بٸزگە 45 ميلليونعا جۋىق ماسكا قاجەت. بۇل تۋرالى ەلدەگٸ كوروناۆيرۋستىق ينفەكتسييا بويىنشا اعىمداعى جاعداي جايلى ونلاين بريفينگتە ايتىلدى, دەپ حابارلايدى قازاقپارات.
«جىل باسىندا ەلٸمٸزدە كٷندەلٸكتٸ 200 مىڭ ماسكا تٸگٸپ, ٶزٸمٸز پايدالاناتىنبىز. ماسكانىڭ 80% ٶز ەلٸمٸزدە تٸگٸلەدٸ. ال ارنايى ماسكانى شەتەلدەن الامىز. ەپيدەمييانىڭ الدىندا بٸزدٸڭ مەملەكەتتەگٸ فارماتسەۆتيكالىق زاۋىتتار كٷندەلٸكتٸ 200 مىڭ, ايىنا 6 ميلليون دانا ماسكا شىعاراتىن جەنە ول جەتكٸلٸكتٸ بولاتىن» , - دەيدٸ قر دەنساۋلىق ساقتاۋ مينيسترٸ ەلجان بٸرتانوۆ.
ول اقپان ايىندا ەپيدەمييا باستالعالى اتالعان زاۋىتتاردىڭ مٷمكٸندٸگٸن كەڭەيتۋ جۇمىستارى جٷرگٸزٸلگەنٸن ايتتى.
«ٶكٸنٸشكە قاراي, ول وڭاي بولعان جوق. شيكٸزاتتىڭ كٶبٸ قىتايدان الدىرىلاتىن, ال قىتاي ەكسپورتتى توقتاتتى. باسقا دا مەملەكەتتەردٸڭ مٷمكٸندٸگٸن, ٶزٸمٸزدٸڭ ەلدەگٸ مٷمكٸندٸكتٸ قاراستىرىپ, كٷنٸنە 1 ميلليون دانا تٷرلٸ ماسكا تٸگٸلۋدە. بٸر ايدا ەلٸمٸزدە 30 ميلليون ماسكا تٸگٸلٸپ, قاجەتتٸ مەديتسينالىق مەكەمە, دەرٸحانالارعا تاراتىلدى. شىنىن ايتۋ كەرەك, مەديتسينالىق ماسكا قاجەتتٸلٸگٸ ەلٸ بار. بٸزگە 45 ميلليونعا جۋىق ماسكا كەرەك بولىپ تۇر, دەمەك ماسكا تاپشىلىعى بار. ماسكا تاپشىلىعىن جويۋ ٷشٸن مەملەكەت تاراپىنان ماسكا ەكسپورتتاۋ توقتاتىلدى. ەكٸنشٸدەن, ماسكا مەملەكەتتٸك كوميسسييانىڭ شەشٸمٸمەن تاراتىلادى. الدىمەن مەديتسينالىق مەكەمەلەرگە تاراتىلادى. مەملەكەت باسشىسىنىڭ تاپسىرماسى بويىنشا, كەيبٸر قاجەتتٸ توپتارعا تەگٸن بەرٸلەدٸ. بۇل جۇمىستار نۇر-سۇلتان, الماتى قالالارىندا باستالىپ كەتتٸ. ماسكاعا قاتىستى جاعداي دٷنيە جٷزٸندە بار, سەبەبٸ بۇعان ەشكٸم دايىن بولعان جوق. كەيبٸر ادام دەكەدەن ماسكا تٸگۋ ۇيات ەكەنٸن ايتادى. ول ۇيالاتىن جاعداي ەمەس, سەبەبٸ قازاقستاندا عانا ەمەس, باسقا دا مەملەكەتتەردە ەسكەري, مەديتسينالىق قىزمەتكەرلەر, تٷرمەدە وتىرعان ازاماتتار, ەرتٸستەر بٸزدٸ قولداپ, ماسكا تٸگٸپ جاتىر. ٶتكەن عاسىردا اتا-بابالارىمىز دەكەدەن جاسالعان ماسكا ارقىلى بۇدان دا قاۋٸپتٸ ەپيدەمييالاردى توقتاتقان. دٷنيە جٷزٸندە وسىنداي قيىن جاعداي بولعان كەزدە بارلىق مٷمكٸندٸكتەردٸ پايدالانۋىمىز كەرەك. قاجەت بولسا وسىنداي مارلٸدەن كٶپ رەت پايدالانۋعا بولاتىن ماسكا تٸگٸپ, پايدالانامىز. ماقسات – ينفەكتسييانى توقتاتۋ» - دەيدٸ ول.
