الماتىداعى №25 قالالىق ەمحانانىڭ باس دەرٸگەرٸ ەلييا مازباەۆا ٶڭٸرلٸك كوممۋنيكاتسييالار قىزمەتٸ الاڭىندا ٶتكەن ونلاين-سۇحبات بارىسىندا كوروناۆيرۋسقا قاتىستى كٷردەلٸ ەپيدەمييالىق جاعدايدى ەسكەرە وتىرىپ, الدىن الۋ شارالارى تۋرالى ەسكە سالدى, دەپ حابارلايدى قازاقپارات.
ماماننىڭ ايتۋىنشا, كەيبٸر ەلدەردە ينفەكتسييانىڭ قايتالانۋ جاعدايلارى, اۋرۋدى جۇقتىرۋدىڭ ٶسۋٸ بايقالادى.
مەسەلەن, تٷركييا پرەزيدەنتٸ رەجەپ تايىپ ەردوعان كوروناۆيرۋس پاندەميياسىنا بايلانىستى كارانتيندٸك شەكتەۋلەردٸڭ كٷشەيتٸلگەنٸن حابارلادى. ەلدە جالپىعا مٸندەتتٸ ماسكا رەجيمٸ, سونداي-اق ەلەۋمەتتٸك قاشىقتىق ساقتاۋ جەنە گيگيەنا شارالارى ەنگٸزٸلدٸ.
يتالييادا سەرسەنبٸگە قاراعان تٷنٸ پرەمەر-مينيستر قوعامدىق ٶمٸردەگٸ جاڭا شەكتەۋلەر تۋرالى دەكرەتكە قول قويدى. اتاپ ايتقاندا, بەيسەنبٸدەن باستاپ رەسپۋبليكادا كومەندانتتىق ساعات جۇمىس ٸستەي باستايدى. كەشكٸ وننان كەيٸن ازاماتتار ٷيلەرٸنەن تەك قاتتى قاجەت جاعدايلاردا عانا شىعا الادى.
شۆەتسييا كوروناۆيرۋس ينفەكتسيياسىن جۇقتىرۋشىلار سانىنىڭ كٶبەيۋٸنە بايلانىستى دەمحانالار مەن مەيرامحانالاردا داستارحان باسىندا بٸرگە وتىرا الاتىن ادامداردىڭ سانىن 8 ادامعا دەيٸن شەكتەدٸ.
ەلەمدەگٸ ەپيدەمييالىق احۋالدىڭ قايتا ۋشىعۋىنا بايلانىستى جەنە الدىڭعى تەجٸريبەنٸ ەسكەرە وتىرىپ الماتى قالاسىنىڭ بارلىق ەمحانالارى كوروناۆيرۋستىڭ ىقتيمال جاڭا تولقىنىنا دايىندىقتى قامتاماسىز ەتتٸ.
ەمحانالاردىڭ جۇمىسىندا COVID-19 بويىنشا اقپاراتتىق جۇمىستارعا, كوروناۆيرۋس ينفەكتسيياسىن جۇقتىرۋدىڭ ساقتىق شارالارىنا ەرەكشە نازار اۋدارىلادى. ٶيتكەنٸ قارت ادامدار, جاس بالالار, جٷكتٸ ەيەلدەر جەنە سوزىلمالى اۋرۋلارمەن (استما, قانت ديابەتٸ, جٷرەك-قان تامىرلارى اۋرۋلارى) اۋىراتىن جەنە يممۋنيتەتٸ ەلسٸرەگەن ادامدار اۋرۋعا بەيٸم جەنە قاۋٸپ توبىنا جاتادى.
ەلييا مازباەۆا كوروناۆيرۋسقا قارسى الدىن الۋ شارالارىن ەسكە سالدى.
اتاپ ايتقاندا, رەسپيراتورلىق ينفەكتسييانىڭ ايقىن بەلگٸلەرٸ بار ادامدارمەن بايلانىسقا تٷسپەۋ, سونداي-اق ادامدار كٶپ جينالاتىن ورىندارعا بارماۋ, تىنىس الۋ ورگاندارىن قورعاۋ قۇرالدارىن پايدالانۋ, تٷشكٸرۋ نەمەسە جٶتەلۋ كەزٸندە تىنىس الۋ ەتيكەتٸن ساقتاۋ كەرەتٸگٸن ايتتى.
سونداي-اق, مەدەني-جاپپاي ٸس-شارالارعا قاتىسپاۋ, قول گيگيەناسىن ساقتاۋ, ونىڭ ٸشٸندە ادامدار كٶپ جينالاتىن ورىندارعا بارعاننان كەيٸن جەدەل رەسپيراتورلىق ۆيرۋستىق اۋرۋدىڭ بەلگٸلەرٸ بولعان جاعدايدا دەرەۋ مەديتسينالىق كٶمەككە جٷگٸنۋ قاجەتتٸگٸن ەسكەرتتٸ.
«الدىن الۋ شارالارى ەربٸر ادامعا قاتىستى. COVID-19 جاعدايى ۋشىعا تٷستٸ, الماتىلىقتاردى الدىن الۋ شارالارىن ۇستانۋعا شاقىرامىن. تىنىس الۋ اۋرۋىنىڭ بەلگٸلەرٸ بولعان كەزدە تەك دەرٸگەرلەردٸڭ كٶمەگٸنە جٷگٸنۋ كەرەك. ٶز بەتٸمەن ەمحاناعا بارىپ, اينالاسىنداعىلارعا جۇقتىرۋدىڭ قاجەتٸ جوق, دەرٸگەردٸ ٷيگە شاقىرۋ قاجەت», - دەدٸ باس دەرٸگەر.
حالىقتى كوروناۆيرۋستىڭ جەكە جەنە قوعامدىق الدىن الۋ شارالارى تۋرالى حاباردار ەتۋ ەمحانالاردىڭ سايتتارىندا, ەلەۋمەتتٸك جەلٸلەردە اقپارات ورنالاستىرۋ ارقىلى جٷرگٸزٸلەدٸ. سونىمەن قاتار, مەمس بويىنشا اقپاراتتىق–تٷسٸندٸرۋ جۇمىستارىن جٷرگٸزۋ ٷشٸن بۋكلەتتەر ەزٸرلەندٸ.
مۇنىمەن قاتار ول قالا ەكٸمٸ باقىتجان ساعىنتاەۆتىڭ قارتتار مەن بالالارعا ٷيدە پروفيلاكتيكالىق مەديتسينالىق تەكسەرۋ جٷرگٸزۋ تۋرالى تاپسىرماسىنىڭ ورىندالۋى تۋرالى ايتتى.
پروفيلاكتيكالىق تەكسەرۋ جٷرگٸزۋ كەزٸندە حالىقتىڭ ەڭ ەلسٸز توپتارى - 65 جاستان اسقان ادامدار مەن 16 جاسقا دەيٸنگٸ بالالارعا ەرەكشە نازار اۋدارىلادى. حالىقتى مەديتسينالىق ۇيىمدارمەن تولىق قامتۋ ماقساتىندا بيىل جەلتوقسان ايىنىڭ سوڭىنا دەيٸن كەسٸبي تەكسەرۋ جٷرگٸزۋ كەستەسٸ جاسالدى.
تۇرعىندارعا الدىن الا Damumed مەديتسينالىق اقپاراتتىق جٷيەسٸ, ۇيالى تەلەفوندار ارقىلى ۋچاسكەلٸك قىزمەت, سونداي-اق مەديتسينالىق ۇيىمداردىڭ سايتتارى ارقىلى حابارلاندى.
الاتاۋ اۋدانىندا بۇل جۇمىسقا 7 ۇيىم جۇمىلدىرىلعان, ونىڭ ٸشٸندە 5-ۋٸ مەملەكەتتٸك جەنە 2-ۋٸ جەكەمەنشٸك. ولاردا 231 845 ادامعا قىزمەت كٶرسەتٸلەدٸ. ونىڭ ٸشٸندە 16 جاسقا دەيٸنگٸ بالالار - 90 677, ال 65 جاستان اسقان ادامدار سانى 10 918 بولىپ وتىر. ديسپانسەرلٸك ەسەپتە 6 437 ادام, ەرەسەكتەر توبىندا 7 871 بالا تۇر.
«پروفيلاكتيكالىق تەكسەرۋ جٷرگٸزۋ كەزٸندە ەلەۋمەتتٸك جاعدايى وسال وتباسىلاردىڭ بالالارىنا ەرەكشە كٶڭٸل بٶلٸنەدٸ, ولار: كٶپ بالالى وتباسىلار, بٸر عانا اتا-انا تەربيەلەپ وتىرعان بالالار, مٷمكٸندٸگٸ شەكتەۋلٸ بالالار. بٸرٸنشٸ كەزەكتە ماقساتتى توپتاردىڭ تٸزٸمٸ, ٷيگە قابىلداۋ جەنە شىعۋ كەستەسٸ جەنە ٷيدە پروفيلاكتيكالىق تەكسەرۋلەر جٷرگٸزۋ ٷشٸن بريگادالار قۇرىلدى», - دەدٸ ە.مازباەۆا. وسىلايشا, بٸر ەمحانا بازاسىندا 15 100 بالانى جەنە 65 جاستان اسقان 7 260 ادامدى تەكسەرۋ جوسپارلانعان.
ەمحانالاردا وسى ماقساتتا ارنايى بريگادالار قۇرىلدى:
- جالپى تەجٸريبەلٸك دەرٸگەر, مەدبيكە, نەۆروپاتولوگ, كارديولوگ, 65 جاستان اسقان ادامدار ٷشٸن قانت, حولەستەرين دەڭگەيٸن انىقتاي وتىرىپ, ەكگ جٷرگٸزەتٸن وتولارينگولوگ;
- كٶرسەتكٸشتەرٸ بويىنشا زەرتحانالىق زەرتتەۋلەر جٷرگٸزە وتىرىپ, پەدياتر, نەۆروپاتولوگ, وكۋليست, وتولارينگولوگ دەرٸگەر, بالالار حيرۋرگٸ.
ناۋرىزدان تامىزعا دەيٸن كارانتيندٸك شارالار ەنگٸزٸلگەنٸن ەسكەرە وتىرىپ, كٶپتەگەن ديسپانسەرلٸك ناۋقاستار مەرزٸمدٸ ديسپانسەرلٸك تەكسەرۋدەن ۋاقتىلى ٶتە المادى.
سوندىقتان بٸر ۋاقىتتا تولىق تەكسەرۋ, ياعني فليۋوروگرافييالىق تەكسەرۋ, ٸش قۋىسى مەن بٷيرەكتٸڭ ۋلترادىبىستىق زەرتتەۋٸ, جالپى قان مەن زەر اناليزٸ, بيوحيمييالىق قان اناليزٸ, قان قىسىمى مەن كٶز قىسىمىن ٶلشەۋ جوسپارلانىپ وتىر.
«مۇقتاج قارت ادامدارعا كٷندٸزگٸ ستاتسيوناردا, ٷيدەگٸ ستاتسيونارلاردا ەمدەۋ, سونداي-اق تەگٸن دەرٸ-دەرمەك جەتكٸزۋدٸ قامتاماسىز ەتۋ ۇيىمداستىرىلادى», - دەدٸ باس دەرٸگەر.
