بٷگٸن UEFA چەمپيوندار ليگاسى 1/8 فينالىندا تاعى ەكٸ ويىن ٶتكٸزٸلەدٸ, دەپ حابارلايدى "ۇلت اقپارات".
جارىستىڭ اتالعان ساتىسىنداعى بٸر كەزدەسۋدە «پورتۋ» (پورتۋگالييا) مەن «يۋۆەنتۋس» (يتالييا) كوماندالارى شەبەرلٸك بايقاسادى.
ويىن ەلوردا ۋاقىتىمەن 01.50-دە باستالىپ, «Qazsport» تەلەارناسىنان تٸكەلەي ەفيردە كٶرسەتٸلەدٸ.
ەكٸ كوماندا دوپ دوداسىندا بۇعان دەيٸن ەكٸ مەرتە كەزدەستٸ. 2017 جىلى 1/8 فينالدا يتالياندىق كلۋب قارسىلاسىن ەكٸ ويىندا 1:0, 2:0 ەسەبٸمەن جەڭٸپ, شيرەك فينالعا جولداما العان بولاتىن.
ەكٸ كوماندا قۇرامىندا جاراقات العان ويىنشىلار سانى كٶپ ەمەس. تەك «پورتۋ» قۇرامىندا فەرناندو اندرادە كەزدەسۋدەن تىس قالىپ وتىر.
كەزدەسۋگە يسپانييالىق كارلوس دەل سەررو گراندە قازىلىق ەتسە, وعان وتانداستارى حۋان يۋستە حيمەنەس پەن روبەرتو الونسو فەرناندەس كٶمەكشٸلٸك جاسايدى.
ويىن پورتۋ قالاسىنداعى «Dragão» ستاديونىندا ٶتكٸزٸلەدٸ.
بٷگٸنگٸ تاعى بٸر كەزدەسۋدە «سەۆيليا» (يسپانييا) جەنە «بورۋسسييا دورتمۋند» (گەرمانييا) جاسىل الاڭعا شىعادى.
ويىن ەلوردا ۋاقىتىمەن 01.50-دە باستالىپ, «Qazsport» تەلەارناسىنان تٸكەلەي ەفيردە كٶرسەتٸلەدٸ.
بۇعان دەيٸن اتالعان كلۋبتاردىڭ چەمپيوندار ليگاسىندا جولى تٷيٸسكەن ەمەس.
ال ەۋروپا ليگاسىندا 2010 جىلى توپتىق كەزەڭدەگٸ العاشقى ويىندا «سەۆيليا» قارسىلاسىن 1:0 ەسەبٸمەن جەڭٸپ, قارىمتا ويىندا 2:2 ەسەبٸ تٸركەلدٸ.
يسپاندىق كلۋب جارىستى جالعاستىردى.
بٷگٸنگٸ كەزدەسۋگە نيدەرلاندىلىق دانني ماككەلي باس تٶرەشٸ رەتٸندە بەلگٸلەنگەن.
وعان وتانداستارى حەسسەل ستەگسترا مەن ماريو ديكس كٶمەكشٸلٸك ەتەدٸ. ويىن سەۆيليا قالاسىنداعى «Ramón Sánchez Pizjuán» ستاديونىندا ٶتەدٸ.
ويىنعا قاتىسا المايتىن فۋتبولشىلار بار. العان جاراقاتىنا بايلانىستى «سەۆيليا» قۇرامىنان حەسۋس ناۆاس, لۋكاس وكامپوس, ماركوس اكۋنيا, «بورۋسسييا دورتمۋند» قاتارىنان تورگان ازار, دان-اكسەل زاگادۋ, اكسەل ۆيتسەل, مارسەل شمەلتسەر, رومان بيۋركي, توما ميونە, لۋكاش پيششەك جاسىل الاڭعا شىقپايدى.
قارىمتا ويىندار 11 ناۋرىزعا بەلگٸلەنگەن.
