بٷگٸن پرەمەر-مينيستر ەليحان سمايىلوۆتىڭ تٶراعالىعىمەن ٶتكەن داعدارىسقا قارسى شارالار جٶنٸندەگٸ جەدەل شتابتىڭ كەزەكتٸ وتىرىسىندا كەدەن سالاسىنداعى مەسەلەلەر قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
كەدەندٸك-لوگيستيكالىق ينفراقۇرىلىمدى دامىتۋ بويىنشا قابىلدانىپ جاتقان شارالار تۋرالى قر قارجى بٸرٸنشٸ ۆيتسە-مينيسترٸ م. سۇلتانعازيەۆ باياندادى.
قارجى مينيسترلٸگٸنٸڭ مەملەكەتتٸك كٸرٸستەر كوميتەتٸنٸڭ اقپاراتىنا سەيكەس, بٷگٸنگٸ تاڭدا قحر-مەن شەكاراداعى «التىنكٶل» جەنە «دوستىق – تەمٸرجول» تەمٸرجول ٶتكٸزۋ پۋنكتتەرٸ شتاتتىق رەجيمدە جۇمىس ٸستەپ تۇر.
«قازٸرگٸ تاڭدا 5 اۆتوجول ٶتكٸزۋ پۋنكتٸنٸڭ 4-ٸ اشىق جەنە جٷكتەردٸ قابىلداپ جاتىر. “قالجات” ٶتكٸزۋ پۋنكتٸ بٷگٸندە ەپيدەميولوگييالىق احۋالعا بايلانىستى قحر جاعىنان جابىق تۇر. تاراپتار قالجات-دۋلاتى قىزمەتٸن قايتا باستايتىن ناقتى كٷندەردٸ كەلٸسٸپ جاتىر», — دەدٸ قر قارجى بٸرٸنشٸ ۆيتسە-مينيسترٸ.
ٷكٸمەت قحر-دان قر-عا «نۇر جولى» ٶتكٸزۋ پۋنكتٸندە جٷكتەردٸ اۋىستىرىپ تيەۋ مەسەلەسٸن شەشتٸ, ال ەلەكتروندىق كەزەك رەتكە كەلتٸرٸلٸپ جاتىر. بۇل ورايدا جٷك تاسۋ قىزمەتٸنٸڭ اقىسى 2 ەسە تٶمەندەيدٸ.
كەڭەس بارىسىندا قر پرەمەر-مينيسترٸ قازٸرگٸ جاعدايعا بايلانىستى تۋىندايتىن جەنە بولۋى ىقتيمال سىن-تەگەۋرٸندەرگە جەدەل دەن قويۋ قاجەتتٸگٸن اتاپ ٶتتٸ.
داعدارىسقا قارسى شارالار جٶنٸندەگٸ جەدەل شتابتىڭ كەلەسٸ وتىرىسى 9 ناۋرىزدا ٶتەدٸ.
