قازاقستاندىق زۋلفييا چينشانلو ٶزبەكستان رەسپۋبليكاسىنىڭ تەۋەلسٸزدٸگٸ كٷنٸنە ارنالعان اۋىر اتلەتيكادان حالىقارالىق كۋبوكتا ەكٸنشٸ ورىن يەلەندٸ, دەپ حابارلايدى Sports.kz سايتى.
تۋرنير ونلاين رەجيمدە ٶتٸپ جاتىر.
55 كەلٸگە دەيٸنگٸ سالماق دەرەجەسٸندە ٶزبەكستان سپورتشىسى مۋاتتار نابيەۆا قوس سايىس نەتيجەسٸندە 205 كەلٸنٸ (95+110) ەڭسەرٸپ, جەڭٸمپاز اتاندى.
چينشانلو جۇلقا كٶتەرۋدەن ەرٸپتەسٸنە ەسە جٸبەرسە, سەرپە كٶتەرۋدەن وعان جەتەر ەشكٸم بولمادى (115 كەلٸ). العاشقى ٷشتٸكتٸ پولشالىق سپورتشى يواننا لوحوۆسكايا (80+105) تۇيىقتادى.
ەسكە سالايىق, سايىستىڭ شارتىنا سەيكەس سپورتشىلار دوداعا ٷيدەن نەمەسە جاتتىعۋ ورتالىعىنان قاتىسا الادى. ۇيىمداستىرۋشىلار جاتتىعۋ ورىنداۋ مەن ۆيدەوقوندىرعىنى ورناتۋ بويىنشا بٸرقاتار ەرەجەلەردٸ بەكٸتتٸ. الايدا بۇل كۋبوك تەحنيكالىق جارىس ەرەجەلەرٸنە سەيكەس كەلمەگەندٸكتەن, ونىڭ نەتيجەلەرٸن, سونىڭ ٸشٸندە جاڭا رەكوردتاردى حالىقارالىق اۋىر اتلەتيكا قوعامداستىعى رەسمي مويىندامايدى.
