قر تۇڭعىش پرەزيدەنتٸ نۇرسۇلتان نازارباەۆ رەسەي مەن ۋكراينا اراسىنداعى قاقتىعىسقا قاتىستى پٸكٸر بٸلدٸردٸ, دەپ حابارلايدى قازاقپارات.
«رەسەي مەن ۋكراينانىڭ اراسىنداعى جاعداي, ەرينە, قىنجىلتادى. ولار بٸر-بٸرٸنە ٶتە جاقىن ەلدەر. الايدا بولارى بولدى. ٸشكٸ جەنە سىرتقى كٷشتەر ارالاسىپ كەتتٸ. قازٸر قارىم-قاتىناستىڭ اجىراپ كەتكەنٸ سونشالىق... ۋكراينا مەن رەسەيدٸ ٶتە جاقسى بٸلەمٸن. العاشقى كٷندەردەن باستاپ-اق ەكٸ ەلدٸ تاتۋلاستىرۋعا تىرىسىپ كەلەمٸن. مەنٸڭ جۇمىسىمنىڭ نەتيجەسٸ – مينسكتەگٸ العاشقى كەزدەسۋ بولدى. باسىندا مەن ەۋروپالىق ەلدەردٸ ارالاپ, مەركەل حانىممەن كەزدەستٸم. كەيٸن كيەۆكە كەلٸپ, پوروشەنكومەن كەزدەستٸم. ودان كەيٸن مەسكەۋگە باردىم. فرانتسييا پرەزيدەنتٸ قازاقستاندا بولعان كەزدە جول ورتادا پۋتينمەن كەزدەسۋدٸ ٶتٸندٸم. وسىنىڭ نەتيجەسٸندە بٸز مينسكتە باس قوسىپ, مەسەلەلەردٸ شەشۋگە تىرىستىق», - دەدٸ نۇرسۇلتان نازارباەۆ Astana Club وتىرىسىندا.
ەلباسىنىڭ ايتۋىنا قاراعاندا, بەرٸ ويداعىداي كەلە جاتقان.
«مەسكەۋدٸڭ تالابى مەن ٶتٸنٸشٸ – ۋكراينانىڭ شىعىسىنداعى ازاماتتاردى قورعاۋ تۋرالى زاڭ قابىلداۋ ەدٸ. ول ازاماتتار – سونداعى پروتسەسكە قاتىسقاندار, سوتتالعاندار, تاعى باسقا... ۋكراينا راداسى مۇنداي زاڭدى قابىلداعانىمەن, ول ورىندالماي جاتا بەردٸ. زاڭ وسى جىلدىڭ 31 جەلتوقسانىندا كٷشٸن جويادى», - دەدٸ ول.
نۇرسۇلتان نازارباەۆ ۋكراينانىڭ قازٸرگٸ پرەزيدەنتٸ ۆلاديمير زەلەنسكييمەن كەزدەسكەنٸن ايتىپ ٶتتٸ.
«كەشە ۆلاديمير پۋتينمەن بۇل مەسەلەنٸ ارى قاراي قالاي شەشۋگە بولاتىنى تۋرالى تٸلدەستٸم. قارىم-قاتىناستىڭ ۋشىققانى سونشالىق, ۋكراينا باتىس پەن اقش-قا اپپەلياتسييامەن شىعىپ وتىر. مەنٸڭ ويىمشا, رەسەي مەن ۋكراينانىڭ پرەزيدەنتتەرٸن جەكە كەزدەستٸرۋ كەرەك. تەك وسىلاي عانا كەلٸسۋگە بولادى. سەبەبٸ, ەكٸ ەل اراسىنداعى ناقتى جاعداي شەشٸلەدٸ. مەن وسىنداي كەزدەسۋ مٷمكٸن دەپ ويلايمىن. مەنٸڭشە, قازٸر وسى كەزدەسۋدٸڭ دەل سەتٸ تۋىپ تۇر. بٸرٸنشٸدەن, زەلەنسكيي سايلاۋدا حالىقتىڭ قولداۋىنا يە بولدى. دۋما دا جاڭا پرەزيدەنتتٸ قولدايتىن ازاماتتاردى سايلادى. ول وسى مەسەلەنٸ شەشە الادى. قوس تاراپ كەلٸسسە, بۇل مەسەلەنٸ العا جىلجىتۋ كەرەك», - دەدٸ ەلباسى.
نۇرسۇلتان نازارباەۆتىڭ ايتۋىنشا, قازٸر ەسكەرلەر بٸر-بٸرٸنەن الىستاپ جاتىر.
«ياعني, مەسەلەنٸڭ شەشٸمٸ بار. العا جىلجۋ كەرەك. رەسەي مەن ۋكراينا پرەزيدەنتتەرٸ جٸگەر تانىتا بٸلۋٸ تيٸس. بۇل باعىتتا جۇمىس جٷرگٸزٸپ جاتىرمىن. بارشاڭىزدى رەسەي مەن ۋكراينانىڭ اراسىنداعى قاتىناستى بۇزباي, كەرٸسٸنشە جاقىنداستىرۋدى ۇسىنامىن. دونباس پەن لۋگانسكتەگٸ مەسەلەنٸ شەشۋ كەرەك. پروتسەسس جٷرٸپ جاتىر. تۇتقىنداعى ازاماتتار بوساپ, ەسكەر بٸر-بٸرٸنەن الىستاي باستادى. سوندىقتان, وسىنداعى ساراپشىلار دا ونداعى بەيبٸتشٸلٸكتٸ ساقتاۋ باعىتىندا وي ايتۋى تيٸس», - دەدٸ ول.
تۇڭعىش پرەزيدەنت رەسەي مەن ۋكراينا پرەزيدەنتتەرٸنٸڭ كەزدەسۋٸ ٷشٸن نەيترالدى ايماق رەتٸندە قازاقستاندى ۇسىندى.
ەسكە سالا كەتەيٸك, كەشە قر تۇڭعىش پرەزيدەنتٸ نۇرسۇلتان نازارباەۆ رەسەي فەدەراتسيياسىنىڭ پرەزيدەنتٸ ۆلاديمير پۋتينمەن تەلەفون ارقىلى سٶيلەسكەن ەدٸ. ال جاپونيياعا ساپارى كەزٸندە ەلباسى ۋكراينا پرەزيدەنتٸ ۆلاديمير زەلەنسكييمەن كەزدەسكەن.
