چەحييا ەسكەري قارۋ-جاراق قويماسىنداعى 2014 جىلعى جارىلىسقا رەسەي بارلاۋ قىزمەتٸنٸڭ قاتىسى بولۋى مٷمكٸن دەپ, رەسەي ەلشٸلٸگٸنٸڭ 18 قىزمەتكەرٸن ەلٸنە قايتارۋ تۋرالى شەشٸم قابىلدادى. بۇل تۋرالى 17 سەۋٸردە چەحييا ٷكٸمەتٸنٸڭ باسشىسى اندجەي بابيش پەن سىرتقى ٸستەر مينيسترٸ يان گاماچەك مەلٸمدەدٸ.
بابيشتٸڭ سٶزٸنشە, چەحييانىڭ قۇقىق قورعاۋ ورگاندارى ۆربەتيتس اۋىلىنداعى اۋقىمدى جارىلىسقا رەسەي ەسكەريلەرٸنٸڭ قاتىسى بارىن دەلەلدەگەن.
"چەحييا رەسپۋبليكاسى – ەگەمەن مەملەكەت جەنە ول مۇنداي دەرەكتەر ەشكەرە بولعاندا جاۋاپ بەرۋٸ تيٸس" دەدٸ ەلدٸڭ پرەمەر-مينيسترٸ.
"نەمٸس تولقىنى" راديوسىنىڭ حابارلاۋىنشا, چەحييانىڭ سىرتقى جەنە ٸشكٸ ٸستەر مينيسترٸ قىزمەتٸن قاتار اتقارىپ وتىرعان يان گاماچەك رەسەي ەلشٸلٸگٸندە ٸستەيتٸن 18 ديپلوماتتىڭ شىن مەنٸندە رەسەي باس بارلاۋ باسقارماسى (گرۋ) مەن سىرتقى بارلاۋ قىزمەتٸنٸڭ ادامدارى ەكەنٸن دەلەلدەيتٸن ايعاقتىڭ بارىن ايتقان. ديپلوماتتارعا ەلدەن كەتۋگە 48 ساعات بەرٸلٸپ وتىر.
وسىنىڭ الدىندا عانا يان گاماچەكتٸڭ مەسكەۋ ساپارىنان باس تارتقانى بەلگٸلٸ بولدى. بۇل ساپاردا ول "سپۋتنيك V" ۆاكتسيناسىن ساتىپ الۋ جٶنٸندە كەلٸسسٶز جٷرگٸزبەك بولعان. بۇل جوسپارى ٷشٸن گاماچەكتٸ ٶز كواليتسيياسىنداعى ەرٸپتەستەرٸ دە, وپپوزيتسييا دا سىناعان.
پراگانىڭ 18 ديپلوماتتى قايتارۋى چەحييانىڭ رەسەيمەن قارىم-قاتىناسىنا نۇقسان كەلتٸرەدٸ دەدٸ رەسەي مەملەكەتتٸك دۋماسى حالىقارالىق ٸستەر جٶنٸندەگٸ كوميتەتٸنٸڭ تٶراعاسى لەونيد سلۋتسكيي.
"ديپلوماتييالىق ميسسييانىڭ 18 قىزمەتكەرٸن قايتارۋ – رەسەيمەن ەكٸجاقتى قارىم-قاتىناسىنا اۋىر سوققى" دەدٸ سلۋتسكيي جۋرناليستەرگە سەنبٸ, 17 سەۋٸر كٷنٸ. "نەگٸزدەمەسٸ دە, 2014 جىلعى وقيعاعا سٸلتەۋٸ دە سىن كٶتەرمەيدٸ. مۇنداي قادامعا بارۋعا شىنايى سەبەپتٸڭ جوعىنا سەنٸمدٸمٸن".
سلۋتسكيي رەسەيدٸڭ پراگانىڭ قادامىنا قارىمتا قايتاراتىنىن مەلٸمدەدٸ.
وسى ارادا چەحييا پوليتسيياسى ەرتٷرلٸ پاسپورتى بار دەگەن ەكٸ رەسەي ازاماتىنا ٸزدەۋ سالدى. بۇل ەكٸ ازامات چەحييادا 2014 جىلى 11-16 قازان ارالىعىندا بولعان. پوليتسييانىڭ سٶزٸنە قاراعاندا, ەڭگٸمە الەكساندر پەتروۆ پەن رۋسلان بوشيروۆ دەيتٸن اتىشۋلى رەسەيلٸكتەر جٶنٸندە بولىپ وتىر.
ۇلىبريتانييا پەتروۆ پەن بوشيروۆتٸ سەرگەي مەن يۋلييا سكريپالداردى "نوۆيچوكپەن" ۋلاۋعا قاتىسى بار گرۋ قىزمەتكەرلەرٸ سانايدى. Bellingcat پەن The Insider مەلٸمەتٸنشە, پەتروۆ پەن بوشيروۆتىڭ ناعىز اتى-جٶنٸ اناتوليي چەپيگا جەنە الەكساندر ميشكين.
