىپ, مۇنايدىڭ بولجامدى باعاسى باررەلٸنە 55 اقش دوللارى دەڭگەيٸندە ساقتالدى», - دەدٸ مينيستر.
ونىڭ اتاپ ٶتۋٸنشە, جىلدىق ينفلياتسييانىڭ نىسانالى دەلٸزٸ 4-6 پايىز شەگٸندە تۇر.
«جالپى, رەسپۋبليكالىق بيۋدجەتتٸڭ كٸرٸستەرٸ (ترانسفەرتتەردٸ ەسەپكە الماعاندا) 2019 جىلى 7 ترلن 81 ملرد تەڭگەنٸ قۇرايدى. تٷسٸمدەر تٷرلەرٸ بويىنشا كٸرٸستەر قۇرىلىمى ساقتالادى. كٶلەمدٸ تٷسٸمدەردٸ قوسىلعان قۇن سالىعى (2,8 ترلن تەڭگە), كورپوراتيۆتٸك تابىس سالىعى (2 ترلن تەڭگە), حالىقارالىق ساۋداعا سالىناتىن سالىقتار (1,5 ترلن تەڭگە) قامتىدى», - دەدٸ رۋسلان دەلەنوۆ.
بەلگٸلٸ بولعانداي, تٷسٸمدەردٸڭ جالپى كٶلەمٸ 95 ملرد تەڭگەگە ٶسٸپ, 10,7 ترلن تەڭگەنٸ قۇراماق. ترانسفەرتتەردٸڭ تٷسٸمدەرٸ, ونىڭ ٸشٸندە ۇلتتىق قوردان ترانسفەرتتەر ٶسپەيدٸ. شىعىستار 95 ملرد. تەڭگەگە ارتادى, بۇل كٸرٸستەردٸڭ ٶسۋٸمەن سەيكەس كەلەدٸ. رەسپۋبليكالىق بيۋدجەت شىعىستارىنىڭ كٶلەمٸ 12 ترلن تەڭگەدەن اسادى.
